الموضوع: بفكر اتجوز تاني

المشاركة الأصلية كتبت بواسطة نور القمر

وهي لما تمل منك تعمل ايه ؟
تسيب لك العيال وتتجوزغيرك؟
ولا تاخد العيال وتتجوزغيرك؟
ولا تعيش باقي حياتها في ملل وكآبة عشان العيال ؟

1+

التعايش حلو وطول ما الطرفين بيتنازلوا لبعض علشان السفينة تعدي يبقي هايعيشوا

اما الملل حله السفر وتغيير الجو فعلا زي ما شهدي قال

----

من حقك شرعا اه

بس في حاجات كتير في الجواز شرعا ما بنعملهاش وماشيين علي العرف الاجتماعي

زي المهر والتجهيز الي اخره

استاذ aminibrahim انت علاجك بسيط جدا انك تفهم مراتك انك زهقت من روتيين الحياة العادية و تاخدها و تسافر مكان و تسيب الاولاد عند حد امين و تقضيلك شهر سهر و فسح و اللذى منه كانك متجوز جديد و صدقنى هترجع طاير بيها من الفرحة

أنا حاسس أن أ.أمين أبراهيم ليه مغزى تاني من الموضوع!!
التعدد حلال ولايقدر مسلم على القول بغير ذلك
بس عموما الموضوع ليه رؤيا شرعية تانية مهمة غير العدل
وجوهره الأهم وما أميل أليه عن نفسي ليس تمييز للرجل ولكن هو تكريم للمرأة واليتامى والله أعلم
قول الله تعالى وآتوا اليتامى أموالهم ولا تتبدلوا الخبيث بالطيب ولا تأكلوا أموالهم إلى أموالكم إنه كان حوبا كبيرا وإن خفتم أن لا تقسطوا في اليتامى فانكحوا ما طاب لكم من النساء

ثم جاء قوله تعالى : ( وَإِنْ خِفْتُمْ أَلَّا تُقْسِطُوا فِي الْيَتَامَى فَانْكِحُوا مَا طَابَ لَكُمْ مِنَ النِّسَاءِ مَثْنَى وَثُلَاثَ وَرُبَاعَ )

بص يا باشا

كل الاراء اللى سمعتها هنا صح جدااا وفى نفس الوقت غلط جداااااااااا

الحاجه دى عامله زى البدله مينفعش تشوفها على غيرك وتعجبك وتقول اكيد حتبقى عليا حلوه

ممكن تليق على غيرك ومتفعش ليك وتبقى شكلها وحش فيك

الخلاااااااااااااااصه

شرعا الجواز الثانى والثالث والرابع حلال شرعا وبدون قيوووووووووووووووود وعذرا للى كل بيقول لازم تاخدى رأى الزوجه او لو مش مقصره معاك وكذا وكذا وكذا

كل ده كلام على راى زميل لينا هنا ده فى شرع ماما سوزان والتليفزيون المصرى بسلامتهم

لكن خلى بااااااااالك

فى شرعنا برضه قاعده شرعيه بتقول سد الاذى خير من جلب المنفعه

ولو فى حاجه مبااحه حيترتب عليها ضرر تبقى فى هذه الحاله واكرر فى هذه الحاله فقط لا تجوز

وده اللى خلانى اقولك ان كلام الناس هنا كله صح وكله غلط فى نفس الوقت

فى ايامنا دى المقدره هنا يا باشا مبقتش القدره الماديه والجسديه بس

لا فى كمان القدره العقليه

لازم دماغك تستوعب اتنين ومشاكل اتنين وهموم اتنين لانه لو مستوعبتش حيحصل زى ما الويندز بيحصله وحتهنج وتحتاج واحد يدوسلك على الزرار

لكن لو انت شايف ان دماغك توزن بلد ومن الناس اللى بتقدر تتكلم وتفكر فى كذا موضوع فى نفس الوقت توكل على الله

وخلى بس فى جوازتك دى نيه علشان الثواب بس يعنى سيدنا عمر وهوا كان ابن ستين سنه تزوج من بنت 16 سنه وكان بيقول انه لم يتزوجها طلبا فى متعه النكاح ولكن طلبا للولد حتى يكون من صلبه ولد يسجد لله تعالى

واى خدمه يا باشا وموضوعك جمييييل