ابيزا 98 ولا هوندا سيفيك 92

**Europian** · 23-05-2011 06:54 AM

محتااااااار يا جدعان فى حد يريحنى ويقولى اختار ايه؟

1- سيات ابيزا موديل 1998 مانيوال1400cc
2- هوندا سيفيك موديل 1992 اوتوماتيك 1500-cc1600

ياريت اصحاب الخبره يقولولى ويقارنو بينهم
اهم حاجه من حيث قله الاعطال والسرعه والثبات واسعار وتوافر قطع الغيار

والف شكر على المساعده
ملحوظه صغيره انا لسه جديد فى موضوع العربيات ده وبفهم فى الميكانيكا زى ما حضراتكو بتفهمو اللغه الروسيه بلظبط فيا ريت الناس ما تبخلش بلنصيحه

وربنا يكرمنا جميعا

**wael ahmed** · 23-05-2011 07:55 AM

شوف هوندا تكون كويسه وصدقنى مش هتندم انا كنت هجيب ابيزا ومكنش فى دماغى الهوندا بس الهوندا هوندا بصراحه بس اهم حاجه العربيه تكون مش متهانه : ) والف مبروووك مقدما
وكل الحاجات اللى انت كاتبها متوافره فى الهوندا

**hondaman** · 23-05-2011 08:11 AM

عشان اكون صريح معاك انا مجربتش ابيزا بس عن تجربتى للهوندا العربية دى اصيلة قوى وفى اقسى الظروف ما بتقولش لا

**togo** · 23-05-2011 08:30 AM

الهوندا في رأيي افضل

**Europian** · 23-05-2011 08:56 AM

الف شكر يارجاله على النصيحه بس هل ياترى رغم ان الهوندا موديل اقدم ب 6 سنين تبقى احسن من الابيزا بردو

**wael ahmed** · 23-05-2011 09:12 AM

بص الابيزا موديل حديث اه بس هيا مش بتتقاس كده الهوندا لما بتكون نضيفه بتبقى احسن من العربيات الزيرو انا كان معايا لانسر كريستاله 99 فابريكه بره وجوه وبعتها وجبت هوندا 92 : ) وعلى فكره الابيزا قطع غيارها مش رخيصه برضه بس معرفش اسعارها بصراحه .. بس عامة الهوندا لما بتركب فيها حاجه بتنساها ومن حيث السرعه والثبات وقله الاعطال ده كله لصالح الهوندا بس برضه اهم حاجه تكون العربيه كويسه علشان متتعبكش : )

**Europian** · 23-05-2011 02:06 PM

معلش يا بوب بتقل عليك بس ليا عندك استفسار اخير كل ما اجى اشوف هوندا 1992 بلاقى منها حاجات كتير اوى مثلا
في منها 1500 cc ومنها 1600cc ممنها ex و si و sir وفى الموتور بتاعها اوريجينال وفى اللى مسقط مكنه vtec وانا معلوماتى عل قدى فى موضوع المواتير ده فياريت لو عندك فكره عنه تعرفهونى ولو حد مسقط موتور ده كويس ولا ادور على حاجه يكون الموتور الوريجنال بتاعها

معلش صدعتك والف شكر لاهتمامك