الرخص اتسحبت بسبب الستاير و العربية داخلة فحص ؟؟

**SoFiMaN** · 24-05-2011 08:14 AM

هي مش دي ستاير كبس المنتشرة عادي ؟! ولا ستاير ستاير؟
اصل لو كده فغريبة جدا لانها بتتشال في لحظة و هو واقف عادي يعني فازاي يسحب و يقول انك تشيلها ؟!

كان فين مكانه الكمين ده في اسكندرية يا باشا؟ و اكيد بالليل كان صح؟

**mahmoud_anwar** · 24-05-2011 10:17 AM

ياباشا انا لسه شاري عربية ودخلت فحص علشان اغير نمر من قيمة شهرين باين المهم العربية فيها ديفل والازاز بتعها غامق سنة
دخلت عادي وفحصت لا قالي شغل نور علشان اشوف عندك زينون ولا بص علي الديفل واعتقد الديفل ده عادي جدآآآآ
هو الفحص بياخد ورقة وقلم وبيحط الورقة في الحضو عند الرقم وبيشخبط بي القلم علي الورقة لغاية لما ترسملة الرقم
وبعدين الي بيتسجل في الرخصة بس في مصر لون العربية حاجة تخنق بجد المفروض اننا بقنا من الدول الي الشمس فيها حارقة
يعني المفروض يكون فيه فامية علشان نحس بي اداء التكيف بس تقول لمين

**firstknight_eg** · 24-05-2011 10:23 AM

المشاركة الأصلية كتبت بواسطة hossam20102010

هو لسة الفيميه ممنوع !!

مش عارف ايه التخلف ده

الفيميه قانونى ومصرح بيه فى اغلب دول العالم الا مصر !!

بص يا استاذ حسام

أغلب دول العالم ممكن تفييم الشباك اللي ورا اي لون زي ما انت عاوز بس الشباك الامامي لو عاوز تفييم بيبقي فيه نسبة رؤية بتختلف من بلد للتانية يعني:

في أمريكا ولايات كتير لازم نسبة الرؤية تبقي أكتر من 70%
في كندا تقريبا 50% ولازم يبقي فيه مرايات جانبية
في انجلترا لا يقل عن 70%
روسيا 70%

وفي دول بتمنعه خالص لو ماعندهاش الإمكانيات اللي تقدر تقييس بيها نسبة الرؤية

إنما احنا هنا ما شاء الله تفييم تفييم اسود اسود في كل الشبابيك امامي وخلفي

في ده عشان سلامة اللي سايق مش اللي سايق بس لا باقي العربيات كمان الزجاج الامامي بيبقي نسبة الرؤية عالية

**nicegypt** · 24-05-2011 10:24 AM

يا جماعة صاحب الموضوع يقصد نقطة معينة واحدة ..
اولا : كل مرور وبيختلف عن مرور اخر رغم ان الاجراءات المفروض واحدة لكن المسؤليين والموظفين وضمائرهم مختلفة
يعنى فية حاجات تعدى مع مرور وحاجات مع واحد رخم لاء ..

ثانيا : صاحب الموضوع بيسأل سؤال محدد : دلوقتى عربيتة رخصتها سارية وكان ماشى بيها عادى خالص دلوقت اخد ايصال سحب رخصة
لمخالفة اعاقة رؤية .. سواء بقى بسبب زينون ستاير اي حاجة .. دلوقتى اللى هيحصل ان صاحب الموضوع مضطر يشيل اهم حاجات ممنوعة
ف العربية وهى الستاير .. رغم ان الستاير مشكوك ف امرها ان كانت مسموح بيها او لا ء .. هناك هيعدي الامور شوية لانة اصلا فاحص
قبل كدة يعنى هيروح يدور على النقطة دى بس .. لا هياخد بصمة موتور ولا هياخد شاسية لان دة كلة موجود مسبقاَ .. كلامى بناءاَ عن
فهمى لبعض الامور .. ولكنى لم اخض نفس تجربة صاحب الموضوع .. لذا لو حد جرب الموضوع يرد على الراجل بدل مهو حيران لتأكيد او نفي كلامى ..

