الموضوع: سقط البرادعي و اعلنها :أخشى على مصر من سيطرة الإخوان

الأهرام : البرادعى: لم أتخوف من سيطرة الإخوان.. لكن "قلقان" من قدرتهم التنافسية

نفى الدكتور محمد البرادعى المرشح المحتمل للرئاسة، ما نشرته وسائل الإعلام المصرية نقلا عن حواره مع شبكة "سي إن إن" الإخبارية الأمريكية اليوم الأحد، حول قلقه الشديد من سيطرة جماعة الإخوان المسلمون على الوضع السياسى والبرلمانى بمصر، فى حال إجراء انتخابات برلما...نية مبكرة جدا.

http://gate.ahram.org.eg/UI/Front/Inner.aspx?News.......ID=73870


وفى بيان له حصلت "بوابة الأهرام" على نسخة منه، قال البرادعى إن نص حواره الذى نشرته الـ "سى إن إن" لم يتضمن الإشارة إلى مخاوفه من سيطرة جماعة الإخوان على البرلمان، لافتا إلى أنه أبدى فقط بحسب نص الحوار قلقه من القدرة التنافسية للجماعات الإسلامية والتي كان لديها وقت أطول لتنظيم نفسها بالمقارنة بالأحزاب الوليدة.

المشاركة الأصلية كتبت بواسطة otefa

هما برضه كده ألي أستفادو منه ولا هو ألي أستفاد من تنظيمهم!
قلي أيه توجه البرادعي السياسي وموقفه من الدين بوضوح؟!

افتكر بس مين اللى راح للجمعية الوطنية للتغيير ...... بعد ما كانوا أعدوا بيان السبع مطالب ..... و تطوع انه ياخد البيان و يجمع المليون توقيع عليه

و يعنى ايه موقفه من الدين ....... بطلوا بقى تفتيش فى ضماير الناس و عقيدتهم ...... انتو فاكرين انكم بس المسلمين و لا ايه ؟؟؟؟!!!!!

هو يبقى اخوان او سلفى ...... او ابقى مش مسلم و ده يستدعى التشكيك فى موقفى من الدين ؟؟؟؟

ان مش اخوان ولا سلفى ..... لكنى مسلم سنى ممكن اكون عند ربنا احسن من اللى بيوطوا يقبلوا ايد مرشدهم ..... واحسن من اللى راحوا قعدوا مع عمر سليمان و الناس بتموت فى الشارع

المشاركة الأصلية كتبت بواسطة skybird

بالطبع هما المستفيدين والحقائق وارض الواقع تشهد بذلك ولولا انه ادخل الاخوان في المشهد السياسي لكانوا حتى الان منبوذين من القوى السياسية ومن الجيش
وانا عن نفسي احب الاخوان كحركة عالمية عابرة للقارات وافخر بها كمسلم مصري ان اجد حركة مصرية لها فروع في العالم كحزب العدالة والتنمية في تركيا وفي الاخوان في الاردن وفي سوريا وحماس في غزة وباقي الدول العربية
افخر ان يكون مرجعيتهم جميعا الامام الشهيد المصري حسن البنا
فتخيل نجاح الحركة الام في موطنها مصر وتذكر مساهمة البرادعي في خروجهم من القمقم
فعلى المستوى الوطني الداخلي لا ارتاح لسياستهم بعد خلع مبارك وشباب الاخوان اكثر ناس تنتقد القيادات

توجه البرادعي نفس توجه الاخوان (الحرية والعدالة) وعبر عنها لما قال انا ديمقراطي اشتراكي وهو نفس مطالب الثورة (عيش حرية عدالة اجتماعية)


وموقفه من الدين انه يفتخر ان جده عضو هيئة كبار العلماء بالازهر الشريف
وهو رجل مسلم من اهل السنة والجماعة
انا استغرب سؤالك كما استغرب ردي عليه
محسسني ان البرادعي كافر بنته ملحده دمر العراق وتستر على نووي اسرائيل

+11111111111111111

المشاركة الأصلية كتبت بواسطة ahmed1981

الرد

ولو تذكرتم هزيمة البرادععي الساحقة في الإستفتاء

على فكرة مش البرادعى الوحيد اللى قال لأ فى الأستفتاء ..... و مفيش حاجة اسمها هزيمة فى الديموقراطية ...... بس كعادة الأخوان فى التدليس ..... نسبوا نتيجة الأستفتاء انها تأييد كامل ساحق ماحق ليهم و لسياستهم

بس ده ما ظهرش على ارض الواقع فى كتير من المواقف ...... هزت حتى ثقة المجلس العسكرى فيهم

وبعدها طلع يقول عايزين مجلس رئاسي وكأنه يرفض نتيجة الإستفتاء

المجلس العسكرى هو اللى تسبب فى ظهور دعوات لمجلس رئاسى يدير المرحلة الأنتقالية ...... بتباطؤه و تواطؤه و فشله الذريع فى ادارة المرحلة الأنتقالية

راجل ملوش كلمة صحيح

البرادعي سقط بتصرفاته
وليس له فرصة في الرئاسة
ومحاولته الأخيرة الإستقواء بأمريكا في حواره الأخير قضت على آخر أمل له في الإنتخابات

مش عارف جيت كلام الأستقواء ده منين ؟؟؟؟؟ كان عملها زمان ايام العراق

متحالف معاهم عشان يخدمهم ويتيح لهم الحوار ؟؟؟!!!!!!!

