مشكلتين فى 504

**khaled sabry** · 06-11-2012 05:40 PM

السلام عليكم و رحمة الله و بركاته
انا معايا 504 من فتره بسيطه
العربيه كويسه صحيح انها محتاجه شويه تظبيطات خفيفه لكن الموضوع ماشى
لكن فيه عيبين مش عارف ايه سببهم
1- العربيه لما بتبقى على السلانسيه بتبداء تترعش (rpm بيوطى ) بعد دقيقه او اتنين من وجودها على السلانسيه و بيدزيد الموضوع ده لما العربيه تسخن - هل دى مشكله كربراتير ولا ممكن يكون ليها اسباب تانيه
2- العربيه لما بتسخن برضه بلاقى الدبرياج وطى جدا لدرجه انى مش بعرف اخد المارشدير الا و الفتيس بيزعق - و زيت الباكم مش بيوطى و العربيه لما تبرد شويه بترجع لطبيعتها

ياريت تساعدونى ياخبراء البيجو

**Mostafa_Nour** · 06-11-2012 06:32 PM

وعليكم السلام ورحمة الله أخى الكريم

أولا بالنسبة لموضوع انخفاض ال rpm على السلانسية فالموضوع دة يعتبر مزاج عند الأخوة الميكانيكية , تلاقية يوطى ال rpm لأقل حاجة ماتخليش العربية تطفى , ويقولك عشان ماتسخنش يا بية وعشان ما تاكلش بنزين , والكلام دة مش صحيح , يمكن لو خليت ال rpm على السلانسية زيادة عن 1000 ممكن تسخن شوية فى الأشارات الطويلة والزحمة الجامدة , لكن الأفضل دايما أنة يكون فى حدود ال 800 - 850 .
فحضرتك هتقوم واخد بعضك ورايح للميكانيكى اللى بتتعامل معاة تخلية يعلى السلانسية شوية , وياريت حضرتك تخلية بالمرة يظبط مسمار الهوا والبنزين , يعنى , احتمال تكون محتاجة ظبط

بالنسبة للدبرياج فدة بيبقى لية صامولة بيتعمل له (ريجلاش) من تحت العربية , فبرضة تقول للميكانيكى يعليلك الدبرياج شوية

وبالتوفيق .

**khaled sabry** · 06-11-2012 09:29 PM

المشاركة الأصلية كتبت بواسطة Mostafa_Nour

وعليكم السلام ورحمة الله أخى الكريم

أولا بالنسبة لموضوع انخفاض ال rpm على السلانسية فالموضوع دة يعتبر مزاج عند الأخوة الميكانيكية , تلاقية يوطى ال rpm لأقل حاجة ماتخليش العربية تطفى , ويقولك عشان ماتسخنش يا بية وعشان ما تاكلش بنزين , والكلام دة مش صحيح , يمكن لو خليت ال rpm على السلانسية زيادة عن 1000 ممكن تسخن شوية فى الأشارات الطويلة والزحمة الجامدة , لكن الأفضل دايما أنة يكون فى حدود ال 800 - 850 .
فحضرتك هتقوم واخد بعضك ورايح للميكانيكى اللى بتتعامل معاة تخلية يعلى السلانسية شوية , وياريت حضرتك تخلية بالمرة يظبط مسمار الهوا والبنزين , يعنى , احتمال تكون محتاجة ظبط

بالنسبة للدبرياج فدة بيبقى لية صامولة بيتعمل له (ريجلاش) من تحت العربية , فبرضة تقول للميكانيكى يعليلك الدبرياج شوية

وبالتوفيق .

طبعا انا شاكر على الرد و الاهتمام
لكن واضح انى ماعرفتش اوصل لحضرتك الحاله بالظبط
العربيه طول ماهى بارده او فى درجة حراره متوسطه بتبقى زى الفل
لكن لما بتسخن فى لما بقف فى اشاره رخمه مثلا (يعنى بتوصل لنص العداد الحراره كده ) تلاقى rpm وطى و لو سخنت شويه كمان تلاقى الدبرياج هو كمان وطى
لما اجرى بيها شويه و العربيه تبرد من الهوا الدنيا ترجع تانى زى الفل