ربنا يوفقك لما هو خير

و تحية كبيرة اوي بجد للاستاذ هشام .. راجل محترم و فاهم و عنده قابليه للنقاش و الرجوع عن الرأي لو كان خطأ .. جزاه الله خيرا

رأيي الذي اعتقد صوابه .. ان التعدد مباح مطقاً دون ادنى قيد في حالة توفر القدرة المادية و البدنية و العدل بين الزوجات في الانفاق و المبيت و حسن المعاملة
و لم اجد اي كلام شرعي معتبر يخالف هذا

الاستاذ اللي استدل بكلام ابن العثيمين فعلا زي ما حد رد عليه- تقريبا استاذ هشام- الكلام فعلا يحسب عليه مش ليه لانه بيقول ان التعدد بيبقى ضروري في حالات كذا و كذا
مش معنى كده ان في غير الحالات دي يبقى حرام
انما يبقى مباح .. عايز تتجوز اتجوز .. مش عايز انت حر

في حاجة مهمة اتناقشت فيها كتير مع صحابي
كوني مبحبش آكل الموز مثلا و هو حلال ده شيء و ان يتحرم عليا اكل الموز و هو حلال برضه ده شيء تاني
مينفعش واحدة تحرم على زوحها حلال ابدا

الوضع ده بالضبط لما زوجات الرسول عليه الصلاة و السلام حرموا عليه أكل العسل - على ما اذكر - ربنا سبحانه و تعالى عاتبه
بالرغم من انه صلى الله عليه و سلم امتنع عن أكل الضب و ربنا سبحانه و تعالى معاتبوش
تقريبا نفس الوضع بالضبط

عموما ربنا يجوز المسلمين و يزود ذريتهم و ينصروا الاسلام و المسلمين