انا ركبت عازل حراري في شيفرولية سبارك (بالصور)

**ecybrarian** · 22-05-2011 06:07 PM

ربنا وفقني وعرفت اركب عازل حراري في سباركي. الفكرة إن سبارك عندي اهم من الميجان علشان الأولاد في اغلب الوقت بيركبوا سبارك..دا غير إن الميجان زجاجها غامق وفيها ستائر خلفية على الشبابيك والزجاج الخلفي..والمشكلة الاكبر كانت في الواد يزيد..علشان البيه قاعد في الكرسي بتاعة على الكنبة طبعا متكتف ومش هايعرف يبعد عن الشمس والموضوع دا كان هايعمله مشكلة كبيرة قبل كدا لكن الله سلم..وكان شرطي الأهم في العازل إنه يكون بأعلى درجة شفافية علشان اشتغلات المرور..المهم إليكم تفاصيل المهمة الشاقة:

تركيب العازل طلع حاجة مش سهلة ابدا (مش انا إللي ركبته طبعا) وبتاخد وقت كمان

-تركيب الزجاج الأمامي
قياس وقطع العازل:

شد وفرد العازل

شد وتجهيز العازل من داخل العربية للتركيب

فرد ولزق العازل على الزجاج من الداخل

- تركيب الزجاج الخلفي (الخطوة الأخيرة):

- تركيب الزجاج على الشبابيك يجتاج فك لباكيتات الأبواب

- صور سباركي من الخارج:

مين الراجل إللي واقف ورا سباركي؟!!!

- صور للزجاج الأمامي من داخل العربية:

- صورة من زجاج الشبابيك من الداخل

والله الموفق والمستعان..ويجعله عامر

تم الاضافة الى موضوع ( اهم مواضيع سبارك لاهميتة )
مشرف 20 ب

**Dr_ahmedrady** · 22-05-2011 06:31 PM

الف مبرووك عليك و على يزيد ربنا يخليهولك

التركيب اخد وقت اد ايه ؟
و التكلفة كام؟

**Frozen_Pain** · 22-05-2011 06:40 PM

سؤال تانى فعلا بتحس بفرق فى الحرارة قبل التركيب وبعد التركيب؟

ولو حبيت تشيله بعد كده بيسيب أثار مكانه؟

**ecybrarian** · 22-05-2011 06:42 PM

بارك الله فيك يا دوكتور..خد بتاع اربع ساعات!!!! بس ما تحسش بهم. بيعدوا هوا..تحس بعد كدا بقى لما تروح وتلاقي رجليك واجعاك :-)))) النكلفة 1350 جنيه. بس خلاص مش هاقدر اقول اكتر من كدا علشان مايبقاش إعلان. كان في حوار بيني وبين باسم والفرسان امبارح لف لي دماغي لدرجة إني كلمت الراجل وقلت له في انواع امريكاني مضروبة في تايوان وكدا فراجل وراني شهادة المنشأ وعملي تخفيض علشان (مش عارف ايه كدا) العربية ماخدتش امتار كتير!!!..بنت حلال سباركي دي..انا كنت متفق معاه اصلا على 1500..بس انا قلت له لو عملت العربية التانية (ميجان) هاعملها بنفس السعر (بلطجة كدا)

**tahaderaz** · 22-05-2011 06:48 PM

جميل جدا واللون شفاف فعلا بس أخبار الحرارة أيه والناس محتاجة تعرف التكلفة كام

**ahmedaglan** · 22-05-2011 07:16 PM

الف الف مبروك يادكتور
بصراحة شغل زى المانجة العويسي

**Bassem Raafat** · 22-05-2011 07:18 PM

مبروك يا دكتور ، ومبروك على سباركى ، وطبعاً مليون مبروك للباشمهندس يزيد : ))

**foxpowerdesign** · 22-05-2011 07:35 PM

الف مبروك يا دكتور و جميل
و تقرير جميل و فى انتظار القادم ان شاء الله

**ecybrarian** · 22-05-2011 08:08 PM

الله يبارك فيكم جميعا

المشاركة الأصلية كتبت بواسطة Frozen_Pain

سؤال تانى فعلا بتحس بفرق فى الحرارة قبل التركيب وبعد التركيب؟
ولو حبيت تشيله بعد كده بيسيب أثار مكانه؟

فارق جدا في الحرارة والتكييف..التكييف بقى بيشتغل على 1 او 2 بالكتير..اما عن الحرارة فعارف لسعة الشمس إللي بتبقى على ايد الواحد واحيانا على رجله!! اللسعة دي ماتحسش بها..دا مبدائيا..لسه لما اجرب العربية فترة اطول هابقى اضيف تقييم اشمل إن شاء الله

المشاركة الأصلية كتبت بواسطة tahaderaz

جميل جدا واللون شفاف فعلا بس أخبار الحرارة أيه والناس محتاجة تعرف التكلفة كام

التكلفة 1350..التقييم المبدئي فوق الاقتباس يا باشا

المشاركة الأصلية كتبت بواسطة ahmedaglan

الف الف مبروك يادكتور بصراحة شغل زى المانجة العويسي

نفسي موسم المانجا يجي بقى..انت فتحت نفسي على المانجا

المشاركة الأصلية كتبت بواسطة Bassem Raafat

مبروك يا دكتور ، ومبروك على سباركى ، وطبعاً مليون مبروك للباشمهندس يزيد : ))

الله يبارك فيك يا بسوم..بصراحة مناقشتنا امبارح كان لها اثر كبير جدا في الكلام مع الراجل النهاردا..انا شاكر لك ولنصيحتك

المشاركة الأصلية كتبت بواسطة foxpowerdesign

الف مبروك يا دكتور و جميل و تقرير جميل و فى انتظار القادم ان شاء الله

ياعم احنا تقريرنا فنية Technical مش ابداعية زيك يا فنان

**foxpowerdesign** · 22-05-2011 08:19 PM

شكرا جدا يا دكتور و فى انتظار القادم من سبارك

الموضوع: انا ركبت عازل حراري في شيفرولية سبارك (بالصور)

LinkBack

أدوات الموضوع

عرض

انا ركبت عازل حراري في شيفرولية سبارك (بالصور) - انشر الموضوع فى :

-

-

-

-

-

-

-

-

المواضيع المتشابهه

3m armshield عازل حراري لزجاج العربيات

اجيب عازل حراري منين في الاسكندرية؟

عازل حراري للزجاج

أنا ركبت السماعات 4x6 في سبارك (بالصور)

باركولي، ركبت عازل حراري 3M crystalline 70 (تقرير مصور)

الكلمات الدلالية لهذا الموضوع

المفضلات

المفضلات

ضوابط المشاركة