بسم الله ماشاء الله
بارك الله لك فيها وآتاك خيرها ووقاك شرها
تقرير رائع يا باشا
وقي انتظار تقرير أول صيانة بنفس المستوي غن شاء الله
رقم العضوية : 655
تاريخ التسجيل : 14May2007
المشاركات : 205
النوع : ذكر
الاقامة : New Cairo
السيارة: Suzuki Alto 800CC Full Option
السيارة[2]: BYD-F3 Auto
دراجة بخارية: dd
الحالة :
بناء على طلب الأعضاء الكرام ، أنا هحاول اعملك تقرير مفصل و بالصور عن العربية
هبتدي الاول بمواصفات العربية :
1- 1600 cc موتور 4G18 (موتور لانسر بومة )
2-فتيس أوتوماتيك من إنتاج شركة JATCO(فتيس ياباني)
3- تكييف (كويس جداً )
4- باور (ثقيل نوعاً ما )
5- 4 زجاج كهرباء و مرايات كهرباء
6- 4 سماعات + 2 تويتر
7- فانوس شبورة خلفي
8- نظام أمان (بتجي ب 2 ريموت كونترول)
9 - لايت سنسور
10- 2 أيرباج
11- ABS & EBD
12- خمس جنوط سبور
13- باركينج سنسور
14- تحكم في الكاست من الدركسيون
15- فتحت سقف
16- فتح الشنطة و التنك من الداخل
17- الدركسيون قابل للتعديل
من النظرة الأولى للعربية تحس انك شايف من الامام تويوتا كورولا متنكرة و من الخلف هوندا سيتي و طبعاً صالون و تابلوه تويوتا كورولا
العربية شاسيه و صالون و تابلوه و عفشة كورولا و موتور لانسر (و دة ميزة عشان تعدد مصادر قطاع الغيار )
المفتاح و الريموت شكلهم شيك و بسيط
نبتدي و ندوس على زرار unlock ( هنلاحظ هنا إن نور الصالون هينور هو و دائرة الضوء الخضراء حوالين الكونتكت ) نفتح الباب هيجيلك إحساس بالرحابة و الفخامة
نركب و نبتدي ندور ، صوت الموتور هادئ و ناعم و و نور العدادت جميل
نبتدي ننقل على D المفروض العربية تبدأ في التسارع أول ماشيل رجلي من على الفرامل و دة فعلاً بيحصل بس بمعدل أقل من من عربيات أوتوماتيك تانية (واحد صاحبي معها اوبل فيكترا ٩٨ و فيه فرق )
الجميل إن طول ما RPM تحت 3 العربية يكاد يكون ملهاش صوت بس بعد 3 بحس إن فيه حيوان بيذأر و مع كبسة البنزين العربية بتستجيب بسرعة و تسحب
العربية راكزة على الارض و مسكة نفسها في المنحنيات و ال-ABS يعمل بكفاءة (حصل معايا موقف و ضغط فرامل جامد و ال حمدلله الABS إشتغل و العربية مزحفتش )
أبعاد العربية متعبة في الاول بس مع التعود الامر بيصبح أسهل ، صاج العربية ناشف و مش ورق ذي عربيات تانية (أنا معايا التو لو حد كح في الصاج بيأثر فيه )
اه كنت هنسى، العربية مع المطبات بتاخد و تدي معها يعني مش بتدبدب و في نفس الوقت عليا على الارض و الحمدلله محكتش معايا في مطبات
معلش أنا هنقل المميزات و العيوب اللي كتبتها في موضوع قبل كدا و بعد كدا هسبكو مع الصور
العيوب :
1-الشنطة عشان تتقفل لازم تترزع جامد و رحت عن واحد بتاع أبواب في السابع عملها بس للأسف المفتاح إلي بيفتح الشنطة من جوة بقى أوقات يشتغل و أوقات لأ و كمان الشنطة مفارقة من جانب و الجانب التاني لأ
2-فيه هواء ساخن بيجي من عند الدواسة أو من تحت التابلوه و ديه فعلاً الحاجة إلي مزعلاني خصوصاً إن التكييف بتاع العربية حلو أوي بس بسبب الهواء السخن دة العربية بتاخد وقت عشان تسقع (أنا عارف اني المفروض مشغلش التكييف بس عشان كان راكب معايا ناس كبيرة )
