العربية بتتأخر شوية فى الدوار
رحت عند بتاع البطاريات قالى مكن تقف فى اى وقت بعد ما قاس الكهربا بالجهاز
و قاللى البطارية اخرها سنتين
اعرف انا منين انه مش بيشتغلنى ؟
و ايه احسن البطاريات و بكام
انا مركب عندى 45 امبير بس حاسس انه ضعيف عا شبورة و الكاسيت
بص يا كبير انا هكلمك من واقع خبرتي مع البطاريات
هو غالبا الضمان على البطاريات بيكون سنه واحده ( طبعا في سبب ورا الموضوع )
وبردو الاستخدام بيلعب دور كبير ( يعني مثلا مركب حزام للبطاريه ومقرط عليه ولا البطاريه عايمه وبتتخبط يمين وشمال ) الحاجات دي مثلا او لو ( البطاريه بتفضى منك كتير بسبب الانوار او حاجه منسيه مفتوحه فبتشحنها والشيل والحط والشحن والتفريغ ) وطبعا الحاجات دي حصلت معايه وقصرت معايه عمر البطاريه
اما ازاي تعرف ان البطاريه جابت اخرها ان لما تسيب العربيه مبطله البطاريه بتفضي الشحن ولازم تاخد وصلة او تخبط عليها والحركات دي عشان تدور والدينامو يشحنها وده بيبقى فيها جوه زي شريحه مكسوره بتخلي الشحن يفضى مهما مشيت بالعربيه خمس سعات وسبتها ربع ساعه او نص ساعه تيجي تدور تلاقيها نامت ( حسب ما حصل معايه ) وكانت بتفضي الشحن بسبب الموضوع ده
اما احسن الانواع طبعا فالالماني varta لا يعلى عليه والمحلات بتاخد منك القديمه وبتنزلك فسعر الجديده اما الاحجام بردو فال 55 بتنفعك اكتر لو انته بتستخدم تكييف كتير او كهربا كتير ولو موتورك عالي المفروض تجيب حاجه مناسبه لان طبعا ده ممكن يقصر عمر البطاريه لو موتورك كبير والبطاريه مش مناسبه
واعذرني لو معلوماتي محدوده
طب يا جماعه لومثلا غيرت لبطاريه 70 امبير فى عربيه صغيره وموتور صغير هل البطاريه تبوظ
البطارية فعلا ممكن تتلف بعد سنتين...
لو ركنت العربية مدة طويلة و لما جيت تدور النور ضغف جامد او المارش مرداش يلف يبقى البطارية ماتت
خللى بالك ان دور البطارية هو ادارة المارش فقط و اول ما الموتور يدو الدينامو هو اللى بيغذى كل المكونات الكهربائية للعربية فا لو انت عربيتك الستاندر بتاعها 45 متجيبش اكتر من كدة لان دة حيبقى مضيعة فلوس
MMamdouh
انا كنت عاوز اغيير البطارية قبل متعمل الحركة النص كم دىاقتباس:
المشاركة الأصلية كتبت بواسطة zegzaag
يعنى فعلان امبير اعلى ملوش لزمة ؟اقتباس:
المشاركة الأصلية كتبت بواسطة mmamdouh
بالذات لو مشغل تكييف و انوار و زينون و سماعات ؟
باشا انت ممكن تجيب 55 امبير علشان الحاجات الزياده دى
وبعدين البطاريات ملهاش عمر محدد ممكن سنه او سنتين او 3 سنين
انا عندى فى بطاريه قعدت 3 سنين بحالهم
+11111111111111111اقتباس:
المشاركة الأصلية كتبت بواسطة mrghost
كل دة بياخد كهربا من الدينامو مش البطارية... بدليل انك ممكن تفك البطارية و العربية دايرة و العربية بتفضل شغالة عادى خالصاقتباس:
المشاركة الأصلية كتبت بواسطة JapRuleZ
و لو كان الكلام دة صح كان كل واحد ركب عدة صوت عالية و زينون بطاريتة ماتت بعد ما ركب الحاجة دى و احتاج بطارية اكبر من اللى كانت اصلا فى العربية
