سؤال الى اهل الخبرة

**nahnad** · 20-06-2012 10:17 PM

السلام عليكم
انا مقبل على شراء مازدا 3 2011 فكنت عاوز اسال عن اسعار فئاتها وهى كام فئه فيها وعاوز اعرف الاختلاف فى كل واحده الى الاعلى
اروجو منكم الرد السريع لانى بجد معنديش اى خلفيه عنها ومحتاج منكم تدلونى وتعرفونى اجابه اسئلى
واسف على الاطاله
اخوكم / محمد

**nahnad** · 22-06-2012 05:10 AM

فين الردود ياجماعه ارجوكم ضرورى تردو عليا واسف مرة تانية

**mazda3mazda** · 22-06-2012 11:10 AM

فيه فئتين، أوتوماتيك (ب130) و أوتوماتيك هاي لاين كانت ب 162 نزل عليها تخفيض ل155 و كان فيه معرض بتنزل فيها الف أو أكتر تخفيض إضافي.

و كمان كان فيه مانيوال بس أعتقد غبور مجبش منها كمية في 2011 أو مجبهاش خالص.

الموقع ده فيه المواصفات الأساسية
mazda_landing-page

بالاضافة لكده، فيه موضوع أنا كنت عامله بعد ما اشتريت علي طول كنت كاتب فيه أدق تفاصيل عن العربية... ارجع دور في المنتدي هنا في شهر 12 اللي فات و إنت هتلاقيه.

**nahnad** · 22-06-2012 10:25 PM

الف شكر ليك ياباشا واضح من كلامك انك معك الهاى لاين ممكن تقولى تجربتك عن العربيه من حيث الاداء والثبات وقطع الغيار وكما فى سؤال كنت عاوز اعرف الهاى لاين فيها زرار التشغيل او بصمة ولا مفتاح سلاح بس والبيزك مفتاحها عادى ولا سلاح زى الكيا كده والهيونداى

**mazda3mazda** · 23-06-2012 05:55 PM

المشاركة الأصلية كتبت بواسطة nahnad

الف شكر ليك ياباشا واضح من كلامك انك معك الهاى لاين ممكن تقولى تجربتك عن العربيه من حيث الاداء والثبات وقطع الغيار وكما فى سؤال كنت عاوز اعرف الهاى لاين فيها زرار التشغيل او بصمة ولا مفتاح سلاح بس والبيزك مفتاحها عادى ولا سلاح زى الكيا كده والهيونداى

العفو يا باشا... العربية أدائها أنا شايفه ممتاز (لكن أنا مجربتش أشد بيها و كدة)... ثباتها هايل و التحكم فيها سهل جدا و استجابة الفرامل و الدركسيون و العجل لما تحب تفادي حاجة مفاجأة أكثر من ممتازة... و التكيف أثبت جدارته في الايام الحر اللي فاتت ديه... مجربتش قطع الغيار بس فيه ناس تانية في المنتدي هنا كانت بتشتكي من قطع الغير و أسعارها... مفيش زرار تشغيل بصمة حتي في الهاي لاين 2011/2010 للأسف... المفتاح سلاح و فيه ريموت الإنذار (و أيموبيلايزر) و فتح الشنطة و وحدات رفع. مش عارف البيزك بصراحة نظام مفتاحها ايه.

عموما عشان تبقي عارف العيوب الشائعة عنها هي كالاتي:
-استهلاك بنزين عالي سنة علي حسب كلام أغلب الناس و ده عشان الفتيس أربع نقلات بس (عموما أنا بتعمل معايا 10 لتر في ال100 كيلو داخل البلد)... لكن في مقابل كدة بتمشي ببنزين92 (مش زي عربيات تانية محتاجة 95 عشان أدائها يبقي كويس) و كمان الكاتينة فيها جنزير مش سير و الفتيس مع إنه قديم شوية إلى إنه متجرب و مفيهوش مشاكل زي مثلا مشاكل الجيتا و الباسات.
-الباب الخلفي ضيق إنما مساحة الكنبة مش ضيقة بدرجة ملحوظة.
-ممكن تكون واطيه شوية زي أغلب العربيات الجديدة و لو إني محستش الموضوع ده خالص، احتمال عشان محملتهاش بعدد ركاب كبير قبل كدة، و كمان لاحظت ان فيه أماكن عربيتي القديمة بتحك فيها إنما المزدا لأ.
-الرؤية فيها للخلف و الجهة اليمني الاماميه متعبة شوية، أنا اخدت فترة علي ما ابتديت أتعود عليها لكن لسة برضه بعتمد علي كاميرا الركن الخلفية اللي اضطريت اركبها.

لكن غير كدة العربية كلها مزايا.

برضه خد بالك ان غبور مجابش منها موديل 2012 و كان فيه كلام إنه هيسيب التوكيل، و أعتقد موديل 2011 اتشفط من السوق و احتمال متلاقيش منها جديد.

و عموما لو ناوي تشتري، انصحك تقرأ الموضوعات اللي في المنتدي هنا عن المزدا 3 موضوع موضوع، هتعرف كل حاجة عنها و تقدر تاخد القرار الصح... اتمني أكون ساعدتك.