الموضوع: شوفو الفيديو دة و يارت تعلقو على البنت دى

المشاركة الأصلية كتبت بواسطة تامر.محمد

انا ما شفتش الفيديو
بس مش معنى ان كلامها غلط في موقف يا باشمهندس محمد انها محتاجة محو امية سياسية و كورس وطنية برده
ولا ايه ؟
:)

ياباشمهندس تامر
أنا رافض نزول البنات من أساسه حفاظا على كرامتهم
الحاجة التانية دي عايزة توقع بين الجيش والمجلس العسكري والشعب من ناحية تانية يعني عايزة تجيب ضلفها
ده غير بقى بتخالف كل معايير الديمقراطية وبتنتقد الأستفتاء بأسبابه بألي قالو نعم وأنهم علشان الأستقرار فقط وده أدعاء سطحي ومغلوط جدا منها
لما أقول أمية سياسية وكورس وطنية أحسن ما أقول دافعينلها(عميلة لتيار الأقلية العلمانيين) زي تعليقات بعض الناس على اليوتيوب

المشاركة الأصلية كتبت بواسطة تامر.محمد

انا ملاحظ عيب فينا كمصريين , اننا نوعا ما بنتطرف في احكامنا بخصوص حد او رأي , و ده عادة بيأدي لأننا نتخانق ههههههههه
عموما انا للأسف مش عارف اشوف الفيديو , بس انا بصفة عامة مش واثق في المجلس العسكري بالمرة بعد احداث اليومين دول و بدأت اقتنع انه جزء من الثورة المضادة فعلا , ده جمال مبارك اول قضية له اتحفظت يا باشمهندس :(

الكمال لله
بفرض أن شكوكك فيها قدر من الصحة لو الجيش وقع مع الشعب ولا أنقسم داخليا هايبقى لينا قومة بسهولة ولا نمشي معاهم للأخر ونشوف الدنيا رايحة لفين ولو فيه حاجة واضحة ومؤكدة يبقى ساعتها يبقى فيه كلام تاني
الأنتخابات في شهر 9 هانت يعني أنما فيه ناس كتيرة مش من مصلحتها خالص أن الأنتخابات تتم في معادها عايزين يمدوها منين خايفين وبيشككو في الجيش ومنين عايزين يطولو حكمهم!
قضية أيه ألي حفظوها ياهندسة؟

المشاركة الأصلية كتبت بواسطة otefa

ما هو أنا عارفها
بس مش علشان كان رئيها صح في موقف تبقى صح على طول الخط ولا أيه
ده غير أني ضد نزول البنات في مظاهرات من الأساس لأسباب تصون لها كرامتها

ده غير انها ذكرت انها هي اللي حددت موعد الثورة بيوم عيد الشرطة 25 يناير

وبتنتقد الأستفتاء بأسبابه بألي قالو نعم وأنهم علشان الأستقرار فقط وده أدعاء سطحي ومغلوط جدا منها

اكيد حضرتك مسمعتش اللواء ممدوح شاهين في المؤتمر الصحفي من يومين لما قال في معرض تهجمه على المطالبين بمجلس رئاسي مدني قال ما نصه
"الشعب قال نعم للمجلس العسكري "
يعني الاستفتاء مكنش على مواد دستورية بل ان المجلس العسكري يعتبرها استفتاء على شرعيته حيث نال 77% مؤيدين
يعني الناس اللي قالت نعم اتضحك عليها ببساطة اذن فالمجلس العسكري غير امين وخصوصا انه عدل في بعض المواد بعد الاستفتاء عليها بالموافقة
وعلى العموم
حتى لا تظن بي عدم الموضوعية في الرد
فانا ارى ان فكرة المجلس الرئاسي فات اوانها وكانت تنفع اول ايام الثورة لكن الان يجب ان تلغى الفكرة وتستبدل بالمطالبة بانتخابات رئاسية عاجلة