خاص أربت استقر مابين اتنين أرجو منكم المساأأأأأأأأأأأأأأأأعدة

**moro14** · 23-05-2011 09:49 PM

يا رجالة أنا خاص أربت استقر مابين اتنين أرجو منكم المساعدة في الاختيار ،
هوندا سيفكBASE LINE ولا النيو سيراتو 2011
بس طبعان المشكلة في ال-MONEY :(
بمعنى آخر دفعة المقدم و هي بأي حال مش هتزيد عن 60,00 ألف
و خايف اشتري السيفيك اتبهدل في تمن الاقساط 158
و قلقان من السيراتو علشان مشكلة العفشة و أنا ميال ليها و باوول مش مشكلة ممكن أغير الجنط 17 إلى 16 ،و موضوع سرقة عربيات البصمة مقلقني شوية
انتو إيه رأيكم
أفيدوني أفادكم الله،
وشكرا ليكم

تم النقل للمقارنات
_______________________
مشرف الكورى والماليزى العام 4أ

**DarkMagician** · 23-05-2011 09:56 PM

عندك نيسان سيلفي حلوة على فكرة وارخص من السيفيك وفيها اوبشنز كل ما تتخيل

**Typerr** · 23-05-2011 10:21 PM

الهوندا احسن من الكيا بكتييير من ناحيه الثبات والهدوء والموتور طبعا وشكل العدادت الخرافي الفضائي
بس الكيا في اوبشنز اعلي الهوندا وطيه اوووي وقطغ غيارها مولعه بس انت راكب عربيه الكيا جنبها مش عربيه
بس الكيا بياعه مش هتخصر فيها وقطغ غيارها هتبقي ببلاش زي الدايو

من الاخر لو انت هتبص علي الفلوس خليك في الكيا
لو هتبص علي اداء وماركه وشياكه خليك في الهوندا احسن ماركه في الياباني
والله اعرف واحد ساقها بيقولي اخدت ملف علي سرعه 190 ملف جامد جدا والعربيه ثابته فححححححت
واخيرا دي صوره العربيه

علي فكره دي علي الطريق تشد من البي ام الفئه 316i

**masterzmind** · 23-05-2011 10:37 PM

والله انا فى نفس الحيرة بتاعتك بس انا بقارن بين سيراتو جديدة ولا هوندا سيفيك مستعملة ومش عارف حتى الان

**yasserelsayad** · 23-05-2011 11:28 PM

ممكن تدخل المازدا 3 كمان .. ثباتها احسن من الاتنين

**Typerr** · 23-05-2011 11:49 PM

المشاركة الأصلية كتبت بواسطة tamerosman

كلام 100% انا كان عندى مازدا 3 و حاجة تانية خالص غير السيراتو بس قطع غيار غاليه و ربيسيل واقع

و لو هتخش على الكورى استنى الالنترا الجديدة و انسى السيراتو

لو ناوى تدفع كاشات كتير يبقى من غير تفكير اوكتافيا و ربيسبل تمام و عربية مدرعة

الهوندا احسن عربية ياباتى و تنافس الاوروبى و اعلى اعتمادية فى العالم بس فى مصر قطع غيار نار نار و ريسيل تعبان

لو ميهمكش الريسيل و عايز ركوبة من غير ماتدفع كتير خش على الفليونس و صباح الفخامة و الكماليات

الخلاصة

عايز كورى : النترا جديدة 2012 حاجة خرافة و انسى السيراتو

ميهمكش الريسيل و مش عايز تعدى 130 الف : فليونس

ممكن تدفع فوق 160 : اوكتافيا بدون تفكير علشان حرام تحت فلوس كتير فى عربية ريسيل بتاعها ضعيف

كلام جميل اللاوكتافيا عربيه اساس جدا
ومترمه اخر حاجه وكفايه انها الماني ومن شركه فولكس

**hossam20102010** · 24-05-2011 05:38 AM

المشاركة الأصلية كتبت بواسطة tamerosman

لو ميهمكش الريسيل و عايز ركوبة من غير ماتدفع كتير خش على الفليونس و صباح الفخامة و الكماليات

الخلاصة

عايز كورى : النترا جديدة 2012 حاجة خرافة و انسى السيراتو

ميهمكش الريسيل و مش عايز تعدى 130 الف : فليونس

ممكن تدفع فوق 160 : اوكتافيا بدون تفكير علشان حرام تحت فلوس كتير فى عربية ريسيل بتاعها ضعيف

+11111111111111111

**HOSSAM99** · 24-05-2011 07:31 AM

السلام عليكم
طالما حضرتك خرجت المازدا 3 من المقارنه كما سبق في موضوعين

يبقي الكلام كالأتي و حضرتك اللي تحدد

سيفك : لو متفرقش الفلوس و حابب الثبات و النعومه و الأداء و عايز عربيه معمره 10 سنين شغل إن شاء الله بدون تغيير قطع غيار من أساسيات العربيه(لو مكان حضرتك و في موقع أختيارك أتوكل علي الله في السيفك) أما موضوع سعر إعادة البيع فكل العربيات بتخسر من الزيرو و العربيه مميزه جدا (مش منتشره)

السيراتو:عربيه لا غبار عليها بالنسبه لفئتها قطع غيارها في كل شبر في مصر إقتصاديه نسبيا بالنسبه للسيفك في المصاريف
أما نشوفية العفشه فهي مش ناشفه بمعني أنها ظلط ل العربيه ماسكه نفسها شويه و متقلقش أوي من الموضوع ده و لو ميال لها أستخير و توكل

لو تقبل نصيحتي (سيفك)

أتمني لك التوفيق