استفسار عن نظام تبريد بيجو 405

**Nour_Peugeot** · 23-05-2011 02:45 AM

اخد الهوا في ال 405 سهل جدا اسهل طريقه من الردياتير علطول شوف مكان غطا الردياتير علي الشمال لما تفتح الكبوت

اخر الرديايتر من اليمين في كده بوز صغير ظاهر بتعمله ب كماشه و تلفه انك تفتحه و تسيبه يطلع الجواه لغايه لما تطلع مياه صفيه

و فيه ممكن تاخد هواء من الكوعه هتلاقي بلف سغير كده ممكن تفتحه تاهد هوا و لما يطلع مياه بس تقفله بس المياه بتبقي سخنه

**mohamedadelemam** · 23-05-2011 11:48 AM

أستاذ نور سبقنى ..دايما سباق للخير..بارك الله فيك

**mmshalaby** · 24-05-2011 12:15 AM

سلام عليكم، طب يا جماعة معلش انا معايا 405 موديل 1994 (زى بتاعت الشرطة دى) و بقطع برضه حوالى 180 كم فى اليوم. طرمبة المية بعد اما غيرتها، العربية بقت حرارتها بتعدى التسعين بشوية (قرب ال 100 مثلا) و بعدين اسمع المراوح وكله تمام

الفكرة بقى انه زمان (العربية معانا من 1994 يعنى) كانت الحرارة مش بتعدى ال 90 دى خالص، هيه توصل 90 و بعدين تنزل تانى.
تانى حاجة بقى انى بسبب كده بخاف اشغل التكييف تسخن زيادة (والجو اليوميين دووول انتو عرفيييين)

فهل فى علاقة اصلا ولا لأ بموضوع الطرمبة ده؟ وامتى ابطل العربية (لو الحرارة وزصلت لكام، لقدر الله)؟
وهل اشغل التكييف عادى كده؟ ولو شغلته امتى اوقفه؟

واسف على الاطالة

**mohamedadelemam** · 24-05-2011 11:33 AM

السلام عليكم..حضرتك هى السرعة المنخفضة فى المراوح مش بتتسمع يمكن دى بتبقى صوت السرعة العالية ودا دليل على إن فى حاجة مش مظبوطة فى دورة التبريد يجوز الطرنبة الجديدة بتسرب أو الدورة محتاج يتفضى منها الهوا...أو أحيانا لما نضطر نفتح دورة المياة ونفضيها زى ما حصل لتغيير طرنبة الدورة..الشوائب بتترسب فى قاع الريداتير وتسبب ضعف فى دورة التبريد..فممكن كمان يكون الريداتير محتاج يتنضف

**mohamedadelemam** · 24-05-2011 11:37 AM

أسف نسيت باقى السؤال..المفروض إن حضرتك تبطل السيارة لو وصلت لدرجة 95 وذلك خوفا على وش السلندر...ونصيحة بلاش حضرتك تشغل التكيف غير لما ربنا يسهل وحضرتك تكتشف العيب...أ÷ صحيح أخر حاجة حضرتك لو لسه مركب كوعة الترموستات ممكن تكون هى السبب فى موضوع السخونة

**mmshalaby** · 24-05-2011 06:08 PM

شكرا على الرد، ان شاء الله احاول ارووح للميكانيكى عشان يشوف الموضوع ده ....

**mmshalaby** · 20-07-2011 10:39 PM

هو انا رحت فعلا للميكانيكى وكانت المشكله فى التيرموستات انه مش مظبوط. انا تأخرت فى الرد بس قلت عشان لو حد قرأ الموضوع وعنده نفس المشكله يستفيد ...

**aly_72200** · 01-08-2011 06:16 PM

المشاركة الأصلية كتبت بواسطة mohamedadelemam

أسف نسيت باقى السؤال..المفروض إن حضرتك تبطل السيارة لو وصلت لدرجة 95 وذلك خوفا على وش السلندر...ونصيحة بلاش حضرتك تشغل التكيف غير لما ربنا يسهل وحضرتك تكتشف العيب...أ÷ صحيح أخر حاجة حضرتك لو لسه مركب كوعة الترموستات ممكن تكون هى السبب فى موضوع السخونة

هذا الكلام مش مظبوط لان السرعة التانية للمروحة تعمل عند 100