إزاى تطلع العفريت الى جوا موتور النيو اكسنت

**meshmesh_egypt** · 22-05-2011 01:47 PM

السلام عليكم
الموضوع ده للى غاوييين شد وتسارع بالعربيه
المهم طبعا كلنا عارفين ان تجميع النيو اكسنت لحد 140 سريع جدا جدا بس من بعد ال 140 عشان توصل 180 مثلا بيبقى تسارعها بطىء شويه بس انا اكتشفت اكتشاف غريب فيها يخلى التسارع فجأه يزيد ويوصلك ال 180 واكثر بتجميع سريع
بس احب اعرف الاول رأى الاعضاء الخبراء فى الشد فى اخراج العفريت الى فى ماتور الاكسنت المتوحش

**bentrewsha** · 22-05-2011 02:43 PM

ايه هو الاكتشاف ده ؟
اكتب عنه لو سمحت

**SAMEHNOSHI** · 22-05-2011 03:15 PM

باشا ... قبل ما تخرج العفريت اسال الاول ... لان البلد كلها دجلين
هو طبعا تفتيح الماتور بيساعد فى موضوع الجرى و السحب بس بيقصر فى عمر الماتور, و كمان الجرى بعد 140 مش محبب و ممكن يكون عواقبة مش كويسة

**meshmesh_egypt** · 22-05-2011 04:07 PM

المشاركة الأصلية كتبت بواسطة bentrewsha

ايه هو الاكتشاف ده ؟
اكتب عنه لو سمحت

الحل غريب شويه بس جربته كذا مره وخليت صحابى الى معاهم نيو اكسنت جربه ونفع
انك فجأه تشيل رجلك من دواسه البنزين وتدوس عليها فجأه لاخرها زى الكيك داون بتاع الاوتوماتيك كده وهى مش اوتوماتيك تعملها كده مرتين هتلاقيا الماتور فجأ فط من مكانه وخرج منه عفريت وبينطلق انطلاق غير طبيعى
طبعا الحل الغريب ده فى المانيوال فقط فى الاتوماتيك مجربتش
والكلام ده ممكن تعمله مع اى سرعه مش شرط السرعات العاليه قوى
بس جربوه هيعجبكم قوى فيه اداء العربيه وقتها

**meshmesh_egypt** · 22-05-2011 04:11 PM

المشاركة الأصلية كتبت بواسطة samehnoshi

باشا ... قبل ما تخرج العفريت اسال الاول ... لان البلد كلها دجلين

هو طبعا تفتيح الماتور بيساعد فى موضوع الجرى و السحب بس بيقصر فى عمر الماتور, و كمان الجرى بعد 140 مش محبب و ممكن يكون عواقبة مش كويسة

معاك حق بس الواحد كده ساعات بيحب يشد كده بالعربيه ويحسس العربيه بقوتها عشان تبقى مبسوطه
وبعدين السرعات العالية ديه مش بنجبها الى على طرق السفر بس ويكون الطريق فاضى عشان منعملش حوادث وربنا يستر

**samirsaid1** · 22-05-2011 06:40 PM

عندكوا حق

بس من يومين كنت ماشى وعاوز أعدى عربية نقل وانا قصادها لقيت عربية جاية قدامى لقيت التجميع عشان اعدى النقل وخش ادامها زى ال........
ومن ساعتها وانا مش مبسوط لانى فى اليوم دة كنت لسة مركب طقم بوجيهات الإيريديوم وللاسف مش عارف ايه السبب فى قلة التسارع والتجميع

لكن انا مجربها فى الجرى ماشاء الله يعنى