سؤال يا أهل الخبرة

**megoz1980** · 23-05-2011 10:59 AM

السلام عليكم..
سؤال تاني يا باشا... لما بدوس علي الفرامل لفترة وأنا ماشي بلاقي عداد السرعة بيرعش والحرارة والبنزين بيترفعوا دا ممكن يكون من ايه؟؟ وعندي ال rpm بيبقي علي واحد ونص دايماً مش بينزل عن كده والعربية مظبوطة يعني مش عالية.. وشكراً للمجهود الرائع

**SAMEH_FOUAD** · 23-05-2011 03:52 PM

معلش ياباشا كدة العربية مش مظبوطة خالص

انت المفروض الظبطة بتاعتك 850 اربى ام

بالنسبة لدوسة الفرامل بتلاقى عداد السرعة بيرعش يبقى كدة عندك قواعد بتخلى المكنة تترج جامد وبالتالى بترج معاها اللى مابيبقاش محكم الريط فى العربية

بس اهم حاجة لازم تعدل الاربى ام دة عن طريق توطية المكنة وتشوف اصلا صاحبها معليها كدة لية

**SAMEH_FOUAD** · 23-05-2011 08:08 PM

ياباشا لا يمكن تكون مظبوطة وعلى 1.5 ابدا يبقى انت كدة فية حاجة فى الكربراتير غلط

وبالنسبة للعداد مش عارف اية العلاقة بس مش هتخرج عن ان العداد ممكن يكون اصلا مش مظبوط كهرباء يعنى ممكن يكون ملمس فى حاجة , او العداد نفسة بايظ ومؤشراتة خفيفة ومع الضغط على الفرامل فية عندك قواعد مش مظبوطة بتخلى العداد يترج جامد

ياريت بس تقولى اية حالة القواعد يعنى بتحس برعشة فى الدركسيون جامد وخصوصا وقت مابتدور العربية

**SAMEH_FOUAD** · 24-05-2011 05:34 PM

تمام لو الطارة بتتهز بتبقى القطمة بس عشان تتاكد ليها اختبارين واحد من عند الدواسة وواحد من تحت العربية وبيشوف هل فيها بوش او لأ وممكن ماتتغيرش وبيتعملها جلبة بتبقى ماسكة كويس بس لو ماعندكش باور مانصحكش تعملها لانها هتقل الطارة شوية

وعموما هية كلها كاملة ب250 جنية

**megoz1980** · 24-05-2011 05:56 PM

لو سمحت يا سمسم رقم موبايلك ومتخافش مش هاوجع دماغك علي الفاضية والمليانة.. ده من واجب الاخوة والسؤال من فترة للتانية عليك يا معلم الهوندا..

**SAMEH_FOUAD** · 25-05-2011 03:10 AM

0103088605 واتصل براحتك كفاية اننا نسمع صوت الناس الحلوة اللى فى المنتدى

الموضوع: سؤال يا أهل الخبرة

LinkBack

أدوات الموضوع

عرض

المواضيع المتشابهه

يا اهل الخبرة ... سؤال ؟

سؤال الى اهل الخبرة

سؤال الى اهل الخبرة

سؤال الى اهل الخبرة مهم جدا

سؤال لأهل الخبرة: سؤال لشراء نيسان صني

الكلمات الدلالية لهذا الموضوع

المفضلات

المفضلات

ضوابط المشاركة