عندى هوندا سيفيك 92 كاريرتير مشكلتها فى الدواره والسياره بارده بتدور بعد خمس ست مرات ولو سخنه بتدور من اول مره ارجوا الهتمام من الاعضاء الكرام وشكرا
عرض للطباعة
عندى هوندا سيفيك 92 كاريرتير مشكلتها فى الدواره والسياره بارده بتدور بعد خمس ست مرات ولو سخنه بتدور من اول مره ارجوا الهتمام من الاعضاء الكرام وشكرا
طيب هو انت بقالك قد اية مغيرتش البوجيهات ؟
ولو لسة مغيرها , يبقى كدة طالما بتغيب معاك فى الدوارة الصبح يبقى الكربراتير عايز يتظبط نسبة خليط هواء وبنزين + عايز تنظيف لدورة البنزين يعنى تنظف الكربراتير وفلتر البنزين يتغير + وفلتر الهواء يتنظف
فلتر البنزين ده مكانه فين يا باشا
وطرمبة البنزين جانب الكاربرتير وله فى تنك البنزين
عشان انا مستجد فى الهوندا وابيض فيها
طب معلش عندى سؤال بالنسبة لطلمبة البنزين الكهربا اللى موجودة ورا ناحية الشمال جنب التانك هل لو فيه صوت تكتكة منخفضة وبشكل منتظم يبقى دى مشكلة؟؟
شكرا ياباشا على الدعم الفنى بصراحه انته حببتونى فى الهوندا
مش عارف بس أعتقد ممكن اللى بتسمعه يكون صوت كتاوت الطلمبه
طلما بتسمع صوت تحضير الطلمبه لم بتفتح الكونتكت ومافيش رجرجه ولا تنتيش والسحب تمام يبقى الطلمبه سليمة وعشان تحافظ عليها أطول مدة ممكنه دائماً تخلى مؤشر تنك البنزين مايقلش عن الربع وغير فلتر البنزين في مواعيد الصيانه بتاعته عشان مايحملش عكسياً على الطلمبه
شكرا جدا لرد حضرتك بس للاسف مش بسمع صوت التحضير تقريبا بس بسمع صوت تكتكة الطرمبة فى بداية التشغيل وبعد كده بيبقى فيه تكتكة منتظمة على فترات زمنية حوالى 10 ثوانى بس صوتها منخفض قوى
وفعلا انا مش بخلى تانك البنزين يقل بمعدل كبير والرجرجة بتبقى فى بداية التشغيل بس ومفيش تنتيش والسحب كويس