MMamdouh
انا عن نفسي عندي نفس وجهه نظر استاذ ممدوح.شيلت البطاريه خالص و العربيه فضلت دايره و كله تمام بس الكهرباىي قالي عشان عربيه إنجكشن..العربيه فيرنا 2008...بس في سؤال بيطرح نفسه...ليه عملوا البطاريات العاليه طالما الصغيره هتأدي الغرض؟
تاخر الدوراة ليه اكتر من سبب و طالما البطارية شغالة كويس هتغيرها ليه
فكرتنى لما جيت أغير بطاريتى من 6 شهور كده
عشان كانت البطاريه لو طفيت العربيه و شغلتها تانى بسرعه مبتلقطش
فالراجل قلى البطاريه دى لازم تتغير
بقوله ليه دى حتى لسه بحالته
لقيته بيبصلى بأستغراب و بيقولى .... البطاريه دى موديل 2005 يا أستاذ
:d
دة بيرجع لحجم المكنة اللى مطلوب تدورهااقتباس:
المشاركة الأصلية كتبت بواسطة m7mda7md
اكبر بطارية شوفتها كانت 100 امبير و راكبة فى عربية BMW فيها مكنة 4000 سى سى 8 سلندر... طبعا تخيل حجم المارش اللى المفروض يدور المكنة دى و كمية الكهرباء اللى حيحتاجها عشان يشتغل
العكس بالعكس لما تبقى مكنة صغيرة مش حتحتاج بطارية كبيرة... و انا ملاحظ ان العربيات الحديثة بقت تنزل ببطاريات صغيرة جدا يعنى 45 امبير و حاجات كدة
MMamdouh
اقتباس:
المشاركة الأصلية كتبت بواسطة m7mda7md
دا كدة كتر خيرها و زيادة... اكتر بطارية عمرت معايا قعدت 3 سنوات و نص
MMamdouh
انا ح اقول كلمتي و اجري على الله العربيه القديمه فرنا موديل 2005 البطاريه غيرتها 2010 و لم تعمل معى مشاكل مطلقا بس لازم تشيك على مياهها و كذلك درجة كثافة الحامض عند واحد امين كل فتره ثانيا البطاريه و الدينامو وحده واحده لأن امبير الدينامو الخارج هو الأساسي في تحديد سعة البطاريه
أختلف معاك كليا و جزئيا هنا يا استاذ ممدوحاقتباس:
المشاركة الأصلية كتبت بواسطة mmamdouh
انا مركب اوبتيما الصفرا و الفرق شاسع في صوت العدّة
الصوت تقريبا تضاعف و رعشة الأنوار مع البيز إختفت تماما
و العربية ممكن أركنها شهرين و اسافر و ارجع أدوّرها تدور كأني سايبها إمبارح
البطارية بقالها 3 سنين و عمرها الإفتراضي من 10 ل 12 سنة
ابقى فك البطارية و العربية دايرة و قوللى حيحصل ايه
MMamdouh
عملنا الحركة دي قبل كده في تشغيل عربية بطاريتها نايمة و العربية كانت بتنهار بعد ما فكينا البطارية بالتدريجاقتباس:
المشاركة الأصلية كتبت بواسطة mmamdouh
البطارية عليها عامل كبير برضه و إلا الأعراض اللي عندي دي أختفت ليه بقى بعد اوبتيما؟؟؟
و علميا بعيد عن التطبيق العملي حتى فأوبتيما بتشحن 3 مرات أسرع من البطارية العادية و بالتالي تحميل أخف على الدينامو و بتطلق الشحنة الكهربية 125 مرة اسرع منها علشان كده كل ما يكون النظام كلّه جعان للكهربا هية تقوم ملبّية إحتياجاته اسرع
و كمان إحتياطي طاقة رائع لدرجة اني شغّلت مرة العدة (2 جي إم واحد 760 بيونيير و التاني كنوود 800) و العربية مبطّلة على العالي لمدة 3 ساعات و البطارية منامتش ولا حتى عتّلت