3- العربية فيها رعشة أو غربلة عند سرعة 120 كم فما فوق (مش عارف دة ترصيص ولا إيه )
4-الفوانيس الأمامية مرفوعة أوي لفوق لدرجة اني بحس إن مفيش فرق بن العالي و الواطي
5-أوقات بسمعة صوت ونة بسيطة أوي عند سرعة 60-70 كم (دة عيب ممكن التغاضي عنه عشان أنا ودني حساسة زيادة عن الزوم و ممكن العيب دة يكون عند حد تاني و مش واخد باله عشان ذي مابقول أنا بركز أوي مع العربية) و لاحظتها إلنهردة عند سرعة 30 بس مش بتحصل ديماً
6- الباركينج سنسور بيدي صوت على أساس اني هخبط في اللي ورايا في حين إن بيبقى فيه لسة مسافة حوالي نص متر
7- إستهلاك البنزين كان مع أول تفويلة 11.7 كم في اللتر ، مع تاني تفويلة كان 9 كم في اللتر
نجي بقى للمزايا
1-العربية ناعمة قوي و صوت الموتور تحت rpm 3 بيبقى ناعم و هادئ و أحسن حاجة اني مش بحس بالعربية على الارض و هي مشية
2-العربية واسعة الحمدلله و الشنطة مشاء الله واسعة قوي
3-عزم الموتور شديد لما بحب اقرص عليه مش بيخيب ظني و العربية بتجيب معايا
4- العربية راسية على الأرض و تحس انها مسكة نفسها
5-عفشة العربية لا هي ناشفة ولا هي طرية و مش بترزع في المطبات
6-إرتفاع العربية عن الأرض كويس قوي و لما حد بيركب ورا مش بتهبط جامد
7- تقفيل العربية إلى حد كبير كويس قوي بإستثناء الموكيت
تم التثبيت لتعم الفائدة
مشرف 7ب
25/5/2011
1.10 am
Mohamed Gad El Kareem
Senior Software Developer
رقم العضوية : 42321
تاريخ التسجيل : 11Jun2009
المشاركات : 1,550
النوع : ذكر
الاقامة : كون الله الرحيب
السيارة: BMW e39
السيارة[2]: LANCER 1.3 M/T
دراجة بخارية: no
الحالة :
بسم الله ماشاء الله
بارك الله لك فيها وآتاك خيرها ووقاك شرها
تقرير رائع يا باشا
وقي انتظار تقرير أول صيانة بنفس المستوي غن شاء الله
الحمد لله والشكر لله
رقم العضوية : 655
تاريخ التسجيل : 14May2007
المشاركات : 205
النوع : ذكر
الاقامة : New Cairo
السيارة: Suzuki Alto 800CC Full Option
السيارة[2]: BYD-F3 Auto
دراجة بخارية: dd
الحالة :
شكراً لرد حضرتك الكريم و إن شاء الله سواء هعمل الصيانة في القطامية أو في اسكندرية هحاول أعمل تقرير بالمزايا و العيوب
Mohamed Gad El Kareem
Senior Software Developer
رقم العضوية : 42321
تاريخ التسجيل : 11Jun2009
المشاركات : 1,550
النوع : ذكر
الاقامة : كون الله الرحيب
السيارة: BMW e39
السيارة[2]: LANCER 1.3 M/T
دراجة بخارية: no
الحالة :
موفق بإذن الله
الحمد لله والشكر لله
رقم العضوية : 94909
تاريخ التسجيل : 16Apr2011
المشاركات : 1,859
النوع : ذكر
الاقامة : cairo
السيارة: HONDA ACC.98
السيارة[2]: LADA وراحت بعد ماجابتلي خشونة في ركبي
دراجة بخارية: na
الحالة :
ألف مبروك ربنا يحفظها يارب
ومعلش عايزين تقرير بعد ماتروح الصيانة وتشوف العيوب دي هيعملوا فيها ايه
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
بسم الله ما شاء الله ولا حول ولا قوة إلا بالله .. ربنا يباركلك فيها يا أبو حميد ويكفيك شرها وشر الطريق وتكون دايماً فرحان ومبسوط منها .. وتقرير أكثر من ممتاز .
