Digital Thermostat | LM35 & PIC16F877A

**amrelsaqqa** · 29-05-2011 01:32 PM

المشاركة الأصلية كتبت بواسطة khaled_sabry

اوكى بس اصبر عليا لما اشترى بيك تانيه بكره
بالمناسبه ابقى ابعتلى البرنامج و الاسكيما اللى بيشغل شاشتين مادمت اعترفت و قولت انك عملتهم :oc_sun1[1]:

هههههههه انا حطيتهم في الموضوع التانى على فكرة

**khaled_sabry** · 29-05-2011 02:46 PM

المشاركة الأصلية كتبت بواسطة amrelsaqqa

هههههههه انا حطيتهم في الموضوع التانى على فكرة

معلش يابنى
الحتب على النظر

**YaSSerwIN** · 24-06-2011 04:40 PM

أين اشيائك :d

يا ترا دمجت الكود بتاعت lm35 بالكود بتاع العداد ؟؟

ياعنى ممكن نظهر على الشاشة الحرارة ؟؟؟

**khaled_sabry** · 28-06-2011 10:26 AM

المشاركة الأصلية كتبت بواسطة YaSSerwIN

أين اشيائك :d

يا ترا دمجت الكود بتاعت lm35 بالكود بتاع العداد ؟؟

ياعنى ممكن نظهر على الشاشة الحرارة ؟؟؟

اشيائى لسه ماخلصتشى

القصه دى مالهاش دعوه بعداد السرعه بتاع عمرو ... انا جيبت بيك جديده ليها و هى دايره منفصله عن العداد
بس برضه انا كنت ناوى ازود كود يقرى حرارة الصالون و حراره الموتور بنفس الفكره دى فى عداد السرعه بتاع عمرو لما ابقى اخلصه

بس مشكلتى فى الوقت مش لاقى وقت نهائى لافتكاسات دى خاصه انى علشان اعملها عاوزلها مكان فاضى علشان اقعد افك و الحم براحتى و اولادى الصغيرين مش بيخلو حاجه الا و يقلبوها

المشاركة الأصلية كتبت بواسطة smsmxxxxxx

فكرة الثرموستات دى جامدة جدا
فعلا تطبيفات البيك لا تنتهي

ربنا يوفقك

--------------------
محمد سالم

ربنا يخيك و بيديلى الوقت و الحماسه

**khaled_sabry** · 28-08-2011 02:48 AM

ازيكم
طبعا الكل نسى الموضوع ده بما فيهم انا
انا طبعت نسيت القصه و ركنت الموضوع على الرف
لكن فى يوم كنت قاعد زهقان فقولت اشوف مشروعات المعلقه

فى البدايه انا كنت موقف المشروع لأنه فى الاول كان على سيفن سيجمين و كان بيطلع ارقام غريبه
كنت فى الاول افتكر ان فيه اسلاك ملمسه و انا مش عارف اجيبها
قولت خلاص اننا حعرض على LCD و اشوف الدنيا فيها ايه
لاقيت الداتا طالعه كويس لكن درجه حراره الصالون و الموتور بتعرض ارقام عشوائيه (ظلمت السيفين سيجمنت )
بعد 3 ايام من اللف حولين نفسى عرفت الحل
الحل فى الباور سبلاي و اللى عمرو كان عامله فى المشروع بتاعه
http://www.nilemotors.net/Nile/20886...ndicators.html
انا كنت مستعيض عنه باتنين ريجيوليتر بس واضح انهم لوحدهم لسه فيهم ذبذبه بتبوظ الدنيا
انا كده كده كنت عامل الباور سبلاى بتاع عمرو لوحده جبته و ووصلته و الدنيا بقيت اخر جمال
انا عدلت طبعا فى الكود علشان تشتغل مع LCD ووصلت سماعه صغيره بحيث تدى صفاره مع كل ضغطه زرار (+ و- ) و كمان تدى صفاره انزار لو حرارة الموتور عدت 98
و خليتها كمان تفصل التكييف لو حرارة الموتور عدت 95

ده السورس و البروتس
MyTher.rar - 4shared.com - online file sharing and storage - download

Uploaded with ImageShack.us

Uploaded with ImageShack.us

Uploaded with ImageShack.us

Uploaded with ImageShack.us

طبعا السينسور عباره عن مسمار 12 طوله 1 سم وروحت عن الخراط علشان يخرمه فى نص راسه علشان اعمل تجويف و حطيت فيه معجون الهيت ثينك ( علشان يبقى توصيل جيد للحراره و مايبقياش فيه فراغ يمنع توصيل الحراره ) و قفلت عليها بمعجون حديد من فوق زى ما موجود فى الصوره
وهى نفس فكرة السينسور بتاعت ابو حسنى
http://www.nilemotors.net/Nile/18787...ermometer.html

Uploaded with ImageShack.us
طبعا دلوقتى انا مشكلتى فى التقفيل
انا جبت علبه كاسيت عربيه قديمه و قصيتها على قد الدايره بتاعتى بس لسه تقفيلها مش عاجبنى
و لسه مش عارف حركبها فى العربيه ازاى

**amrelsaqqa** · 28-08-2011 03:54 AM

الله ينور بجد
هو ده الكلام
هتشجعنى اعملها واعمل الـ rpm

ما شاء الله البورد والشغل كله شكله نضيف جدا كأنها طالعة من مصنع

بس ياريت فيديو بقى :D
وعايز اسمع صوت السماعة :D

**farahat** · 28-08-2011 05:03 AM

أنا حبيت بس أضيف أي إضافة في الموضوع الرائع دة إلي عمل يكمل يوم بعد يوم .
دة مشروع للعداد كامل كنت عملته في مسابقة تصميم في 2002 ، اتمنى يساعد بأي حاجة ، ولو فيه أي اسئلة أنا موجود.

تحياتى

**khaled_sabry** · 28-08-2011 09:16 AM

المشاركة الأصلية كتبت بواسطة amrelsaqqa

الله ينور بجد
هو ده الكلام
هتشجعنى اعملها واعمل الـ rpm

ما شاء الله البورد والشغل كله شكله نضيف جدا كأنها طالعة من مصنع

بس ياريت فيديو بقى :d
وعايز اسمع صوت السماعة :d

الله يخليك ياباشا
ماشى انا كنت ناوى اعملها فيديو بس لما اركبها فى التابلوه .... بس الموضوع واقف على انى عاوز حته بلاستيك اقدر ااقطعها و اشكلها و تبقى واجهه للبتاعه اللى عاملها (مش عارف دلوقتى اسميها ايه ) و تتركب فى التابلوه بنفس فكرة تركيب الكاسيت
هو بالنسبه للصوت حتلاقيه بالظبط زى الصوت اللى بيطلع من البروتس بس طبعا مع اختلاف قوة الصوت علشان انا مستخدم سماعه صغيره

المشاركة الأصلية كتبت بواسطة farahat

أنا حبيت بس أضيف أي إضافة في الموضوع الرائع دة إلي عمل يكمل يوم بعد يوم .
دة مشروع للعداد كامل كنت عملته في مسابقة تصميم في 2002 ، اتمنى يساعد بأي حاجة ، ولو فيه أي اسئلة أنا موجود.

تحياتى

هو ده عداد سرعه مع بنزين ؟؟ ... هو بس فين اللنك ؟؟؟
لو طلع اللى فى دماغى يبقى حنقولك كنت فيييييييييين من زماااااااان يا غالى
واخد بالك معانا يا عمرو