عجبتني فكرتها عن المجلس المدني
وانها لما شافت انه هيعمل اختلاف قالت يبقى بلاه
و من ناحية الوقاحة فهي وقحة اوي اوي اوي بس بتحب البلد
عرض للطباعة
عجبتني فكرتها عن المجلس المدني
وانها لما شافت انه هيعمل اختلاف قالت يبقى بلاه
و من ناحية الوقاحة فهي وقحة اوي اوي اوي بس بتحب البلد
[quote
يا ريت مناقشة الأفكار بموضوعية و بالتفصيل بغض النظر عن الكاتب
الجملة دي انا قلتها مئات المرات ايام الثورة[/quote]
مبدئيا مفيش حاجه اسمها غض النظر عن الكاتب الكاتب هو المرجعيه الاولي وخاصه ان دي اراء سياسيه مش مقال علمي يعني فطبعا لازم ابص علي الاسم اللي في نهايه المقال وياريت حضرتك صدرك يتسع شويه للاختلاف
المقال طويل وصعب ان افصل في الرد علي كل نقاطه بس حقولك ايه اللي استفزني
اولا اسلوب نواره ادبيا مش حلو مش معني اني احاول اكتب بلغه سهله وسلسه علشان اوصل لاكبر شريحه من الناس اني انزل باسلوبي للدرجه دي
-اللي عايز مجلس رئاسي كفران زيي
- عمر سليمان بيلعب في اساسنا بالفتن الطائفية
-اساسا تغور المعارضة
-كرهت الديمقراطية من وشهم
-لايموها بقى، بلاش غباء مافيش داعي للنداله
دي واحده من الاسباب اللي تخلي مينفعش اغض النظر عن الكاتب اعتقد اسلوب مش حلو ده غير محاولات الاستظراف اللي انا عملت نفسي مش واخد بالي منها
غير كده اللهجه التحريضيه ضد الشرطه بشكل غير لائق
وان اللي عنده اغلبيه ينزل ياكل الميدان
مش معني ان نواره كان ليها دور متميز في الثوره انها تقول اللي هيا عيزاه منغير ما بكون لينا حتي حق ان نقول ان الكلام ده مش عاجبني ومش معني ان المقال ده مش عاجبني ان كل اراء نواره مش عاجباتي
فانا شايف اني لما قولت مقال مستفز انا مظلمتوش بالعكس انا حاولت اكون مهذب في وصفي
معلش انت مشفتش الشرطه بتعمل ايه دلوقتي دول بقوا اجرم من الأول طبعا بعد ماشجعتهم القوات المسلحه علشان يعاملونا معامله مقدرش اقول عليها غير منحطه واسوء من الأول اقسم بالله وقسم هتحاسب عليه يوم القيامه ظابط شرطه في كمين السواح بيفتش راجل وكان معاه مراته وبيفتشه بصورة قذره فالراجل بيقوله بكل ادب مينفعش حضرتك تفتشني بالشكل ده وبالصوره دية قدام الناس وقدام مراتي قاله بتقول ايه يابن ......شتيمه اقذر مماتكون وراح مديله قلم صوته لسه بيرن في ودني لحد دلوقتي والكلام ده من ساعتين الرجل صعب عليه جدا لما لقيته الدموع نزلت من عينه وحاطط ايده علي وشه مطرح الألم وعايز يخبيه من الذل واهانة الكرامه اقسم بالله كنت بالفعل هنزل اضرب الظابط ده واحسسه بالأهانه والذل وقلة الكرامه زي ماحسس الراجل المسكين واهان كرامته ورجولته قدام الناس ومراته وزي ماتيجي تيجي بس مراتي مسكت فيه ومنعتني حسبنا الله ونعم الوكيلاقتباس:
غير كده اللهجه التحريضيه ضد الشرطه بشكل غير لائق
وان اللي عنده اغلبيه ينزل ياكل الميدان
القصه اللي حضرتك قولتها اثرت فبا يشكل فظيع و اقسم بالله انا كنت عايز انام النوم طار من عيني وخصوصا مع الوصف الدقيق اللي حضرتك وصفته واضح كمان ان الوضوع ده اثر فيك اوي زي ما اثر فيا بس انا حقول زي ما قولت حسبنا الله و نعم الوكيل علشان مخليش غضبي يتكم فيا ويبقي اي حكم اصدره وراي مدفوع بانفعال
المشكله اني عمري مالقيت حل للموضوع ده ازاي تيقي الشرطه لا صلبه فتكسر ولا لينه فتعصر انا مش لاقي اي تبرير للي قام بيه الظابط اللي انت شوفته ومش عايز اقول الردود الكلاسيكيه بتاعه ده سلوك فردي والاسطوانه دي
بس برضه ده ميبررش اللي مكتوب في المقال و بعدين نرجع نقول الامن والامان والناس قلقانه
اذا كان اللي حصل ده غلط هل نصحح الغلط بغلط ولا نحكم العقل والمنطق
بصراحه انا خلاص فقدت الأمل في اصلاح وصلاح البلد دية وجالي احباط وبتمني ان القيامه تقوم علشان كل فاسد وظالم يقف بين يد الخالق ويتحاسب من الله حساب عسير جزاء مااقترف من ظلمه وتجبره علي الناس نوعية الظابط ده مابيتشطروش غير علي الضعيف انما لو وقف قدامه بلطجي بسلاح هيعملها علي نفسه و هيجري
الفساد والظلم راجع تاني باسوء مما كان ولو سكتنا عليه تاني يبقي نستاهل اللي يجرلنا ومالناش حق ان احنا نتكلم او ننادي بأي اصلاح لازم البلد تتطهر من امثال هؤلاء طيب هحيلك علي حكايه تانيه تدل علي فساد الناس ديه والعهده علي اللي حكهالي واحد صديقي بيشتغل مندوب شركه وبيبيع كروت شحن فوقف في كمين مسطرد فالظابط نزله من التاكسي وقال لأتنين امناء شرطه فتشهولي وفتشولي الشنطه اللي معاه (كان فيها كروت شحن وفلوس نقديه )فخدوه علي جنب وفتشوه باردو باسلوب مشين ولما فتحوا الشنطه وشافوا اللي فيها اقسملي بالله العظيم انهم حطوله رصاصتين حي في الشنطه وساومه انهم ياخدوا كل واحد الف جنيه يااما هيضعوله مستقبله ويتسببوله بسجن 7 سنين احراز ذخيره حيه فاثر السلامه واداهم الفلوس مش بس كده كل واحد خدله كارت شحن ب100 جنيه يعني سرقه عيني عينك يبقي المطلوب نسكت تاني ونطاطي زي الأول ولا نطهر البلد من دول
فيه ناس بالنسبة لها الباطل القوي احق من الحق الضعيف يا اخ احمد موجة
و يا باشمهندس حاتم
كلمة للحق , نوارة نجم مافيهاش كتير اوي من اللي وصفتها بيه ده
الكلام إلي بيقوله أحمد موجة ....... صحيح تماماً
أقسم بالله ....... من أكتر من مصدر في الشرطة نفسها ...... حالة الانفلات الأمني المستمرة دي مقصودة تماماً و بأوامر كمان