( انت مفيكش عيب بس مش حساك ) :)

**gemy1** · 23-05-2011 01:35 AM

خلاص يبقى خليهم بقى يعنسو و احنا نعيش حياتنا و ننسى بقى الموضوع ده و نلم حاجتنا من هنا هههههههه

**WalidAdel** · 23-05-2011 01:49 AM

المشاركة الأصلية كتبت بواسطة gemy1

يا حسام بيه المشكله انهم و لا عايزين يدرسو و لا عايزين يجربو اى حاجه من اساسه هى بتركن الموضوع لحد ما تيجى معجزه الهيه و تصحى من النوم تلاقى نفسها بتحبك او وحشتها و عايزه تكلمك و لو ده ما حصلش اديك مركون على الرف لحد ما يخصل فى الامور امور و بعدين حتى لو كلامك صح احنا هى هاتدرسك و تعرفك ازاى غير لما تجرب انها تدى لنفسها فرصه تعرفك و تحاول تقرب منك لكن هما بينهو الموضوع قبل ما يبدأ اصلا و ما يعرفوش ان الحياه تجارب و كل حاجه قابله للنجاح او الفشل و التوفيق ده بقى من عند ربنا بس الواحد يعمل اللى عليه و خلاص البنات مش فاهمه كده للاسف يعنى موقف حصل معايا شخصيا واحده زميله فى الشغل اتعرفنا و كلمتها فى الموضوع و برضه كان الرد صليت استخاره و مش عارفه اخد قرار زى مانا و مش حاساك طب ما تعرفينى الاول و قولى اللى انتى عايزاه و ردها ده كان بعد مرتين شات على النت تخيل !! قلتها دى لنفسك فرصه عشان كلام الشات ده و لا ليه اى لازمه و نتقابل بموافقه اهلك يا اما فى البيت او فى مكان بره قالتلى مستحيل فطبيعى قمت ساحب نفسى خالص و مره تانيه واحده تقولى اصل الشات بين الولد و البنت حرام و مش عارف ايه !! طب نروح نتجوز بنات اجانب بقى و لا ايه !!

هيا سيناريوهات مكرره ياجيمي بس عارف بعد كل دا انا توصلت لحاجه و عن اقتناع انت ممكن تكون عارفها بس بتقولها عن عدم اقتناع كامل
انا بعد اللي حصلي و اللي انت بتقول عليه دا بس انا عندي 27 شوف بقي حصلي كام مره المواقف دي
هيا عامله زي الرزق بالظبط و لما توصلت لكده تذكرت المقوله الشهيره اللي بتقول "تجري جري الوحوش غير رزقك لن تحوش"
فبص هيا ان شاء الله هاتيجي هاتيجي بس مكتوبلها تيجي في معاد معين في وقت معين فخلاص ماتجريش ورا حد بقي ولا تتعب نفسك انا اهو موجودين لو حد عايزني انا اهو كده يعني لكن تتعب نفسك في التدوير و التفكير و في انك اصلا اصلا تتوصل هما بيفكروا ازاي مش هاتقدر توصل انسي من عاشر المستحيلات بقي .... ارضي عن اقتناع من جواااااااااااك اهم حاجه مش كأنك بتقولها و خلاص صدقني هاترتاح

**dr.amr** · 23-05-2011 01:58 AM

المشاركة الأصلية كتبت بواسطة brown-eyes

بس مش بدري علي الجواز في السن ده ؟!

انت متجوز وعندك كام سنه يابوحميد

؟؟

**al_qassam2003** · 23-05-2011 02:03 AM

انا كمان مش حساك ههههههههههههههههههههههههه

**remomemo** · 23-05-2011 02:20 AM

مش حساك يعنى ماحصلش قبول هى نفس المعنى بيحصل من الراجل ومن الست على السواء وماحدش بياخده بحساسية لانه مش اهانة لاى طرف فى راى لو تسمحلى احسن ماتقولهالك بعد ماتحبها بفترة وتبقى صدمة ليك وانت على البر ماحدش هاينجرح ولا يتضايف

**wael ahmed** · 23-05-2011 04:32 AM

المشاركة الأصلية كتبت بواسطة gemy1

اكيد يا عمرو و الله فى شباب عايزه الحرق و هما دول اللى بيضيعو مننا البنات الكويسه ههههههه المشكله ان الناس مش عارفه تلاقى بعض يعنى انا واحد من الناس مثلا بدور على عروسه طب هادور فين بقى !!!! قلى انت فى الشغل و الحمد لله غفر كلهم نادى مش مشترك فى نادى اصحاب من ايام الجامعه خلاص الله يرحمهم حد بقى من اصحابك يطع جدع و يعرفك على حد انسى كل اللى يعرف واحده و لا حاجه بيبقى محرص عليها كانه ماسك رغيف عيش فى ايده زى الجعان طب هانمشى بقى ندور فى الشارع و لا ايه منا مش فاهم و لا انزل بقى يوم الشبت يوم اجازتى جامعه عين شمس و اعاكسلى واحده اتجوزها و افضل اتفرج على مسخرتها مع الشباب زمايلها طول اليوم فى ممر جيمى و لا ادور على الشات و احبه او فى الاخر تطلع راجل الواحد عشان يكلم بنت كانه رايح يحرر فلسطين مثلا حد يقولنا حل !!

