ماتركنش عربيتك جنب فرن عيش

**dr.hazem** · 22-05-2011 04:20 AM

الركنه في الكليه وما ادراك مافيها

من شهر كنت راكن جوه
خرجت لقيت واحد حاكك باب عربيتي مع اننا بنركن بشكل عمودي عالرصيف فهوا حكه وهوا داخل ولا ايه مش عارف

التانيه من 5 ايام نزلت لقيت الرفرف اليمين متطبق على بعضه والباب مبيفتحش
طب بالذمه اقول ايه
واكيد مش حد سند عالعربية مهو مش للدرجادي وياما ناس بتسند بس مش كده
فبقيت بركنها في مكان عيني عليها
واول اما حد بيسند عليها اشغل الانذار تلاقيه مشي وشكله وحش قوي

ومره كانت واحده من الاحجام العائليه لقيتها سانده عالعربية
وكنت معدي بالصدفه من جنب العربية فجيت فتحت العربية واخدت ورق وهيا طبعا بصت البصه اياها وبعدت
مشيت انا
شويه وانا راجع لقيتها المرادي قاعده عالكبوت
فجيت وشافتني وهيا بتنزل هوب الكبوت طاخ طبعا كان مفعوص تحت فخامتها
قلتلها ينفع كده
قالتلي انا آسفه
قلتلها منا عارف انك آسفه بس مش كده برضو
وركبت ودورت العربية وسخنتها ومضيت ومشيت وانا استشط غضبا

ربنا يعافينا

**SYD** · 22-05-2011 10:33 AM

المشاركة الأصلية كتبت بواسطة the_last_rebel

مرة كنت راكن في الجيزة عند "جاد" .رجعت لقيت شباب حلوين قاعدين وعاملين العربية بوفيه حاطين الأكل والسندوتشات والبيبسي على الكبوت واللي غظني موضوع البيبسي ده لأن البقعة بتاعة رسمة الإزازة مش بتطلع بسهولة بعد الركنة في الشمس.

أنا شايف المنظر من بعيد وأنا بقرب من العربية.

في منتهى الهدوء فتحت باب العربية... جبت علبة المناديل...خرجت برة العربية...رفعت أزايز البيبسي ووضعت تحتيها مناديل ورق...رجعت العلبة ف العربية... سبتهم ومشيت وهما في حالة من الذهول والإحراج والإنشطار النفسي.:l_bhuhhh[1]::o_stupid[1]:

كان حقتك جيبتلهم كوبايتين فاضيين ومعاهم تلج

**SYD** · 22-05-2011 10:54 AM

انا كان معايا لادا والناس من اعتقادتها ان اللادا والفيات عربيات رخيصة ومالهاش قيمة (مع كل كامل احترامي لجميع سيارات اللادا والفيات ولأصحابها) ومن حق اي حد صاحبها او غير صاحبها انه يستخدمها ويبهدلها وفي الاخر يقولك يا عم حاسب ليطقلك عرق او يقولك امال لو مرسيدس هتعمل ايه ومن ضمن حقوقه انه يلاقي مكان امن ودافي زي الكبوت ياكل عيش عليه وممكن يعزم عليك عشان يبقي عيش وملح
وياسلام لو حد عايز يربط رباط حذائه لن يجد انسب من اكصدام سيارتك عشان يسند عليه
او لو معاه قلم مش بيكتب مفيش مانع لو جري البليه علي بويه عربيتك واحيانا الولاد وهي راجعة من المدرسة بتحب تكمل الدرس علي صبورة عربيتك قصدي كبوت عربيتك
ولو واحد بيتكلم في الموبايل وسرح شوية تلاقيه بيسلي نفسه باريال العربية ولو اتنرفز لازم يخرج طاقته في القايم
لهذا وعلي ماتقدم اضم صوتي علي صوت صاحب الموضوع واقولك
ما تركنش عربيتك عند كشك
ما تركنش عربيتك عند مدرسة (ابتدائي او اعدادي او ثانوي)
ما تركنش عربيتك عند محل عصير قصب
ما تركنش عربيتك عند مطعم
ما تركنش عربيتك عند الجامعة
ما تركنش عربيتك عند السوق
ما تركنش عربيتك عند بيت حد تاني لأنه لازم يعلمك درس قاسي لن تنساه
ما تركنش عربيتك عند بيتكو او تحت بيتكو (عشان ماتشوفش الي بيحصل فيها بعنيك)

أقولك ماتركنش عربيتك خالص اقلبها تاكسي وشغلها 3 ورديات بحيث ماتقوفش خالص

والله المستعان
،
،

**Elawany13** · 22-05-2011 02:15 PM

المشاركة الأصلية كتبت بواسطة modo88

ياجماعه العربيات في مصر الامتداد الطبيعي لكنبه البيت وتربيزة السفره :d

وبردو غلط تتركن في الجامعات مره بوصل اخويا الصغير الجامعه وقولت استناه كان رايح يسلم ورق المهم دخلت الجامعه وركنت قولت اروح اجيب بيبسي الاقي بنات راكبين بمعني راكبين اللي ع الشنطه واللي ع الكبوت واللي ساند علي الرفارف المهم بصيتلهم بقرف وفتحت كله نزل جري وقعدت جوه استناه من البجاحه كام بنت رجعو ركنو علي رفارف العربيه تاني ومن الحظ واحده راكنه علي الرفرف اليمين وطبعا الاكسنت الاريال بتاعها قدام في الرفرف قولت والله لعمل حركه زباله خليتها سانده وقاعده فوق الاريال وهوا كهربا بقا والاريال رفع والبنت قامت ووشها مش احمر لا بيجيب الوان الطيف حقي طبعا عايز اسمع الكاسيت :d وانا فطسان :d
عشان تتعلم الادب :d

ههههههههههههههههههههههههه ههههه
بس كده عيب

**Elawany13** · 22-05-2011 05:09 PM

المشاركة الأصلية كتبت بواسطة modo88

لا طبعا مش عيب انا عايز اسمع الكاسيت انا حر في عربيتي ياكش اولع فيها حتي

ومش عيب اللي عملوه؟

عيب طبعا

-

-

-

-

الموضوع: ماتركنش عربيتك جنب فرن عيش

LinkBack

أدوات الموضوع

عرض

-

-

-

-

-

المواضيع المتشابهه

لون عربيتك أيه ؟

عربيتك ابه

عدلت فى عربيتك السيفيك من برة أو جوة؟ إنشر صور عربيتك.

عربيتك كام سى سى

دلع عربيتك

الكلمات الدلالية لهذا الموضوع

المفضلات

المفضلات

ضوابط المشاركة