سقط البرادعي و اعلنها :أخشى على مصر من سيطرة الإخوان

البرادعى لـ "سى إن إن": أخشى على مصر من سيطرة الإخوان

وفيما يتعلق بالإخوان المسلمين، أعرب البرادعى عن قلقه الشديد إذا ما سيطر الإخوان على الوضع السياسى والبرلمانى فى مصر وإقامة القانون الإسلامى، فى حال إجراء انتخابات برلمانية مبكرة جدا وعدم تأسيس الأحزاب الجديدة.

وعن المستقبل السياسى فى مصر، قال البرادعى فى حوار مع شبكة "سى إن إن" الإخبارية الأمريكية فى القاهرة اليوم الأحد: "إننا لا نعرف ما إذا كان نظام الحكم فى مصر سيكون رئاسيا أم برلمانيا أم شيئا آخر".

وتابع: "الولايات المتحدة والأنظمة الأخرى يمكن الآن أن تقدم نموذجها للديمقراطية، كما أنه يجب مراعاة وتطبيق قواعد الأغلبية وفى ذات الوقت حماية الأقلية"، لافتا إلى الاشتباكات التى وقعت فى مصر بين المسلمين والمسيحيين والتى علق عليها قائلا: "هذا لا يجب أن يحدث..إن كل ما يحدث هو نتيجة 60 عاما من الضغط".

لمتابعه باقي الحوار المصدر في اللينك

مش مفروض في ديموقراطيه و الناس تختار اللي عاوزاه

كلمه تكررت كثيرا

حسني مبارك"أخشى على مصر من سيطرة الإخوان"
محمد البرادعي"أخشى على مصر من سيطرة الإخوان"


المصدر اليوم السابع
اليوم السابع | البرادعى لـ "سى إن إن": أخشى على مصر من سيطرة الإخوان

حسنى لما قال كده مش بيتكلم ابدا على تعدديه حزبيه بس بيتكلم عن ان الاخوان تاخد من الوطنى السجاده


لما البرادعى قال كده لو قال - المفهوم ان الاخوان هيسيطروا على مجلس الشعب و هم قادرون مما يلغى التعدديه اللى احنا اصلا بنادى بيها
و يبقى فيه كذا قوى سياسيه

و كلنا متخوفين من نفس الكلام و كلنا قلنا كده

حتى الاخوان قالوا هينافسوا على 30% و رجعوا زودوا


يا ريت بلاش تربص و بلاش تحاليل سياسيه غير مبنيه على واقع

و بلاش اليوم السابع ده موقع قذر

انا شايف عنده حق

الاخوان لو سيطروا هيبقي فرقت ايه عن الوطني

مش عايزين سيطره مطلقه

انا شايفه لم يسقط

واثق في جميع ارائه

و هما الاخوان هيسيطروا ازاي .. بقوة السلاح يعنى !! و لا بصندوق الانتخابات الديموقراطية !! .. طيب اذا كانت دي ارادة قطاعات كبيرة من الشعب .. تبقى ايه المشكلة .. ولا الكتالوج الديموقراطي في حاجة احنا منعرفهاش !!

ما فيش فايدة في البرادعي دا..مصر يقول رأية بكل صراحة وشجاعة ووضوح بدون مواربة او توازنات..كدا مايكلش عيش في مصر..إللي عايز يبقى رئيس لازم ياكل عيش على كل الموائد..مائدة المجلس العسكري تارة..مائدة الإخوان وتيارات المرجعية الدينية تارة اخرى..مائدة الأقباط مايضرش..مائدة الدول العربية..وهكذا..يتعلم بقى من الديكتاتور الصغير "عمرو موسى" إللي حضر افتتاح المقر العالمي للإخوان في المقطم..دا الشغل يا جماعة

هو مش كان متحالف معاهم طوال ايام الثورة يعنى مكانش يعرف انهم هيبقا ليهم اغلبية فى المجلس ولا هى مسألة مصالح ولما اكتسب سمعة كويسة خلاص هيبيعهم !