والله يا جيمى انت جبت من الاخر

المشكله كمان انا عندى 23 سنه ولحد دلوقتى معرفتش اتعرف على واحده افكر اتجوزها كل اللى البنات اللى اتعرفت عليهم لازم تكون على الاقل صاحبت كام مره وما خفى كان اعظم

انا مش بقول كل البنات بس فعلا البنات الملتزمه قليلين قوى ومش بتشوفهم ولو شفتهم من رابع المستحيلات انك تفكر تقرب منها او تكلمها وإلا بقى متزعلش من اللى هيحصلك

وحتى اقاريبى كلهم اكبر منى ...يا راجل ده انا اخر واحده حبتها بجد كانت فى 3 ثانوى ومن بعدها اى واحده اتعرف عليها صعب جداا انها تشدنى ليها مش عارف العيب فيا ولا فيهم

وانا مش مقتنع بالجواز التقليدى وجواز الصالونات والكلام ده والاصعب بقى انى عايز واحده نفس الكيميا بتاعتى حلوه الكيميا دى

المشكله ان لو كل واحد يبقى واضح وصريح مع التانى هتبقى الدنيا لوزز العنب والله بس تفهم مين
بقى

بس والله الواحد من كتر ما بيفكر فى موضوع الجواز ده فقد الامل انه يلاقى واحده نفس دماغه اييييييه قلبتوا عليا الموجاع ........... ويا دكتور عمرو جواز ايه يا راجل يا طيب دلوقتى انت تنزل معايا الغردقه فى الاجازه وهتلاقى كل الاحسايس اللى فى الدنيا هناك وهترجع مش بتفكر فى الجواز بتاااتا

اوعى حد يفهمنى غلط

احنا نجوزك واحده ألمانيه , والمصريه تبقى تحسك براحتها بعدين

ولنا الله يا شباب مش هقدر اقول اكتر من كده

الصلاه خير من النت

**eslam_wega** · 23-05-2011 05:37 AM

بص لو انت انسان كويس وناوى خير يبقا صدقنى هتلقى الى تستهلك لانى متعرفش التلاتة دول فيهم خير ليك او لا وغالبا لا
لان الاية الكريمة بتقول الطيبون للطيبات صدق الله العظيم
وانت واضح على حضرتك انك انسان طيب و كويس فيريت تستنا الى تستهلك عشان تحس بقيمتك
وتعرف ان الرجل الى معها ده كنز او اكتر

**زينة الله** · 23-05-2011 10:22 AM

شوف أنا مش هألحق أقرأ كل الموضوع بتاعك لأن عندى مزاكرة :):)

بس هألفت نظرك لكلامك فى موضوع قبل كدا .. يمكن تكون محتاج تغيير حاجة فى تصرفاتك أو مظهرك

و خلى بالك إن كل خطوة فى حياتنا محتاجة استعداد و تعب و احترام ,, زى الامتحانات اللى مزنوقين فيها دلوقت ..أهئ أهئ

و ربنا يكرمك و نسمع عنك كل خير يا رب

المشاركة الأصلية كتبت بواسطة dr.amr

اصعب حاجه في الدنيا

تغيير الطباع الشخصيه

شيء مرهق جدا

انا كنت عصبي فحت ردم

كنت لما حد يبصلي بصه مش عجباني اروح متخانق معاه

كل مره انزل بالعربيه لازم اعمل خناقه

مش عارف ليه

بقالي 6 سنين بحاول اتخلص م العصبيه والحمد لله بدأت اهو

شيء مرهق نفسيا وجسمانيا

موضوع الهوايات بقي ماليش فيها

الطب موتني وموت كل حاجه فيا :)

بس القرأن يوم او يومين ابدأ واقعد 10 ايام بعديها وهكذا الي ان افلح ان شاء الله

بالنسبه للمنظر الخارجي بقي ميفرقش معايا ببصله طالما في الطبيعي

مبقاش مبهدل او عايش في دور الشياكه قوي

واللي عايز يقبل يقبل واللي مش عايز يروح يبني حيطه ويخبط دماغه فيها :)

حتي اللي بالي بالك اللي هو مش موجود دلوقتي :)) بس بدور عليه هعهعهعهع

المشاركة الأصلية كتبت بواسطة cyborg_ift

أول مره أشوف دكتور مفتري

المشاركة الأصلية كتبت بواسطة dr.amr

لا مفتري دي قليله

بس الحمد لله ربنا هداني :m_yes[1]:

الواحد بياخد ذنوب وبيتعب اعصابه :_alshmokh11:

:)

-

-

الموضوع: ( انت مفيكش عيب بس مش حساك ) :)

LinkBack

أدوات الموضوع

عرض

-

-

-

-

-

-

-

الكلمات الدلالية لهذا الموضوع

المفضلات

المفضلات

ضوابط المشاركة