مشكلتين في اليارس ! !

**Ahmod** · 20-05-2011 01:16 PM

السلام عليكم ورحمة الله وبركاته

معايا يارس موديل 2007

1300 اتوماتيك

في خلال اليومين اللى فاتو ظهرت مشكلتين في العربية

اول مشكلة دي ليها فترة كبيرة وانا مطنش بس بدأت احس انها بدات تاثر على العربية

اول مابجي ادور العربية بسمع صوت السير ! انا كبرت دماغي وقلت مش ضروري بس في ناس قالولي هياثر على حجات تانية

فالكلام ده صحيح محتاج اغير سير الدينمو ولا اكبر دماغي ؟

---

تاني مشكلة ودي الاهم اني حاسس بتقل في العربية

العربية حاسس انها تقيلة من ورا ولما بسيب البنزين بحس العربية قفشت اكني لمست فرامل وهديت مع اني مش بكون دوست فرامل

هي مش بتهدا جامد بس بتهدا لدرجة انا ملاحظها لاني متعود على العربية وسحبها

فالسبب ده من ايه ؟

--------------

العربية معايا بقالها اربع سنين تقريبا وعاملة 26 الف كيلو مش بمشي بيها كتير وللاسف مافيش وقت ولا كاشات للتوكيل لاني عارف موضوع التوكيل ده هدفع جامد

فاللى عنده خلفية عن الموضوع او يعرف حد ثقة اروحله ياريت يبلغني

**egypt0777** · 20-05-2011 03:51 PM

ممكن ارشحلك مركز خدمه لو تحب ابعتلك على الخاص

**BLOODY_STONE** · 21-05-2011 05:21 AM

بص انا مش فهيم اوي في الميكانيكا ... جرب تشد السير مثلا لو لسه فيه رجلاش ...
مشكلة التقل دي ممكن تكون من البلي بتاع العجل
والله اعلم

**mohamed_e36** · 21-05-2011 05:41 AM

ممكن يكون التقل بتاع العربيه من ورا لان فرامل اليد مشدوده جامد
هل حضرتك رجلشتها قريب وشديتها جامد

**pro_samir** · 21-05-2011 07:01 AM

صوت السير مفيهوش مشكله وفي ناس بتحط عليه نقطتين زيت بس معرفش ده صح ولا غلط بيأثر علي السير ولا لأ

تقل العربيه من ورا احتمال زي ما الأخ smaalos قال انه ريجلاش الفرامل الخلفيه محتاج يتهوي شويه ومخلي الفرامل قافشه وده غلط طبعا ، علشان تتأكد من الموضوع ده بعد ما تمشي شويه وتركن شوف الجنوط الخلفيه سخنه ولا لأ لو لاقيتها سخنه زياده عن اللزوم يبقي العجل الخلفي قافش والتيل بيتاكل بالوضع ده وممكن يوصل مع المسافات انه تلاقيه طلع دخان

المفروض الجنوط الأماميه تبقي سخونتها أكبر من الخلفيه بشويه مش العكس

**Ahmod** · 21-05-2011 06:57 PM

المشاركة الأصلية كتبت بواسطة egypt0777

ممكن ارشحلك مركز خدمه لو تحب ابعتلك على الخاص

ربنا يخليك يا باشا ابعت لو قريب هحاول اروح بالمرة الواحد يطمن

المشاركة الأصلية كتبت بواسطة bloody_stone

لو في اسكندرية ابعتلى عالخاص اعرف ناس تبع التوكيل و كده و ملكش دعوة بالكاشات

كلك ذوق والله ربنا يخليك بس للاسف انا من القاهرة

ربنا يخليك

المشاركة الأصلية كتبت بواسطة bloody_stone

بص انا مش فهيم اوي في الميكانيكا ... جرب تشد السير مثلا لو لسه فيه رجلاش ...
مشكلة التقل دي ممكن تكون من البلي بتاع العجل
والله اعلم

بص هو مبدأيا العجل محتاج ضبط زوايا لان العربية بتحدف شمال والدركسيون فيه سنة تقل فمش عارف المشكلة دي من ايه بالظبط

المشاركة الأصلية كتبت بواسطة smaalos

ممكن يكون التقل بتاع العربيه من ورا لان فرامل اليد مشدوده جامد
هل حضرتك رجلشتها قريب وشديتها جامد

ماهو التقل فعلا من ورا بس فرامل اليد شدتها من فترة كبيرة يمكن من اكتر من ست او سبع شهور فمفتكرش انها هتأثر دلوقتي

المشاركة الأصلية كتبت بواسطة pro_samir

صوت السير مفيهوش مشكله وفي ناس بتحط عليه نقطتين زيت بس معرفش ده صح ولا غلط بيأثر علي السير ولا لأ

تقل العربيه من ورا احتمال زي ما الأخ smaalos قال انه ريجلاش الفرامل الخلفيه محتاج يتهوي شويه ومخلي الفرامل قافشه وده غلط طبعا ، علشان تتأكد من الموضوع ده بعد ما تمشي شويه وتركن شوف الجنوط الخلفيه سخنه ولا لأ لو لاقيتها سخنه زياده عن اللزوم يبقي العجل الخلفي قافش والتيل بيتاكل بالوضع ده وممكن يوصل مع المسافات انه تلاقيه طلع دخان

المفروض الجنوط الأماميه تبقي سخونتها أكبر من الخلفيه بشويه مش العكس

انا فيه ناس فعلا قالتلي على موضوع نقطتين الزيت ده بس طالما مافيهوش مشكلة خلاص مش هتفرق لانه صوت مش بيتسمع الا وقت ماتدور وبس

هشوف موضوع سخونة العجل الخلفي ده وهرد عليك وخير ان شاء الله

النهارده كنت على طريق اكتوبر ومحستش بالتقل ده زي الاول كانت العربية تقريبا في الوضع العادي ! كل اللى حسيته انها بتحدف شمال ومحتاجة ضبط زوايا