فعلا ايام ما كان اسمهم المحظورة

يعني الإخوان المعروفين من 70 سنة في كل شبر في مصر البرادعي هو من ضمهم ؟
الحوار أساساً بدون الإخوان ليس له قيمة فهم أكبر فصيل سياسي في مصر

امال ليه الجيش ناطرهم على جمب اليومين دول ؟؟؟؟؟؟

البرادعي كثير التلون
وللتأكيد أنظروا رأيه قديماً في المادة الثانية من الدستور التي قالها منذ سنتين تقريباً
وأسمعوا لرأيه الآن بعد أن غيره لأنه علم أن رأيه السابق كان حكم عليه بالفشل التام

راجل بيغير كلامه وأفعاله حسب إتجاه الريح
وأنتم تقولون غنه راجل صريح ؟

مش حاخش فى جدال المادة التانية أحسن يتقال عليا كافر او ملحد او علمانى ...... بس مادام الراجل ده كده

الأخوان اتحدوا معاه ليه ؟؟؟؟

و لما فى السياسة البنى أدم مش المفروض يغير أراءه ....... الأخوان غيروا رأيهم فى السلفيين و العكس صحيح و بقوا حبايب ليه ؟؟؟؟؟ و راجعوا منتديات الأخوان و السلفيين قبل الثورة و شوفوا كمية الشتائم

أنا لست من الإخوان
لكن أنا مع من يقف في جانب إحترام الإستفتاء الذي تم وما يتبعه

الراجل فى كلامه ماجبش سيرة الأستفتاء ...... هو بيقول رأيه لأن مش معنى الديموقراطية ان لما نعمل استفتاء و نتيجة معينة هى اللى تكسب ...... تبقى الأقلية تخرس

وضد مظاهرات 27 مايو المخصصة لسرقة نتيجة الإستفتاء بطلب الدستور أولاً وبطلب مجلس رئاسي

-

المشاركة الأصلية كتبت بواسطة ahmed1981

جميل جداً

والبرادعي الآن يحاول أن يمنع المصريين من إختيار من يحكم لمجرد أنه بدأ يحس بالفشل وبخروجه من المنافسة بدري بدري

ههههههههه

منعهم ازاى ؟؟؟؟؟ جايب بلطجية واقفين للمصريين عشان يمنعوهم !!!!!

الإخوان يفعلون ما فعل مبارك بهم سابقاً بمعارضيهم الآن ؟؟!!

ولكن كيف ؟؟؟؟؟؟؟؟
وضح لنا حتى نفهم هذه الإستراتيجية

ألن يحتكم الناس إلى صناديق الإنتخاب

الآن أصبحت الصناديق كخة لأنها سينجح بواسطتها الإخوان
وإذا كان سينجح بها البرادعي ستصبح فلة ووردة منورة
هل هذه هي الديمقراطية التي أكثرتم بالحديث عنها

ميين قال ان الصناديق كخة ؟؟؟؟؟

أم أن الشعب المصري الآن أصبح غبياً وأحمق ويختار الخطأ لنفسه

وبالتالي يقوم البرادعي وأحباؤه بفرض الوصاية على هذا الشعب الأبله بصفتهم أصحاب العقول المحتكرين للعقل
وبالتالي سيختاروا لأنفسهم ولبقية الأغلبية الشعبية الحمقاء

السؤال ده تسأله لبتوع غزوة الصناديق ..... ان لما الشيخ يختارلك حاجة لازم تطيع

و ابقى شوف مين استغل البسطاء و العوام من على منابر المساجد لتوجيهم لأختيار معين ..... بحجة ان التصويت بنعم واجب شرعى

كما كان يفعل مبارك من قبل
يختار لنفسه
وبالتزوير يختار لمن يراهم الأغلبية الحمقاء في الشعب الذين تحت وصايته بصفتهم لا يملكون عقولاً

عموماً الثورة ذهبت بمبارك
وكل من يحاول أن يشكل الديمقراطية على مقاسه مثل مبارك سيذهب في نفس سلة مبارك

البرادعي يبدوا نه من بعض الناس يرى نفسه على حق
وعندما يكتشف أنه الوحيد على هذا الحق والأغلبية حوله يقولن بغير قوله
يتحول فوراً إلى حسني مبارك جديد
لكن في النهاية مصيرهم واحد

