الموضوع: أشتري السوبر صالون؟؟؟ ساعدوني!!!

طلما عجباك الصنى يبقى توكل على الله
العربيه حلوه وتفقلها المصرى حلو مش وحش وطبيعى انه يكون حلو لان الشركه معندهاش حل اخر لان عليها رقابه من الشركه الام وده شركه مبتهزرش +ان العربيه الكاتوجرى بتعاها او العربيات القريبه لها فى السعر جوده تقفيها عالى فاكيد مش هينزلوا عربيه اقل من المستوى ده
-اما موضوع العفشه وانا رأى بلاش تسمع اراء الناس فيه لان الموضوع ده نسبى بيختلف من شخص للاخر الاوقع او الافضل انك تحاول تركب العربيه وتشوف العفشه بنفسك والعزل
-انا مثلا وانا بشترى الانسر سمعت كلام كتييييييييييير جدا هنا فى المنتدى عن اد ايه العفشه مش مريحه وناشفه مع المطبات وكده وفى نفس الوقت الناس كلها بتشكر فى عفشه الكورولا
انا اصلا ركبت الكورولا القديمه كتير جدا بس مكنتش لسه مركبتش لانسر قبل كده بالصدفه واحد قريبى جاب 1300 لانسر ركبها وسوقتها وودخلت بيها شوارع مكسره لقيت ان عفشتها ناشفه صحيح ان مش لدرجه الازعاج وكمان اه الكورولا عفشتها ناعمه بس مش فرق السماء والارض بينها وبين الانسر
خلاصه الكلام انك انت احسن مقياس علشان تقرر العربيه ده مناسبه ليك او مش مناسبه
شوف عربيه صانى بتاعت حد تعرفه او حد هنا فى المنتدى يتطوع ويخليك تجرب عربيته واحكم انت بنفسك
النسبه لاستهلاك البنزين الصنى تقريبا استهلاكها للبنزين من 170 الى 200 فى الصفيحه داخل المدينه وخلى بالك ان العربيه 1600 واوتوماتيك وده بتفرق كتير فى الاستهلاك
-طبعا ال1600 هاداء افضل كتير من 1300 وخصوصا لو بتسافر كتير
نصيحه لو عندك الامكانيه انك تركب 1600 متتردتش لحظه وجيب ال 1600

الف شكر يا رجالة على المعلومات القيمة

المشاركة الأصلية كتبت بواسطة hero

..

وعموما انا ممكن اكلمك عن الياريس..
1- اقتصاديات التشغيل...(البنزين خصوصا) العربية ماشاء الله ممتازة في استهلاك البنزين..
2-راحة الركاب...دي مهمة قوي في السفر الطويل ...
3-عزل الكابينة عن الخارج وعن غرفة المحرك...دي برضة الياريس ممتازة فيها يعني لو قفلت القزاز مش هاتسمع اي شيء من برة غير صوت الطريق لو الاسفلت مش ناعم...ودة بسيط قوي برضة ...يعني لو شغلت الكاسيت بصوت هادي مع التكيف ...هاتحس انك في البيت..
4-وسع الصالون مناسب جدااا وممتاز ل4 اشخاص بالغين من الحجم المليان كمان...وممكن طبعا تاخد 5 بمنتهي السهولة من اصحاب الحجم المتوسط..علاوة علي ان القعدة في الكنبة الخلفية مريحة بالنسبة للشخص ايلي في الوسط حيث لا يوجد مقب بين كرسين الكنبة..
5

ممكن ياباشا توضح موضوع وسع الصالون وراحة الركاب؟؟
يعني أنا راجل طويل ماشاء الله!! (185 سم) وبعدين بحب ارجع الكرسي وانا سايق بحكم العادة (بسوق المرسيدس 200 مو 84 بتاعة الوالد)
هل اللي هيقعد ورايا هيتعب قوي؟؟
بمعنى .... المسافة بين الكنبة الخلفية والكراسي الأمامية أخبارها ايه ( وياريت مقارنة بالصني السوبر صالون)

الف شكر يا شباب

مهندس / تامر

لو اليارس ارج لورا براحتك
لو الصني يبقى تشيل الكنبه الي ورا علشان تعرف تقعد محدش يركب وراك في الصني
على فكره انا طولي 188 شوف انت 2 سنتم دول يفرقوا ولا لا
بس بابا معاه نيسان و ابن خالتي معاه يارس
النيسان ارخص و اقيم مقارنه باليارس
النيسان اتقل على الطريق مقارنه باليارس
التكاليف هيا هيا
قطع غيار الصني ارخص
و لو انت بالطول ده في اليارس ترجع مهما ترجع الي وراك هيقعد براحته بس انت مش هتشوف حاجه قدامك على عكس الصني ارجه لورا خالص بس الي وراك مش هيقعد بس انت هتبقى مرتاح في سواقتها
شوف انت الاتنين و شوف ايه انسبلك و مبروك مقدما