البطارية بتتغيير امتى - الراجل بيضحك عليا ولا ايه ؟

**JapRuleZ** · 20-05-2011 12:00 AM

العربية بتتأخر شوية فى الدوار
رحت عند بتاع البطاريات قالى مكن تقف فى اى وقت بعد ما قاس الكهربا بالجهاز
و قاللى البطارية اخرها سنتين
اعرف انا منين انه مش بيشتغلنى ؟
و ايه احسن البطاريات و بكام
انا مركب عندى 45 امبير بس حاسس انه ضعيف عا شبورة و الكاسيت

**zegzaag** · 20-05-2011 12:32 AM

بص يا كبير انا هكلمك من واقع خبرتي مع البطاريات

هو غالبا الضمان على البطاريات بيكون سنه واحده ( طبعا في سبب ورا الموضوع )
وبردو الاستخدام بيلعب دور كبير ( يعني مثلا مركب حزام للبطاريه ومقرط عليه ولا البطاريه عايمه وبتتخبط يمين وشمال ) الحاجات دي مثلا او لو ( البطاريه بتفضى منك كتير بسبب الانوار او حاجه منسيه مفتوحه فبتشحنها والشيل والحط والشحن والتفريغ ) وطبعا الحاجات دي حصلت معايه وقصرت معايه عمر البطاريه

اما ازاي تعرف ان البطاريه جابت اخرها ان لما تسيب العربيه مبطله البطاريه بتفضي الشحن ولازم تاخد وصلة او تخبط عليها والحركات دي عشان تدور والدينامو يشحنها وده بيبقى فيها جوه زي شريحه مكسوره بتخلي الشحن يفضى مهما مشيت بالعربيه خمس سعات وسبتها ربع ساعه او نص ساعه تيجي تدور تلاقيها نامت ( حسب ما حصل معايه ) وكانت بتفضي الشحن بسبب الموضوع ده

اما احسن الانواع طبعا فالالماني varta لا يعلى عليه والمحلات بتاخد منك القديمه وبتنزلك فسعر الجديده اما الاحجام بردو فال 55 بتنفعك اكتر لو انته بتستخدم تكييف كتير او كهربا كتير ولو موتورك عالي المفروض تجيب حاجه مناسبه لان طبعا ده ممكن يقصر عمر البطاريه لو موتورك كبير والبطاريه مش مناسبه

واعذرني لو معلوماتي محدوده

**kingmony** · 20-05-2011 01:53 AM

طب يا جماعه لومثلا غيرت لبطاريه 70 امبير فى عربيه صغيره وموتور صغير هل البطاريه تبوظ

**MMamdouh** · 20-05-2011 02:10 AM

البطارية فعلا ممكن تتلف بعد سنتين...

لو ركنت العربية مدة طويلة و لما جيت تدور النور ضغف جامد او المارش مرداش يلف يبقى البطارية ماتت

خللى بالك ان دور البطارية هو ادارة المارش فقط و اول ما الموتور يدو الدينامو هو اللى بيغذى كل المكونات الكهربائية للعربية فا لو انت عربيتك الستاندر بتاعها 45 متجيبش اكتر من كدة لان دة حيبقى مضيعة فلوس

MMamdouh

**mrghost** · 20-05-2011 07:53 AM

باشا انت ممكن تجيب 55 امبير علشان الحاجات الزياده دى
وبعدين البطاريات ملهاش عمر محدد ممكن سنه او سنتين او 3 سنين
انا عندى فى بطاريه قعدت 3 سنين بحالهم

**medododo** · 20-05-2011 09:03 AM

المشاركة الأصلية كتبت بواسطة mrghost

باشا انت ممكن تجيب 55 امبير علشان الحاجات الزياده دى
وبعدين البطاريات ملهاش عمر محدد ممكن سنه او سنتين او 3 سنين
انا عندى فى بطاريه قعدت 3 سنين بحالهم

+11111111111111111

**MMamdouh** · 20-05-2011 06:41 PM

المشاركة الأصلية كتبت بواسطة JapRuleZ

يعنى فعلان امبير اعلى ملوش لزمة ؟
بالذات لو مشغل تكييف و انوار و زينون و سماعات ؟

كل دة بياخد كهربا من الدينامو مش البطارية... بدليل انك ممكن تفك البطارية و العربية دايرة و العربية بتفضل شغالة عادى خالص

و لو كان الكلام دة صح كان كل واحد ركب عدة صوت عالية و زينون بطاريتة ماتت بعد ما ركب الحاجة دى و احتاج بطارية اكبر من اللى كانت اصلا فى العربية

MMamdouh