**smsm_cato** · 24-05-2011 10:38 AM

ياباشا الموضوع سهل ومفيش فحص ولا حاجة لان باين من كلامك ان رخصتك سارية ومفيش ميعاد فحص كنت هتخشة من الاول المهم انت تشوف القسم التابع ليه الكمين اللى اتسحب منك فيه الرخص وترووحلهم وتشوفهم بيسلموا الرخصة لاى ادارة تابعة للقسم ده وتروح تدفع المخالفة بالوصل اللى معاك وتاخد الرخصة انا اتسحبت منى الرخصة قبل كده علشان الحزام الظابط كان غلس شوية وحب يلففنى علشان اتناقشت معاه اتسحبت منى على طريق بلبيس السلام الصحراوى وبعد مادفعت الفلوس عملى محضر تصالح فورى قالى الرخص بتتسلم فى الادارة اللى بعد كارتة الهايكستب روحت قالولى الرخص بتوصل بعد الساعة 4 العصر الموضوع ده كان الصبح روحت شغلى ورجعتلهم تانى ودفعت الغرامة وخدت الرخصة انت الظابط مجبش سيرة فحص خالص وهو بيكلمك قالك الوصل مدته اسبوع يعنى لازم تحصل الغرامة قبل الاسبوع بس مش اكتر

**mody100** · 24-05-2011 11:04 AM

المشاركة الأصلية كتبت بواسطة honda_lover

متشلشي اي حاجة من العربية غير الستاير بس لانك لما بتفحص اي نعم بتفحص فحص شامل بس الغرض الاول والاساسي سبب المخالفة اللي هو الستاير يعني اول مهتدخل علي مهندس الفحص هيقولك ايه سبب سحب الرخصة وده طبعا هيكون في تقرير مكتوب في اورنيج الفحص اللي هتديهوله وهيبص بصة كده ومنغير ميفتح الكبوت حتة وهيمضيلك وهيكتبلك( تم ازالة سبب المخالفة) وبعدين هتروح لفحص الطفاية وطبعا دفع قيمة المخالفة وهتاخد الرخصة عادي جدا ومفيش اي مشاكل انا حصلت معايا في الزينون ومشلتهوش والمهندس سألني انت شلت الزينون قولتله طبعا امال انا جاي افحص ازاي ؟ قالي انا مش هبص وراك بس اوعي تكون مشلتهوش قولتله عييييب هو انا هضحك عليك ههههههه بس وقام ماضي وبس وخلصت باقي الاجراءات عادي جدا ودفعت 100 جنيه واخدت الرخصة ومشيت

للاسف الظابط قالى انت داخل فحص هو قالى احنا مش بنتكلم على الستاير اللى ورا لكن الجنبين اللى ورا ممنوع ,انا قلتله انا ممكن اشيلهم دلوقتى هو فامية

**mody100** · 24-05-2011 11:06 AM

المشاركة الأصلية كتبت بواسطة honda_lover

متشلشي اي حاجة من العربية غير الستاير بس لانك لما بتفحص اي نعم بتفحص فحص شامل بس الغرض الاول والاساسي سبب المخالفة اللي هو الستاير يعني اول مهتدخل علي مهندس الفحص هيقولك ايه سبب سحب الرخصة وده طبعا هيكون في تقرير مكتوب في اورنيج الفحص اللي هتديهوله وهيبص بصة كده ومنغير ميفتح الكبوت حتة وهيمضيلك وهيكتبلك( تم ازالة سبب المخالفة) وبعدين هتروح لفحص الطفاية وطبعا دفع قيمة المخالفة وهتاخد الرخصة عادي جدا ومفيش اي مشاكل انا حصلت معايا في الزينون ومشلتهوش والمهندس سألني انت شلت الزينون قولتله طبعا امال انا جاي افحص ازاي ؟ قالي انا مش هبص وراك بس اوعي تكون مشلتهوش قولتله عييييب هو انا هضحك عليك ههههههه بس وقام ماضي وبس وخلصت باقي الاجراءات عادي جدا ودفعت 100 جنيه واخدت الرخصة ومشيت