اقتباس:

---

المشاركة الأصلية كتبت بواسطة human12

حسنى لما قال كده مش بيتكلم ابدا على تعدديه حزبيه بس بيتكلم عن ان الاخوان تاخد من الوطنى السجاده


لما البرادعى قال كده لو قال - المفهوم ان الاخوان هيسيطروا على مجلس الشعب و هم قادرون مما يلغى التعدديه اللى احنا اصلا بنادى بيها
و يبقى فيه كذا قوى سياسيه

و كلنا متخوفين من نفس الكلام و كلنا قلنا كده

حتى الاخوان قالوا هينافسوا على 30% و رجعوا زودوا


يا ريت بلاش تربص و بلاش تحاليل سياسيه غير مبنيه على واقع

و بلاش اليوم السابع ده موقع قذر

---

الله يفتح عاليك

اقتباس:

---

المشاركة الأصلية كتبت بواسطة now2005

و هما الاخوان هيسيطروا ازاي .. بقوة السلاح يعنى !! و لا بصندوق الانتخابات الديموقراطية !! .. طيب اذا كانت دي ارادة قطاعات كبيرة من الشعب .. تبقى ايه المشكلة .. ولا الكتالوج الديموقراطي في حاجة احنا منعرفهاش !!

---

فعلا في حاجة إحنا مانعرفهاش..الأغلبية تختار من يحكم وليس كيف يحكم..يعني مثلا حزب السلامة الوطني (الرفاه) التركي الإسلامي نقل تركيا نقلة حضارية كبيرة جدا، لكنة في نفس الوقت فشل في إدخال محجبة للبرلمان حتى الآن!! مع إن دا اصلا ضد حقوق الإنسان في حرية الاعتقاد والإتزام الديني!! الأغلبية ليست معناها ابد قهر المعارضة او الاقليات السياسية..بالعكس المعارضة القوية جزء اساسي من نظام الحكم في اي ديمقراطية حقيقية..إنما قهر المعارضة بأمن الدولة او بإلقاء الاتهامات بالخيانة والتكفير والعمالة دي مش ديمقراطية..إللي عمله مبارك في الإخوان يريد مؤيدي الإخوان إنهم يعملوه مع معارضيهم

والله الموفق

اقتباس:

---

المشاركة الأصلية كتبت بواسطة ecybrarian

ما فيش فايدة في البرادعي دا..مصر يقول رأية بكل صراحة وشجاعة ووضوح بدون مواربة او توازنات..كدا مايكلش عيش في مصر..إللي عايز يبقى رئيس لازم ياكل عيش على كل الموائد..مائدة المجلس العسكري تارة..مائدة الإخوان وتيارات المرجعية الدينية تارة اخرى..مائدة الأقباط مايضرش..مائدة الدول العربية..وهكذا..يتعلم بقى من الديكتاتور الصغير "عمرو موسى" إللي حضر افتتاح المقر العالمي للإخوان في المقطم..دا الشغل يا جماعة

---

فعلا كلامك مظبوط بحس عمرو موسى بيعمل دعاية لانتخبات مجلس محلى مجلس شعب وعمال يمين وشمال يجامل ولا حتى قال هو ناوى على اية

اقتباس:

---

المشاركة الأصلية كتبت بواسطة now2005

و هما الاخوان هيسيطروا ازاي .. بقوة السلاح يعنى !! و لا بصندوق الانتخابات الديموقراطية !! .. طيب اذا كانت دي ارادة قطاعات كبيرة من الشعب .. تبقى ايه المشكلة .. ولا الكتالوج الديموقراطي في حاجة احنا منعرفهاش !!

---

عايزين ديمقراطية تفصيل على مقاس مستر البرادعي وحركة 6 أبريل والقوى الوطنية ألي مصدعنا بيها
أنا ولا عمري تخيلت أني أوئيد وأدافع عن الأخوان بس بصراحة طلعو رجالة وعاجبني تنظيمهم وذكاءهم ربنا يوفق ألي فيه الخير للبلد

اقتباس:

---

المشاركة الأصلية كتبت بواسطة AirForces

هو مش كان متحالف معاهم طوال ايام الثورة يعنى مكانش يعرف انهم هيبقا ليهم اغلبية فى المجلس ولا هى مسألة مصالح ولما اكتسب سمعة كويسة خلاص هيبيعهم !

---

هل من مجيب!