وفي النهاية ما هو المطلوب لتكوين معارضة قوية ؟؟
هل هذه وظيفة الأغلبية أن يكونوا لأنفسهم معارضة كما كان يفعل الوطني ليضحك علينا
المعارضة القوية مسئولية المعارضة
إذا لم تستطع المعارضة القيام ذاتياً فهذا عيب فيها وليس عيب في الأغلبية

موافق المعارضة القوية مسئولية المعارضة ...... بس كمان مسئولية الأغلبية انها بعد ما توصل للحكم ...... ماتدمرش المعارضة على الديموقراطية على مبدأ تداول السلطة

أنا لست من الإخوان
لكن أنا مع من يقف في جانب إحترام الإستفتاء الذي تم وما يتبعه
وضد مظاهرات 27 مايو المخصصة لسرقة نتيجة الإستفتاء بطلب الدستور أولاً قبل مجلس الشعب وبطلب مجلس رئاسي

-

-

المشاركة الأصلية كتبت بواسطة ahmed1981

طالما الشعب إنتخب أغلبية من حزب معين فما مشكلتكم


هل مشكلتكم أنكم لا تجدون معارضة للأغلبية ؟؟

إذن أقنعوا الناس بما ترونه صحيحاً ربما تحصلون على أغلبية إن رأى الناس في رأيكم الصواب
وإذا لم يروا في رأيكم الصواب

وإذا كان هناك خوف من سيطرة حزب فلماذا نجري إنتخابات أساساً

الحقيقة أنا معاهم إنهم ياخدوا اللي يقدروا عليه

لأن إسمها إنتخابات بإختيار الشعب الذي من المفترض لمن يحترم الشعب أن يحترم إختيار إخوانه من الشعب لم يمثلهم

أما مسألة أنهم يدخلوا بجزء بسيط ويتبرعوا للباقي للمفلسين شعبياً

فهذا كان قرار خاطيء

معاك انه قرار خاطىء ...... انا كان نفسى الأخوان تترشح على كل البرلمان ..... عشان نتفرج :))))

بس عايزك بس تفتكر انتخابات 2010 دايرة الرمل فى اسكندرية ..... الأنتخابات الوحيدة تقريبا اللى ماتزورتش

لما اكتسح عبد السلام محجوب (حزب وطنى) ...... الخبير الدستورى صبحى صالح (اللى نفسى اعرف من امتى بقى خبير)

54497 صوت مقابل 6281

عارف حتقول ايه تزوير و بتاع ..... بس انت مش من اسكندرية

لأن المفلس شعبياً ليس من حقه أن يتحدث عن أحد وهو أساساً لا يمثل أحداً

وإذا لم يكن مفلس شعبياً فلينافس ولينجح وليخدم البلد

-

موافق جدا

أنا لست من الإخوان

لكن أنا مع من يقف في جانب إحترام الإستفتاء الذي تم وما يتبعه
وضد مظاهرات 27 مايو المخصصة لسرقة نتيجة الإستفتاء بطلب الدستور أولاً قبل مجلس الشعب وبطلب مجلس رئاسي

-

المشاركة الأصلية كتبت بواسطة human12

المشكله كام واحد قرأ الكلام ده دلوقتى؟

1 على عشره من اللى بيتسرعوا لنتايج دون دراسه

و هيفضل الموضوع لازق فيه

بص لو راجعت و بصيت فوق مين اللى بيهاجمه

هما هما نفس الفريق اللى بيهاجمه من زمان

مره بنته اللى مجوزه نصرانى كافر ...... و مره مانزلش ميدان التحرير فى الثورة ...... و مره هو اللى دخل امريكا العراق

ما فيش فايده من الكلام ...... الأقصاء فى ابشع صوره ..... من ليس معى فهو كافر و علمانى و يستقوى بأمريكا و عايز الفحشاء تشيع فى المجتمع

المشاركة الأصلية كتبت بواسطة hobiko

بص لو راجعت و بصيت فوق مين اللى بيهاجمه

هما هما نفس الفريق اللى بيهاجمه من زمان

مره بنته اللى مجوزه نصرانى كافر ...... و مره مانزلش ميدان التحرير فى الثورة ...... و مره هو اللى دخل امريكا العراق

ما فيش فايده من الكلام ...... الأقصاء فى ابشع صوره ..... من ليس معى فهو كافر و علمانى و يستقوى بأمريكا و عايز الفحشاء تشيع فى المجتمع

معروفين :)
ومنهم الي كان ضد ان الثوره تكمل اصلا .
ان لم تستحي...
انا كنت من مؤيديه ...
بس دلوقتي حاسس ان مصر محتاجه مرشح توافقي يتفق عليه كل اطياف المجتمع ..مسلمين مسيحين اخوان ليبرالين علمانين..
ده الحل الوحيد دلوقتي ..وغير متوافر في البرادعي الي الأن ..