حد يقولنا كيفية تنظيف الرشاشات

**midoabokhadra** · 24-05-2011 03:33 PM

هل تنظيف الرشاشات حاجة والبوابة حاجة تانية ؟
والسائل اللي بيتحط ع البنزين ف التنك دة حاجة ؟
ولا الحاجات دي كلها واحد يعني لو عملت حاجة واحدة من دول بتحل محل الباقي
ازاي بقى اعمل موضوع تنظيف الرشاشات دة وهل هايفرق ف سحب العربية ولا لا ؟

**MMamdouh** · 24-05-2011 04:36 PM

المشاركة الأصلية كتبت بواسطة midoabokhadra

هل تنظيف الرشاشات حاجة والبوابة حاجة تانية ؟

yes

تنظيف الرشاشات بيبقى م خلال ماكينة الالتراسونيك اللى بتزيل كل الترسبات و الاوساخ من داخل الرشاش

تنظيف البوابة هو تنظيف مجرى الهواء اللى داخل للمكنة من الاوساخ و ترسبات بخار الزيت اللى جاى من خرطوم الفايظ

والسائل اللي بيتحط ع البنزين ف التنك دة حاجة ؟

دة منظف للرشاشات برضة بس جراء وقائى لمنع تراكب الاوساخ و الرواسب بشكل كبير... بمعنى اخر لو رشاشاتك كويسة و بتحط المنتجات دى حتحافظ عليها... لكن لو اتسدت من الوساخة مش حتفيد فى حاجة و لازم مكنة الالتراسونيك

ولا الحاجات دي كلها واحد يعني لو عملت حاجة واحدة من دول بتحل محل الباقي

لا طبعا كل حاجة ليها وظيفة و مهمة معينة و طريقة معينة فى الشغل... ممكن لو انت مواظب على استخدام اضافات الوقود اللى بتنضف الرشاشات و رشاشاتك نضيفة متحتاجش تنظيف بالالترا سونيك... اما تنظيف البوابة فا ملوش علاقة بالموضوع دة خالص

ازاي بقى اعمل موضوع تنظيف الرشاشات دة وهل هايفرق ف سحب العربية ولا لا ؟

لو رشاشاتك مسدودة حيفرق طبعا

لازم تفك الرشاتشات و تروح لحد عندة مكنة الترا سونيك لتنظيف الرشاشات

MMamdouh

**MMamdouh** · 25-05-2011 02:11 PM

التكلفة بين 80 الى 100 جنية للاربع رشاشات حسب ما سمعت

MMamdouh

**midoabokhadra** · 27-05-2011 02:13 AM

انا عندي الارب بي ام سعات بيعلى لحد 1 وشرطتين كدة يعلي وينزل كل شوية كشفت بالكمبيوتر قالولي حساس شكمان
اكشف بالكمبيوتر عند حد فاهم علشان ميغيرش حاجة وتكون سليمه
وربنا يوفقك لحسن بجد محدش بيفهم فيها مطلعين عيني