وتابع: "الولايات المتحدة والأنظمة الأخرى يمكن الآن أن تقدم نموذجها للديمقراطية، كما أنه يجب مراعاة وتطبيق قواعد الأغلبية وفى ذات الوقت حماية الأقلية"، لافتا إلى الاشتباكات التى وقعت فى مصر بين المسلمين والمسيحيين والتى علق عليها قائلا: "هذا لا يجب أن يحدث..إن كل ما يحدث هو نتيجة 60 عاما من الضغط".))
----------
الصيد في المياه الراكدة

اقتباس:

---

المشاركة الأصلية كتبت بواسطة airforces

هو مش كان متحالف معاهم طوال ايام الثورة يعنى مكانش يعرف انهم هيبقا ليهم اغلبية فى المجلس ولا هى مسألة مصالح ولما اكتسب سمعة كويسة خلاص هيبيعهم !

---

كان مُتحالف معاهم فى الفترة اللى الكل كان بيستنكر الإشتراك معهم ، الجمعية الوطنية للتغيير الوحيدة اللى أتاحت للأخوان الإنضمام والحوار مع باقي القوى

والوحيد اللى نادى بضرورة مُشاركة السلفيين والحوار معهم

الراجل تخوف من سيطرة الإخوان على الحياة السياسية

والله العظيم انا لي أصدقاء كثر إخوان ، وبحضر إجتماع إسبوعي مع أسرة (الإجتماعات الدينية مكون من 5 او أكثر ، نظام كده فى الأخوان) ومؤسس مع شباب الإخوان هنا انشطة لتنمية شباب المنطة ، ويامام شاركت معاهم فى أنشطة وفاعليات ، ورغم كده انا خايف من سيطرتهم على الوضع فى مصر ، لأن بكده إستبدلنا وطني بوطني جديد

اكبر دعاة الديموقراطية واعظم مروجى الحرية فى مصر عندما يوضعوا على محك الغالبية الاخوانية تظهر وقتها توجهاتهم الديكتاتورية البراديعية الامريكية الغير منطقية

كيف تستقيم الديموقراطية والحرية مع الحجر على ارادة الاغلبية الشعبية ايا كانت

وهل لابد من ان تلوى دراع الديموقراطية لتأتى بقوى علمانية ليبراية تغير من واقعنا الآليم !!!؟؟؟؟

وكأن حسنى مبارك والوطنى لم يكونوا علمانيون ليبراليون

اقتباس:

---

المشاركة الأصلية كتبت بواسطة م/مصطفى محمود

كان مُتحالف معاهم فى الفترة اللى الكل كان بيستنكر الإشتراك معهم ، الجمعية الوطنية للتغيير الوحيدة اللى أتاحت للأخوان الإنضمام والحوار مع باقي القوى

والوحيد اللى نادى بضرورة مُشاركة السلفيين والحوار معهم

الراجل تخوف من سيطرة الإخوان على الحياة السياسية

والله العظيم انا لي أصدقاء كثر إخوان ، وبحضر إجتماع إسبوعي مع أسرة (الإجتماعات الدينية مكون من 5 او أكثر ، نظام كده فى الأخوان) ومؤسس مع شباب الإخوان هنا انشطة لتنمية شباب المنطة ، ويامام شاركت معاهم فى أنشطة وفاعليات ، ورغم كده انا خايف من سيطرتهم على الوضع فى مصر ، لأن بكده إستبدلنا وطني بوطني جديد

---

وأيه الحل من وجهة نظرك وأزاي نعمل توازن للقوى السياسية والحزبية الكسولة السلبية؟
نقصيهم مثلا ونعاقبهم على تنظيمهم وقوتهم وشعبيتهم ولا نعمل أيه؟

البرادعي عنده حق لا يخشى في الحق لومة لائم مشكلته الوحيده في مصر انه مش بيعرف ينافق
كمان ترجمة اليوم الساقع مش سليمه ومتعمده الايقاع بين البرادعي والاخوان

والله انا خايف على مصر من اتاتورك او بو قيبة اكتر من خوفي اي حاجة تانية
وزي ما في ناس فكرة ان لو الاخوان حكموا مصر حتبقى ايران , انا متخيل ان البردعي حيخليها تركيا او تونس من حيث الحريات والاحوال الشخصية
حقوق للشواذ بقه ومنع الاذان ومنع التعدد وهيصة

ربنا يستر على البلد دي

اقتباس:

---

المشاركة الأصلية كتبت بواسطة abou_ruqi

والله انا خايف على مصر من اتاتورك او بو قيبة اكتر من خوفي اي حاجة تانية
وزي ما في ناس فكرة ان لو الاخوان حكموا مصر حتبقى ايران , انا متخيل ان البردعي حيخليها تركيا او تونس من حيث الحريات والاحوال الشخصية
حقوق للشواذ بقه ومنع الاذان ومنع التعدد وهيصة