يارب تيجى على كده بس عشان انا نش عايز افضل الف حوالين نفسى فى المرور

**mody100** · 24-05-2011 11:07 AM

المشاركة الأصلية كتبت بواسطة nicegypt

يا جماعة صاحب الموضوع يقصد نقطة معينة واحدة ..
اولا : كل مرور وبيختلف عن مرور اخر رغم ان الاجراءات المفروض واحدة لكن المسؤليين والموظفين وضمائرهم مختلفة
يعنى فية حاجات تعدى مع مرور وحاجات مع واحد رخم لاء ..

ثانيا : صاحب الموضوع بيسأل سؤال محدد : دلوقتى عربيتة رخصتها سارية وكان ماشى بيها عادى خالص دلوقت اخد ايصال سحب رخصة
لمخالفة اعاقة رؤية .. سواء بقى بسبب زينون ستاير اي حاجة .. دلوقتى اللى هيحصل ان صاحب الموضوع مضطر يشيل اهم حاجات ممنوعة
ف العربية وهى الستاير .. رغم ان الستاير مشكوك ف امرها ان كانت مسموح بيها او لا ء .. هناك هيعدي الامور شوية لانة اصلا فاحص
قبل كدة يعنى هيروح يدور على النقطة دى بس .. لا هياخد بصمة موتور ولا هياخد شاسية لان دة كلة موجود مسبقاَ .. كلامى بناءاَ عن
فهمى لبعض الامور .. ولكنى لم اخض نفس تجربة صاحب الموضوع .. لذا لو حد جرب الموضوع يرد على الراجل بدل مهو حيران لتأكيد او نفي كلامى ..

فعلا هة ده اللى انا اقصده

**mody100** · 24-05-2011 11:07 AM

المشاركة الأصلية كتبت بواسطة wassof

ياباشا انا لسه شاري عربية ودخلت فحص علشان اغير نمر من قيمة شهرين باين المهم العربية فيها ديفل والازاز بتعها غامق سنة
دخلت عادي وفحصت لا قالي شغل نور علشان اشوف عندك زينون ولا بص علي الديفل واعتقد الديفل ده عادي جدآآآآ
هو الفحص بياخد ورقة وقلم وبيحط الورقة في الحضو عند الرقم وبيشخبط بي القلم علي الورقة لغاية لما ترسملة الرقم
وبعدين الي بيتسجل في الرخصة بس في مصر لون العربية حاجة تخنق بجد المفروض اننا بقنا من الدول الي الشمس فيها حارقة
يعني المفروض يكون فيه فامية علشان نحس بي اداء التكيف بس تقول لمين

فعلا حاجة متخلفة اوى

**mody100** · 24-05-2011 11:08 AM

المشاركة الأصلية كتبت بواسطة sofiman

هي مش دي ستاير كبس المنتشرة عادي ؟! ولا ستاير ستاير؟
اصل لو كده فغريبة جدا لانها بتتشال في لحظة و هو واقف عادي يعني فازاي يسحب و يقول انك تشيلها ؟!

كان فين مكانه الكمين ده في اسكندرية يا باشا؟ و اكيد بالليل كان صح؟

ستاير كبس اه اللى عادية و الكمين كان فى سيدى جابر على محطة الترام الساعة 8 بليل

الموضوع: الرخص اتسحبت بسبب الستاير و العربية داخلة فحص ؟؟

LinkBack

أدوات الموضوع

عرض

-

-

-

-

-

-

-

المواضيع المتشابهه

رخصتى اتسحبت بسبب الفامية

هية الستاير الكبس المرور بيسحب عليها الرخص؟؟!!!!!

الرخص اتسحبت؟

اتسحبت رخصة العربية مني امبارح

الكلمات الدلالية لهذا الموضوع

المفضلات

المفضلات

ضوابط المشاركة