البطارية بتتغيير امتى - الراجل بيضحك عليا ولا ايه ؟

**Ramy_2R** · 20-05-2011 07:42 PM

فكرتنى لما جيت أغير بطاريتى من 6 شهور كده
عشان كانت البطاريه لو طفيت العربيه و شغلتها تانى بسرعه مبتلقطش
فالراجل قلى البطاريه دى لازم تتغير
بقوله ليه دى حتى لسه بحالته
لقيته بيبصلى بأستغراب و بيقولى .... البطاريه دى موديل 2005 يا أستاذ
:d

**MMamdouh** · 20-05-2011 08:14 PM

المشاركة الأصلية كتبت بواسطة m7mda7md

انا عن نفسي عندي نفس وجهه نظر استاذ ممدوح.شيلت البطاريه خالص و العربيه فضلت دايره و كله تمام بس الكهرباىي قالي عشان عربيه إنجكشن..العربيه فيرنا 2008...بس في سؤال بيطرح نفسه...ليه عملوا البطاريات العاليه طالما الصغيره هتأدي الغرض؟

دة بيرجع لحجم المكنة اللى مطلوب تدورها

اكبر بطارية شوفتها كانت 100 امبير و راكبة فى عربية BMW فيها مكنة 4000 سى سى 8 سلندر... طبعا تخيل حجم المارش اللى المفروض يدور المكنة دى و كمية الكهرباء اللى حيحتاجها عشان يشتغل

العكس بالعكس لما تبقى مكنة صغيرة مش حتحتاج بطارية كبيرة... و انا ملاحظ ان العربيات الحديثة بقت تنزل ببطاريات صغيرة جدا يعنى 45 امبير و حاجات كدة

MMamdouh

**MMamdouh** · 20-05-2011 08:17 PM

دا كدة كتر خيرها و زيادة... اكتر بطارية عمرت معايا قعدت 3 سنوات و نص

MMamdouh

**dell2000** · 26-05-2011 01:15 PM

المشاركة الأصلية كتبت بواسطة mmamdouh

كل دة بياخد كهربا من الدينامو مش البطارية... بدليل انك ممكن تفك البطارية و العربية دايرة و العربية بتفضل شغالة عادى خالص

و لو كان الكلام دة صح كان كل واحد ركب عدة صوت عالية و زينون بطاريتة ماتت بعد ما ركب الحاجة دى و احتاج بطارية اكبر من اللى كانت اصلا فى العربية

mmamdouh

أختلف معاك كليا و جزئيا هنا يا استاذ ممدوح

انا مركب اوبتيما الصفرا و الفرق شاسع في صوت العدّة
الصوت تقريبا تضاعف و رعشة الأنوار مع البيز إختفت تماما
و العربية ممكن أركنها شهرين و اسافر و ارجع أدوّرها تدور كأني سايبها إمبارح
البطارية بقالها 3 سنين و عمرها الإفتراضي من 10 ل 12 سنة

**MMamdouh** · 26-05-2011 02:38 PM

ابقى فك البطارية و العربية دايرة و قوللى حيحصل ايه

MMamdouh

**dell2000** · 26-05-2011 03:24 PM

المشاركة الأصلية كتبت بواسطة mmamdouh

ابقى فك البطارية و العربية دايرة و قوللى حيحصل ايه

mmamdouh

عملنا الحركة دي قبل كده في تشغيل عربية بطاريتها نايمة و العربية كانت بتنهار بعد ما فكينا البطارية بالتدريج

البطارية عليها عامل كبير برضه و إلا الأعراض اللي عندي دي أختفت ليه بقى بعد اوبتيما؟؟؟

و علميا بعيد عن التطبيق العملي حتى فأوبتيما بتشحن 3 مرات أسرع من البطارية العادية و بالتالي تحميل أخف على الدينامو و بتطلق الشحنة الكهربية 125 مرة اسرع منها علشان كده كل ما يكون النظام كلّه جعان للكهربا هية تقوم ملبّية إحتياجاته اسرع

و كمان إحتياطي طاقة رائع لدرجة اني شغّلت مرة العدة (2 جي إم واحد 760 بيونيير و التاني كنوود 800) و العربية مبطّلة على العالي لمدة 3 ساعات و البطارية منامتش ولا حتى عتّلت