ربنا يستر على البلد دي

---

شواذ ومنع آذان
استغفر الله العظيم

ان شاء الله البرادعي يقتص منكم عند ربنا يامن تهاجموه بالاكاذيب الباطله

اليوم السابع مش مصدر...هذا أولا

ثاتيا...كم من الوقت تريدون -يا من تتخوفون من الاخوان - لكي تكونوا جاهزين؟؟؟؟؟؟

اقتباس:

---

وأيه الحل من وجهة نظرك وأزاي نعمل توازن للقوى السياسية والحزبية الكسولة السلبية؟
نقصيهم مثلا ونعاقبهم على تنظيمهم وقوتهم وشعبيتهم ولا نعمل أيه؟

---

للأسف (وللأسف هنا لأنه سبق السيف العذل ) إن كان لازم يتم تأجيل الأنتخابات مش علشان الأحزاب تاخد فرصتها ، لأ علشان يكون فى حوار فعال ، لو حضرتك بصيت على التعديلات الأخيرة كانت فيها لخبطة كتير ، نتيجة إن مفيش حوار قبلها ، فمثلا موضوع الطعن فى عضوية مجلس الشعب إتغير بعد ما تم الأعلان عن التعديلات لإعتراض محكمة النقض ، فلو كان فى حوار مُسبق كانت مُشكلة زي كده مش هتبقى موجودة

ومتنساش إن اغلب المواطنين اللى فى الأرياف لسة نظرتهم لعضو مجلس الشعب متغيرتش ، أنا مش بشكك فى قدرتهم ولا فى ذكائهم ، بس لازم نوضحلهم المعايير والأسس اللى يختاروا عليها

لازم كان يبقى فية حوار على الدستور والأساس بتاع الدولة فى البداية

عموما للأسف سبق السيف العزل والإستفتاء جاء بنتيجة ، وهنحترمها، بس ده ميمنعشي اننا نعبر عن رأينا ومخاوفنا

في المرحلة دي لازم كل القوي بما فيها الأقليات تحترم

عشان ميحترمشي فقط ديكتاتورية الأغلبية

ده المقصود

لكن بعد كده اللي يحكم ،، يحكم و أدائه اللي يخليه أو يشيله

و عموما هما الأخوان جايبين نتيجة الإنتخابات من الكنترول و لا ايه ؟؟

فيه ناس كتير و منهم كمان ناس بسطاء جدا اللي بيقولوا عليهم بيتأثروا بالتجارة بالدين

هيصوتوا ضد الأخوان

لمجرد العند زي ما كانوا زمان بيصوتوا للأخوان ضد الحزب الوطني عند

اقتباس:

---

المشاركة الأصلية كتبت بواسطة memo_p910

شواذ ومنع آذان
استغفر الله العظيم

ان شاء الله البرادعي يقتص منكم عند ربنا يامن تهاجموه بالاكاذيب الباطله

---

هو تخيل المستقبل بيدخل في خانة الاتهامات والاكاذيب?
هو انت لما تقفل عربيتك لحسن حد يسرقها يبقى بترمي الناس بالسرقة?
حاجة عجيبة دي والله?

اقتباس:

---

المشاركة الأصلية كتبت بواسطة memo_p910

شواذ ومنع آذان
استغفر الله العظيم

ان شاء الله البرادعي يقتص منكم عند ربنا يامن تهاجموه بالاكاذيب الباطله

---

أبو رقي ما أتهموش قال يخشى.......لأنه رجل ليس واضح
بدل ما أنت بتدافع بقوة وحماس عن البرادعي تقدر تقولي أيه توجهاته السياسية وأيه موقفه من قول الله تعالى ألي في توقيعك
(( ومن يتق الله يجعل له مخرجا ويرزقه من حيث لا يحتسب ))

هى الناس كلها ليه خايفة من حاجة محصلتش (ان الاخوان تسيطر على مصر )والله اعلم هتحصل ولا لا ولا يعلم الغيب الا الله كله خايف لا الاخوان تسيطر طيب ما اى حد ممكن يجى مكانهم البردعى او غيرة ممكن يكون شعبية وقاعدة عريضة ويسيطر ويبقى بدل الوطنى البردعى فهل من المعقول انى اقول انى خايف ان البردعى يسيطر على مصر

