استفسار عن نظام تبريد بيجو 405

**refa3y2** · 21-05-2011 12:59 AM

السلام عليكن و رحمة الله وبركاته
عندي استفسار عن نظام تبريد بيجو 405 عربيتي بقطع بيها كل يوم حوالي 160 كم ذهاب و عودة للعمل من حوالي اسبوعين لقيت العربية حرارتها عدت 90 مع انها اصلا اول مرة توصل 90 المهم اطفأت التكييف لما رجعيت البيت راجعت الريداتير وجدت الماء ناقص خوالي لتر المهم بغد كدة الحرارة اتظبطت لكن و انا بعمل الصيانه الاسبوعية ( اراجع الزيت ونظافة عامة وز.....الخ) ايضا وجدت الماء ناقص حوالي لتر!!!!!!!!!!
هل هذا عادي ولا لأ و بعدين الحرارة القصو للبيجو 405 المفروض تكون كام؟؟؟؟
علما ان انا استخدم ماء اخضر
عذرا للاطالة

**mohamedadelemam** · 21-05-2011 01:05 AM

السلام عليكم..حضرتك هى بتسخن مع التكيف بس؟..ولو مع التكيف بس حضرتك بتلاحظ إن السرعة العالية للمراوح بتشتغل مع شغل التكيف ولا لأ؟....بإذن الله خير

**refa3y2** · 21-05-2011 01:30 AM

اولا شكرا على اهتمامك و سرعة الرد
حقيقة اول مرة تسخن مني هي ديه اصل انا لسه شاريها من حوالي 6 شهور
ثانيا السرعة العالية للمرواح اشتغلت لما الحرارة كانت بين 90 و 100 وبعدين الحرارة نزلت ما بين 70و 90 و بعدين رجعت تاني زادت حتى وصلت 90 كل ده والتكييف شغال

**Nour_Peugeot** · 21-05-2011 03:45 AM

الحراره الطبيعيه لل 405 اساسا 92 درجه و اغلب البيجو كده

حضرتك لما بتزود مياه بتاخد هوا من دوره المياه ؟؟ تاني حاجه راجع علي كتاوت المراوح لو بتاخد فعلا هواء من دوره المياه يبقي في مشكله في المراوح بس لو بتعدي 90 بحاجه بسيطه فداه طبيعي

**ahmed2y** · 21-05-2011 11:32 AM

شوف حضرتك موضوع نقصان المية والمعدل بتاعة انا مش عارف قوى الموضوع دة لكن من الافضل لما تزود مياة يكون الصبح قبل ما تدور العربية وهى باردة عشان مش بتكون دورة التبريد مظغوطة ومتاخدش هواء منك الصبح بقى تفتح وتزود مية وتقفل وتتاكد من قفل الراديتير كويس وتتكل على الله

وشوف برضو راى باقى الاعضاء هيفيدوك اكتر

**mohamedadelemam** · 21-05-2011 01:09 PM

السلام عليكم..حضرتك المفروض السرعات العالية للمروحة تشتغل بمجرد شغل التكيف..هو دا السبب فى اللى حصل عند حضرتك..ودا غالبا بسبب الإكسبنشن لأن حضرتك أكيد رحت لحد بتاع تكيفات وكبس دورة التكيف عشان يعرف مكان تسريب..صح؟!!!..ودى أكتر حاجة بتبوظ الإكسبنشن...عموما الحل إن حضرتك تغيره أو تلغيه

**refa3y2** · 21-05-2011 03:02 PM

المشاركة الأصلية كتبت بواسطة mohamedadelemam

السلام عليكم..حضرتك المفروض السرعات العالية للمروحة تشتغل بمجرد شغل التكيف..هو دا السبب فى اللى حصل عند حضرتك..ودا غالبا بسبب الإكسبنشن لأن حضرتك أكيد رحت لحد بتاع تكيفات وكبس دورة التكيف عشان يعرف مكان تسريب..صح؟!!!..ودى أكتر حاجة بتبوظ الإكسبنشن...عموما الحل إن حضرتك تغيره أو تلغيه

اسف بس انا مش فاهم ممكن حضرتك توضح اكثر لان فعلا انا ذهبت إلى ورشه لضبط التكييف قبل الموقف بحوالي اسبوعين إلا انني لم اشغل التكييف بعدها نظرا لأن الجو كان جيدا

**mohamedadelemam** · 21-05-2011 09:30 PM

السلام عليكم..حضرتك بتوع التكيف بيضغطوا دورة التكيف هواء بضغط عالى جدا عشان يكتشفوا أى تسريب...بس بكدا بيبوظوا حاجة إسمها إكسبنشن...مع تشغيل التكيف تلاقى حضرتك العربية حرارتها بتزيد جدا وفى نفس الوقت السرعة العالية مش شغالة..فى الحالة دى ممكن تلغى الإكسبنشن زى عندى أو تشترى واحد جديد