الموضوع: هل الباب ده ممكن يتسمكر ويبقى تمام ؟

علي فكره ياباشا يرجع عادي جدااا لو سمكري كويس هايرجعه من غير اي مشاكل

المشاركة الأصلية كتبت بواسطة romio11192

متغلطش غلطتى
انا رديت باببين مخبوطين عندى
بس للأسف ندمت
المعجون بيعمل تموجات للأنعكاس و بيقى باين انها مش مظبوطه

فعلا لو هو مين مش هايرجع لأصله وهايبقى باين
دي حاجة ترجع لحالة صاج العربية كلها لو ممتازة يبقى هات باب جديد أحسن

والله ردودكم ممتازه ومفيده لجميع الزوار الي بيخشو على الموضوع

بالنسبه للمعجون فالعربيه فيها ابواب مردوده بردو والتعرجات باينه لكن عاديه يعني شكلها مش وحش اوي

لكن بالنسبه للاستيراد فانا جربت وكنت جبت باب نظيف لكن المشكله ان العربيه دي فيها منها كذا موديل فنفس السنه يعني هتجيب باب زيو بالظبط لكن هيفرق معاك فحاجه بسيطه هتعملك مشكله ولو خليجي ولا اوروبي و موديل قبلو بسنه مش هيبان هو نفس المقاس لكن فالتركيب هيختلف

انا جبت باب استيراد وراكب عندي لكن بردو عامل ازعاج فقلفو وفتحو وفالقزاز وفكل حاجه ومبقاش بيقفل فانا فكرة الاستيراد بطلتها لاني كل ما اجيب حاجه بمشي بيها فتره لكن عيبوها بتبان وبتعمل مشاكل يعني حاجه مش جايه مع العربيه مش هتريحها ولا هتبقى مصممه ليها فانا بقيت بصلح اي حاجه فالعربيه وبحس براحة اكتر

بالنسبه لصاج الباب فالصورة الي فيها الباب من وره باين ان مفيش شغل اتعمل فيه قبل كده هي الخبطه واترمى وطبعا صاج العربيات القديمه خامتو تقيله ده الباب عاوز اتنين يشيلوه فهل ده كفايه ان الباب يبقى كويس ؟

ثم يجماعه هل لازم يقطع عشان يشتغل ؟ انا شفت مره حاجه زي ايد كده بتوصل للأماكن الصعبه يعني بيدخلها جوه العظم ويدخلها المكان المطلوب فهل ده موجود ولا مبيحصلش فخبطه زي دي ؟

وشكرا ليكو على اهتمامكم وردودكم الاكثر من رائعة

بالنسبة للتصليح . الباب هايرجع مضبوط بس ساعة الرش هايشيل معجون كتير ولو الصنايعي محترم بتاع الدوكو هايخلي لك الباب زي المراية مش هاتلاقية معوج خالص .بس لو الباب اتخبط هايبقي شكلة زفت والمعجون هايشرخ . باختصار الي بيداري شغل السمكري بتاع الدهان .
والافضل استيراد
مقولة للصنايعية (شرا العبد ولا تربيتة )

هو مش بيقص ف العضم بتاع الباب
المفروض بيفك اللحامات و بيظبطه و بعدين بيرجع يلحم تاني
و الحاجات الي اتلحمت بتترش و مبيجيش فيها بارومه

فيه سمكريه عندنا هنا بيجيلهم عربيات مقلوبه و مطبقه و بيرجعوها جديده تاني
قليل اما بيغير حاجه فيها

المشاركة الأصلية كتبت بواسطة saadelden

هو مش بيقص ف العضم بتاع الباب
المفروض بيفك اللحامات و بيظبطه و بعدين بيرجع يلحم تاني
و الحاجات الي اتلحمت بتترش و مبيجيش فيها بارومه

فيه سمكريه عندنا هنا بيجيلهم عربيات مقلوبه و مطبقه و بيرجعوها جديده تاني
قليل اما بيغير حاجه فيها

ربنا يطمنك

طيب يعني اشد الرحال لشارع العشرين ؟ ولا حضرتك تنصحني بحد مثلا ؟

فيه سمكريه عندنا في الجيزه بس الي شوفتهم شغالين في الابواب و الكبوت دول تبع التوكيلات بس
كان عندهم شاهين مقلوبه مسكوها سمكره من اولها لاخرها رجعت جديده
انا شوفت الشغل في باب فيرنا و باب الشاهين

السمكري بتاعي لسه ماجربتوش في الابواب بس شغله كويس

ممكن اوصفهولك تروح تشوف شغله و توريله الباب