ولا اى حاجة فيها اسلام او مسلمون او اسلامى بقت حاجة تخوف

مؤتمر الاقاله الوطنى
البرادعي :لا فائدة من الحوار الوطني بعد إصدار القوانين دون تشاور

,,, كلام مظبوط وعين العقل وتمام
------
الاخوان : نرفض حضور الحوار لانه يقفز على نتائج الإستفتاء
وكانها ديكتاتورية الأقلية على الشعب ورأيه
,,,
البرادعي مرة اخري . .
رفض الإخوان المشاركة في الحوار يعكس "غرورهم" وسيؤدي بهم إلى العزلة
. . البرادعي يستمر في تخبطة في الفهم والتصريحات فبعد التخبط تارة يهاجم المادة الثانية ثم تحول الامر انها لا مشكلة فيها وهكذا . . يؤكد ما قلتة عن هذا الرجل ضعيف الشخصية لحد بعيد جدا هذا بخلاف باقي التحفظات
:d
وعجبي

اقتباس:

---

المشاركة الأصلية كتبت بواسطة ecybrarian

فعلا في حاجة إحنا مانعرفهاش..الأغلبية تختار من يحكم وليس كيف يحكم..يعني مثلا حزب السلامة الوطني (الرفاه) التركي الإسلامي نقل تركيا نقلة حضارية كبيرة جدا، لكنة في نفس الوقت فشل في إدخال محجبة للبرلمان حتى الآن!! مع إن دا اصلا ضد حقوق الإنسان في حرية الاعتقاد والإتزام الديني!! الأغلبية ليست معناها ابد قهر المعارضة او الاقليات السياسية..بالعكس المعارضة القوية جزء اساسي من نظام الحكم في اي ديمقراطية حقيقية..إنما قهر المعارضة بأمن الدولة او بإلقاء الاتهامات بالخيانة والتكفير والعمالة دي مش ديمقراطية..إللي عمله مبارك في الإخوان يريد مؤيدي الإخوان إنهم يعملوه مع معارضيهم

والله الموفق

---

عن اي قهر بتتكلم .. بتتكلم كما لو ان الانتخابات تمت و الاخوان حصلوا على الاغلبية .. و اصبح الباقي في صف المعارضة المقهورة .. انا في رأيي ان الاخوان قدموا تنازلات فيما يشبه يوتوبيا سياسية عندما قرروا المنافسة على نصف مقاعد البرلمان فقط و عدم المنافسة على الرئاسة .. البرادعي بيستخدم نفس الاسلوب اللي سبق لاحمد عز استخدامه ضده في حوارهم في سي ان ان في 2009 ، لما اتهم البرادعي انه حليف للإخوان لتخويف الغرب منه :

[youtube]http://www.youtube.com/watch?v=DR-hYDv40KM[/youtube]

للأسف تصريح زي ده غلط في مضمونه و غلط في توقيته

انا مش عارف يخرج من واحد زي البرادعي ازاي

اقتباس:

---

المشاركة الأصلية كتبت بواسطة now2005

عن اي قهر بتتكلم .. بتتكلم كما لو ان الانتخابات تمت و الاخوان حصلوا على الاغلبية .. و اصبح الباقي في صف المعارضة المقهورة .. انا في رأيي ان الاخوان قدموا تنازلات فيما يشبه يوتوبيا سياسية عندما قرروا المنافسة على نصف مقاعد البرلمان فقط و عدم المنافسة على الرئاسة .. البرادعي بيستخدم نفس الاسلوب اللي سبق لاحمد عز استخدامه ضده في حوارهم في سي ان ان في 2009 ، لما اتهم البرادعي انه حليف للإخوان لتخويف الغرب منه :

[youtube]http://www.youtube.com/watch?v=dr-hydv40km[/youtube]

---

من الآخر سيدي الفاضل..هل حضرتك مقتنع إن لو حكم الاخوان (او اي فصيل) من الأفضل يبقى امامهم معارضة قوية ولا لأ؟ هو دا السؤال بدون مواربات..لو اقتنعت إن المعارضة جزء من نظام الحكم هانعرف نتناقش على ارضية واحدة..لو مقتنع بإقصاء فصيل سياسي ما من الممارسة السياسية يبقى موضوع تاني..يحق لأي انسان مصري ان يعلن بكل قوة وصراحة إنه ضد الإخوان..او ضد اليساريين..او ضد البرادعي....وهكذا..ايه المشكلة في كدا