ومبروك على الطارة الجديدة شكلها حلو وذوق جميل من انسان جميل .. والحمد لله الفوم راكب في الاكصدامات وكله تمام .
بالنسبة للمالتي فاكشن .. بيتحكم في الكاسيت بس ولا الراديو كمان .. وهل هو لتعلية وتوطية الصوت فقط ولا التنقل بين التراكات في الكاسيت والمحطات في الراديو .
عارف العربية دي ناقصها أيه ؟ ناقصها كاميرا خلفية بشاشة في الكاسيت ووحدات رفع للزجاج وفتحة السقف .
Life's too Short for the Wrong Job
ziabassem سابقا
رقم العضوية : 655
تاريخ التسجيل : 14May2007
المشاركات : 205
النوع : ذكر
الاقامة : New Cairo
السيارة: Suzuki Alto 800CC Full Option
السيارة[2]: BYD-F3 Auto
دراجة بخارية: dd
الحالة :
باسم باشا
الله يبارك فيك على موضوع الطارة ، أنا طلع عيني عشان ألاقي الون دة عشان مكنتش حابب أجيب بيج و الحمدلله انها طلعت بخامة كويسة
بالنسبة للمالتي فاكشن .. أنا مجربتش مع الكاسيت بصراحة أنا كل استعمالي ليه اني أعلي و أوطي الصوت و أعمل Mute و هو برضه بيتحكم في تردد محطات الراديو
بالنسبة العربية ناقصهى اه هو ذي ماقلت :
ناقصها كاميرا خلفية بشاشة في الكاسيت
ووحدات رفع للزجاج وفتحة السقف
فوانيس شبورة أمامية
Mohamed Gad El Kareem
Senior Software Developer
رقم العضوية : 27398
تاريخ التسجيل : 11Dec2008
المشاركات : 1,307
النوع : ذكر
الاقامة : Egypt
السيارة: Sunny 2011
السيارة[2]: X - A 516
الحالة :
ما شاء الله
ربنا يباركلك فيها اكنها تيوتا كرولا فعلا
بس سؤال
هل هى تقفيل مصرى
وبكام
وتوكيلها عامل ايه مع الناس
رقم العضوية : 5577
تاريخ التسجيل : 12Feb2008
المشاركات : 4,439
النوع : ذكر
الاقامة : cairo
السيارة: يا رب
السيارة[2]: Fiat One twenty eight M/T
دراجة بخارية: لا يوجد
الحالة :
أسمحلي أرد على حضرتك ولو أني مش من ملاك العربية بس متابع جيد ليها كعربية محترمة في فئتها .
هي بالفعل تقفيل مصري سواء المانيوال أو الأتوماتيك .. وتمن المانيوال 70 والأتوماتيك 80 .
ومن خلال مشاركات الأعضاء اللي اتعاملوا مع التوكيل استنتجت أن توكيلها زي أي توكيل مصري (ميفرقش عن توحة كتير) .. بس العزاء الوحيد أنه بيصلح ويحسن من نفسه كتير ويجتهد ليكون أفضل بالفعل مش بالقول لإرضاء العملاء .. بمعنى أخر مش بيتلكك زي التانيين علشان يخرجك من الضمان ويشيل الزبون .
Life's too Short for the Wrong Job
ziabassem سابقا
رقم العضوية : 5719
تاريخ التسجيل : 14Feb2008
المشاركات : 3,044
النوع : ذكر
الاقامة : Cairo
السيارة: accident Accent 2011
السيارة[2]: Opel Corsa 2007
الحالة :
بسم الله ماشاء الله ربنا يبارلك فى العربيه
وتقرير رائع ومرجع لاى حد بيفكر يشترى العربيه
وانا ركبت ال Byd من العربيات الحلو اوى وناعمه وعاليه عن الارض زى مابتقول واختيار موفق
[shr71=http://www.dieselstation.com/pics/Hyundai%20Accent%202009-car-pictures.jpg]Hyndai Accent 2011[/shr71]
المفضلات