انا و اللواء عمر سليمان وجها لوجه (صوره)

**AboELsoud** · 20-05-2011 07:36 PM

المشاركة الأصلية كتبت بواسطة mohammmed

معلش ياجماعة
اللى اتصور معاه مكنش قصده حاجة
هو الموضوع عبارة عن واحد بتشوفه بقالك 20 سنة فى التليفزيون
فلما شفته قدامك بتبقى مستغرب و ممكن تتصور معاه بصرف النظر عن الشخص نفسه
تخيلوا نفسكم قبل الثورة
مين منكم لو جاتله فرصه يتصور مع مبارك مكنش عملها وحطها على الفيسبوك كمان .

الله ينور عليك يا باشا
هو عماته انا مش متضايق من اي حد يكتب عنه حاجه
لكن اكيد اتضايق لما الاقي حد بيهاجمني لمجرد انه اتصورت معاه و حطيت صورته هنا

**khaled_sabry** · 20-05-2011 08:01 PM

المشاركة الأصلية كتبت بواسطة moe86

متزعلش منى.. مايشرفنيش أتصوور معاه أصلا
علشان كان مشارك فى صفقة تصدير الغاز لإسرائيل
و علشان كان مسؤل عن الصلح بين الفلسطينيين لسنين طويلة, و أول ما مشى إتصالحوا و بقوا حبايب
و علشان كان ضد الثورة و بيقولنا "عودوا الى دياركم"!
و أسباب تانية كتيييير

+111111111111111111111

**MMamdouh** · 20-05-2011 08:27 PM

المشاركة الأصلية كتبت بواسطة mohamedbook

كل الي اعرفه عنة انه قال ان الشعب المصري غير مؤهل للديمقراطية

و هو مغلطش لما قال كدة... بص حواليك و شوف البلد عاملة ازاى و الناس بتفكر ازاى حتعرف ان 70% من الشعب دة لا يعرف ما هى الديموقراطية

يمكن ميكونش دة ذنبهم لانهم متعاملوش معاها قبل كدة نتيجة للانظمة الحاكمة المستبدة الا ان دة لا يعنى انهم بين يوم و ليلة يقدروا يبقوا فى قمة الديموقراطية

و راعى كمان عدد انصاف المتعلمين و الجهلاء اللى ممكن يتجاوز 50% من الشعب... يعنى الناس دى فكريا فى الضياع اساسا فا مينفعش تتكلم معاهم عن "الديموقراطية" لان دى بالنسبة ليهم طلاسم من الفضاء

معلش اذا كانت كلمة عمر سليمان وجعت اى حد... بس هى دايما الحقيقة بتوجع

MMamdouh

**khaled_sabry** · 20-05-2011 08:30 PM

انا بالفعل سمعت عن تعاون بين المخابرات المصريه و الامريكيه
و ان امريكا طلبت من مصر القبض على احد قيادات تنظيم القاعده و مقارناتها dna الخاص بيه بنتائج امريكا حتبعتها
فالسيد عمر سليمان قالهم " لو عاوزين احنا ممكن نقطع ايده كلها و نبعتها و تفحصو اللى انتو عاوزينه " !!!!!!
غير بلاوى تانيه كتير قريتها بعد ما مسك نائب رئيس جمهوريه قبل تنحى مبارك

**AboELsoud** · 20-05-2011 10:14 PM

المشاركة الأصلية كتبت بواسطة afrtow

الراجل ده محل تقدير من الاعداء قبل الاصدقاء
ولن ينصلح حال البلد الا عندما تقدر اولادها
وبعدين
اي انطباعات او افكار سلبيه تكونت لديك عن هذا الرجل هي وليده اعلام منافق يطعن في اي رمز لمصر ارضاء للثوار
ياريت نكون موضوعيين ونسبنا من الحب والكره ونتعلم نفكر مصلحه البلد نعملها اذاي
وشكرا

بالظبط كده
و انا لسه عند رأيي ان كل الاشاعات اللي طلعت عليه من ساعه ما مسك نائب الرئيس مش حقيقيه

**zaza_lanos** · 20-05-2011 10:28 PM

الاعلام بتعنا خارب الدنيا شوية جهلاء اتيحت لهم الفرصة للردح على القنوات

**Moe86** · 20-05-2011 10:33 PM

فى واحد صحبى عايش فى أمريكا من سنين بيدرس سياسة هناك, كلمنى من أمريكا أيام الثورة
عارفين قالى إيه ؟
كل الأمريكان اللى مهتمين بالسياسة بيقولوله عمر سليمان دة عامل صفقة مع الcia انهم يبعتوا بعض الأسرى السياسيين هناك لمعتقلات مصر علشان يعذبوهم هنا على رواقة علشان حقوق الانسان هناك مايعترضوش
يعنى بقينا زى جوانتنامو!
و أنا دورت فى النت لاقيت الكلام دة صحيح للأسف

**Moe86** · 21-05-2011 05:25 AM

و أدى شوية مواقع عالمية من اللى مالية النت, بتقول ان عمر سليمان (حبيب إسرائيل على حسب كلامهم) هو بمثابة زعيم ال CIA فى مصر و المسؤل الأول عن تعذيب الأسرى السياسيين هنا, علشان ماحدش يقول إعلام مصر مشوه صورته و الكلام دة !

Egypt in Crisis: Omar Suleiman and CIA Rendition - ABC News

The Torture Career of Egypt's New Vice President: Omar Suleiman and the Rendition to Torture Program | Common Dreams

Suleiman: The CIA's man in Cairo - Opinion - Al Jazeera English

**ahmedsamir79** · 21-05-2011 07:56 AM

أتفق معك بشده

المشاركة الأصلية كتبت بواسطة MMamdouh

و هو مغلطش لما قال كدة... بص حواليك و شوف البلد عاملة ازاى و الناس بتفكر ازاى حتعرف ان 70% من الشعب دة لا يعرف ما هى الديموقراطية

يمكن ميكونش دة ذنبهم لانهم متعاملوش معاها قبل كدة نتيجة للانظمة الحاكمة المستبدة الا ان دة لا يعنى انهم بين يوم و ليلة يقدروا يبقوا فى قمة الديموقراطية

و راعى كمان عدد انصاف المتعلمين و الجهلاء اللى ممكن يتجاوز 50% من الشعب... يعنى الناس دى فكريا فى الضياع اساسا فا مينفعش تتكلم معاهم عن "الديموقراطية" لان دى بالنسبة ليهم طلاسم من الفضاء

معلش اذا كانت كلمة عمر سليمان وجعت اى حد... بس هى دايما الحقيقة بتوجع

MMamdouh