الاخوان سيدي الفاضل تحالفت مع الوفديين الليبرالين في السابق..وتحالفت مع حزب العمل اليساري في السابق..ثم انقلبوا على الأثنين في فترات اخرى..اسأل العواجيز امثالي :-)))) وتحلفوا مع البرادعي قبل الثورة ثم انقلبا الأثنين على بعض (مش من اتجاه واحد) بعدها وراجع إن شئت حوار المرشد مع عمرو الليثي

المعارضة جزء من النظام..وليس عيبا ابدا أن تكون معارضا للإخوان سواء كانوا من الأقلية السياسية او الأغلبية

اقتباس:

---

المشاركة الأصلية كتبت بواسطة now2005

و هما الاخوان هيسيطروا ازاي .. بقوة السلاح يعنى !! و لا بصندوق الانتخابات الديموقراطية !! .. طيب اذا كانت دي ارادة قطاعات كبيرة من الشعب .. تبقى ايه المشكلة .. ولا الكتالوج الديموقراطي في حاجة احنا منعرفهاش !!

---

+1111111111


غير كده الاخوان متوقع انهم ان شاء الله ياخدو اغلبية فى المجلس

بس النسبة المتوقعة هتكون من 51% الى 60 % على اقصى تقدير

لان برده مش كل الشعب اخوان مسلمين

يعنى مش هيبقو زى عباقرة الحزب الوطنى وياخدو98 % من مجلس الشعب .....استحالة

وبعدين انتو يا علمانيي ويا مدعى الليبرالية ..... انتو ليه معترضين على ارادة الشعب

مش هى ديه الديموقراطية .....ان الشعب يختار حاكمه من خلال الصندوق الانتخابى

اقتباس:

---

المشاركة الأصلية كتبت بواسطة ecybrarian

من الآخر سيدي الفاضل..هل حضرتك مقتنع إن لو حكم الاخوان (او اي فصيل) من الأفضل يبقى امامهم معارضة قوية ولا لأ؟ هو دا السؤال بدون مواربات..لو اقتنعت إن المعارضة جزء من نظام الحكم هانعرف نتناقش على ارضية واحدة..لو مقتنع بإقصاء فصيل سياسي ما من الممارسة السياسية يبقى موضوع تاني..يحق لأي انسان مصري ان يعلن بكل قوة وصراحة إنه ضد الإخوان..او ضد اليساريين..او ضد البرادعي....وهكذا..ايه المشكلة في كدا

الاخوان سيدي الفاضل تحالفت مع الوفديين الليبرالين في السابق..وتحالفت مع حزب العمل اليساري في السابق..ثم انقلبوا على الأثنين في فترات اخرى..اسأل العواجيز امثالي :-)))) وتحلفوا مع البرادعي قبل الثورة ثم انقلبا الأثنين على بعض (مش من اتجاه واحد) بعدها وراجع إن شئت حوار المرشد مع عمرو الليثي

المعارضة جزء من النظام..وليس عيبا ابدا أن تكون معارضا للإخوان سواء كانوا من الأقلية السياسية او الأغلبية

---

نعم يحق لاي حد في مصر انه يبقى ضد الاخوان و ضد غيرهم .. و ممكن ينتخبهم النهارده و يسقطهم بكره و العكس .. انما مش من حق اي حد انه يشيطن التاني و يحرض عليه .. حضرتك بتسلم من دلوقتي كما لو ان الاخوان خطفوا الدولة و حرموا الشعب من انتخابات ديموقراطية .. بتقول ان الاخوان تحالفوا مع قوى سياسية و تخلوا عنها .. طيب ماهي دي السياسة .. شوف حضرتك حكومات الائتلاف بتبقى ازاي .. بتتكون من احزاب ممكن تتصارع بعد كده .. و اذا ماكنش الصندوق هو الفيصل و الحكم .. هيبقى ايه ؟!

شادي الغزالي حرب عكها أكتر و أكتر مع مني الشاذلي

قالها هدف يوم 27 الأساسي ،، الدستور أولا

ابشروا يا شباب يوم 27 باظ رسمي

اقتباس:

---

المشاركة الأصلية كتبت بواسطة ahmed anwer

شادي الغزالي حرب عكها أكتر و أكتر مع مني الشاذلي

قالها هدف يوم 27 الأساسي ،، الدستور أولا

ابشروا يا شباب يوم 27 باظ رسمي

---

شكرا كي جي 1 سياسة زلات لسانهم بتفضحهم من غير أي مجهود ولا حرب ضدهم زي ماهما بيعملو مع غيرهم:16::16::16::16:
أنقلب السحر على الساحر..........الحمد لله

اقتباس:

---

المشاركة الأصلية كتبت بواسطة ahmed anwer

شادي الغزالي حرب عكها أكتر و أكتر مع مني الشاذلي

قالها هدف يوم 27 الأساسي ،، الدستور أولا

ابشروا يا شباب يوم 27 باظ رسمي

---

اقتباس:

---

المشاركة الأصلية كتبت بواسطة otefa

شكرا كي جي 1 سياسة زلات لسانهم بتفضحهم من غير أي مجهود ولا حرب ضدهم زي ماهما بيعملو مع غيرهم:16::16::16::16:
أنقلب السحر على الساحر..........الحمد لله

---

تراهنوا انهم حيحققوا الهدف ده؟؟

يا رب خيب ظني

اقتباس:

---

المشاركة الأصلية كتبت بواسطة now2005

نعم يحق لاي حد في مصر انه يبقى ضد الاخوان و ضد غيرهم .. و ممكن ينتخبهم النهارده و يسقطهم بكره و العكس .. انما مش من حق اي حد انه يشيطن التاني و يحرض عليه .. حضرتك بتسلم من دلوقتي كما لو ان الاخوان خطفوا الدولة و حرموا الشعب من انتخابات ديموقراطية .. بتقول ان الاخوان تحالفوا مع قوى سياسية و تخلوا عنها .. طيب ماهي دي السياسة .. شوف حضرتك حكومات الائتلاف بتبقى ازاي .. بتتكون من احزاب ممكن تتصارع بعد كده .. و اذا ماكنش الصندوق هو الفيصل و الحكم .. هيبقى ايه ؟!

---

الحمد لله نحن متفقين على المبادئ الأساسية..يمكن كلامي كان مش واضح فحضرتك فهمت إني باقول إن الإخوان خطفوا الدولة..بس في الحقيقة انا لم اقصد هذا على الإطلاق..أنا اقصد فليحكم من يحكم طبقا للإرادة الشعبية طالما أنه سيلتزم بالمبادئ الديمقرطية الاساسية..ربنا يوفق الاخوان او الوفديين او اليساريين كي تنتقل مصر بحكمهم إلى التقدم الاقتصادي والاجتماعي إللي في مالزيا او إندونسيا أو تركيا او البرازيل..اما انا فمقعدي بين المستقلين..ومن مقعد المستقلين يحق لي ان اعارض الجميع :-)))))

اقتباس:

---

المشاركة الأصلية كتبت بواسطة dojuar

تراهنوا انهم حيحققوا الهدف ده؟؟

يا رب خيب ظني

---

أشك أنه ممكن يتحقق ألا في حال تدخل وضغوط أمريكية أسرائيلية طبعا على المجلس العسكري
وفي الحالة دي البلد هاتولع والموضوع مش هايعدي على خير ربنا يستر

اقتباس:

---

المشاركة الأصلية كتبت بواسطة otefa

هل من مجيب!

---

البلد كلها كانت أيد وحدة أثناء الثوره ..... معلش أنا كنت في الميدان و شفت بنفسي



افتكر بس إنت مين إلي راح قعد مع عمر سليمان ...... أثناء الثورة


و افتكر برضه حضرتك ...... مين إلي راح للبرادعي قبل الثورة و عرض جمع توقيعات على بيان الجمعية الوطنية للتغيير

اقتباس:

---

المشاركة الأصلية كتبت بواسطة dojuar

تراهنوا انهم حيحققوا الهدف ده؟؟

يا رب خيب ظني

---

و هيحققوه ازاي من غير الاخوان ؟!! ما تنساش ان المرة دي مش قصاد المجلس العسكري بس ، لا ده كمان الاخوان اللي كانوا ساندينهم طول الفترة اللي فاتت ! وده اللي مخللى البرادعي خرج عن شعوره و طلع اللي جواه .

ليه تلوموا على البرادعي اذا كان الاخوان نفسهم خايفين يسيطروا على البرلمان

بفرض صحة ترجمة الخبر
والبرادعي ممكن يصرح هذا التصريح لسببين
اولا لانه واضح
ثانيا لان لا امل لديه في الفوز في الانتخابات بعد نتيجة الاستفتاء ولسان حاله يقول "مفيش فايده"

انا خايف من الاخوان هما اللي جايين ويحكموا البلد
عبارة بقت مملة ومستفزة و ملهاش معنى
حسني مبارك خايف على مصر من سيطرة الاخوان
البرادعي خايف على مصر من سيطرة الاخوان
عمر سليمان في حديثه مع محطة abc نخشى سيطرة الاسلاميين
عمرو اديب في حديثه مع البرنامج اللي بتقدمه وفاء الكيلاني تولع الديمقراطية لو جابت الاخوان المسلمين
الانبا روفائيل ساعة التعديلات الدستورية قولوا لأ للتعديلات علشان مفيش حد جاهز غير الاخوان المسلمين
حزب المصريون الاحرار (نجيب ساويرس ) نطالب بتاجيل الانتخابات علشان الاخوان عندهم
تواجد كبير لان لديهم اعلبية بتتحرك
رئيسة مجلس الشيوخ الامريكي بجب منع المساعدات في حالة وصول الاخوان المسلمين للسلطة
بقية الاحزاب للمجلس العسكري والنبي اجلنا الانتخابات علشان نتواصل مع الجماهير نقول برامج حزبنا للجماهير انتوا صحيتوا دلوقتي افتكرتوا تقولوا وتعلنو عن البرامج بتاعتكوا وللعلم انا بتكلم عن الاحزاب القديمة والمفروض الكبيرة اعتقد اسما فقط زي الوفد والتجمع والناصري انتوا كنت بتعملوا ايه قبل كده اتحدى اي حد يعرف نقيب الحزب في المحافظة بتاعته و الاحزاب ديه عاملين زي التلميذ البليد ما كانش بيذاكر خالص ومرة واحدة افتكر ان الامتحان بتاعه بكره قال لا لا استنوا لما اذكر و بعدين امتحونني
و الله لو اجلوا الانتخابات سنتين مش هتتغير النتيجة ونفس الاحزاب هتقول نفس الكلام ثم يعني بصراحة مش مشكلة الاخوان ان هما منظمين عارفين طريقة اللعب السياسي ازاي
دي مشكلة الاحزاب التانية مين تم اعتقاله من الاحزاب التانية غير الاخوان ثم انتوا جربتوا الاخوان علشان تقولوا الاخوان لأ انا رأي ان اصعب انتخابات للإخوان هي الانتخابات دي علشان قبل كده انا اعرف ناس كانت بتدي للاخوان ليس حبا فيهم لكن كرها للحزب الوطني اعضاؤه
انا دلوقتي عاوز اعرف حاجة كان ايه لزمته الاستفتاء اساسا
للعلم انا لا من الاخوان المسلمين ولا غيره علشان محدش يفتكر حاجة انا عندي اعتراضات عليهم كتير
بس انا حاسس فعلا ان مفيش فرق الكلام هوه هوه فبل يناير و بعد يناير وتفكير الناس متغيرش

انا عاوز من كل واحد بقولي خمس اسماء من الاحزاب القدام قبل الثورة غير اسامي الاحزاب اللي قلتها فوق بس من غير ما حد يدور في النت عن الاسامي ولو دورتوا هتشوفوا عندنا كام حزب قبل يناير واستعير عبارة احد الشباب اللي كانوا في مقابلة مع عمر سليمان احنا مجتمعين مع في وجود بعض الاحزاب الكارتونية

اقتباس:

---

المشاركة الأصلية كتبت بواسطة now2005

و هيحققوه ازاي من غير الاخوان ؟!! ما تنساش ان المرة دي مش قصاد المجلس العسكري بس ، لا ده كمان الاخوان اللي كانوا ساندينهم طول الفترة اللي فاتت ! وده اللي مخللى البرادعي خرج عن شعوره و طلع اللي جواه .

---

دي طريقة:

اقتباس:

---

المشاركة الأصلية كتبت بواسطة otefa

أشك أنه ممكن يتحقق ألا في حال تدخل وضغوط أمريكية أسرائيلية طبعا على المجلس العسكري
وفي الحالة دي البلد هاتولع والموضوع مش هايعدي على خير ربنا يستر

---

طريقه أخرى بتأجيل انتخابات مجلس الشعب بأي شكل ...بأي طريقة...بأي طريقة!!!

ولا تنسوا ما قاله كمال خليل منذ أيام...