الموضوع: موضوع مهم لكل الايبيزاوية ويا ريت الكل يشارك

انا عجبتني طريقه عرض احد الاعضاء هنا

الميكانيكي بتاعى :

إسم صاحب المكان :

سيد عبده وجاد

عنوان المكان :

132 ش جسر السويس - بعد كوبري التجنيد عند بنزينه التعاون

الموبايل :

0123993100

مستوى المهارة فى العمل :

هوا مستواه في الشغل كويس جدا انه بيشخص العيب بسرعه ... بس عيبه انه في احيان كتير

مش هوا اللي بيشتغل في العربيه يعني هوا بيحدد العيب ... و يقول للصنايعي يعملهولك ويشيك عليه تاني


عشان هوا معظم الاوقات بتبقى عنده عربيات كبيره زي الباسات و الجيتا و كده ... بس دا ما يمنعش ان الصنايعيه اللي


عنده كويسين و اكتر واحد فاهم فيهم نوعا ما اسمه سيد ... وجنبه بتاع قطع غيار استيراد اسمه الفوال لو احتجت حاجه

المعاملة المادية :

متوسط برده فى المعقول بالنسبة لدقة الشغل .

مصنيعته كويسه و معقوله و احيان كتير ما بيكونش معايا يكمل ... بيخليني اجيبهم وقت تاني ... و هوا اللي بيجيب

قطع الغيار للعربيه من واحد جنبه و برده في حاجات بتيجي ملهاش لازمه بيرجعها عادي

نوع الشغل الى بيقوم بية :

من اول الصيانات الدورية حتى تسقيط المواتير بكل انوعها وفى مختلف اناوع الفولكس فاجن والفتايس وكمان هو بيقوم بأعمال كافة انواع العفشة لأى عربية فى الالماني ويقوم بالكشف على السيارات فى حالة الشراء او البيع وكمان بيوفرلك قطع الغيار .

فى حالة الأعطال فى اى مكان لا قدر الله :

ما جربتش بصراحه

الف شكر ليكم يا رجالة بس انا اعرف عن سيد عبده فى تجربة اولى ليا معاه ان هو من النوع الى مش بيتكلم مع حد خالص وعمال يتنقل من عربية الى عربية والصناعية الى عنده مش قد كده وبيعاملوا الناس بطريقة مش ظريفة وما حدش هناك بيفهم حد اى حاجة وكمان انا كان عندى مشكلة جامدة واتفقت معاه على ميعاد واجيله يقولى بكرة واجيلة يقولى بكرة واجيلة ويقولى بكره تلات مرات يا باشا مش عارف ليه بصراحة طبعا ده غير الغرور الغير متناهى انا اول مرة رحلته وسالته عن اسمه زي ما يكون كان هيضربنى انه ما اعرفش اسمه وقعد يوقلى انا انا انت ما تعرفنيش انا الحج سيد عبده يمكن انا كنت بروحله فى وقت مش مناسب يمكن كان بيكون مشغول يمكن وعلى فكرة انا بقول الكلام ده للامانه مش اكتر وبالضبط ده الى حصل معايا ده غير انى لما المشكلة الى كان عارفها وقعت معايا فى العربية وهى كانت ان الصرة بالشمعدان فرطوا منى قالى انا مش فاضي اقسم بالله ان الكلام ده مظبوط مية فى المية وحصل معايا وهذا للأمانة علشان نحط قائمة بافضل افضل افضل الناس فى المهنه ده .

يمكن هو يا باشا بيعاملك كويس علشان والدك كان عارفه او حاجة او بتتعاملوا معاه من زمان يمكن وجايز انا ما ليش نصيب معاه يمكن بس هو من الناس فعلا الى كنت وانا رايحله اتمنى اتعامل معاه لانى اسمع كتير عن مهاراته لكن انا عندى فى الاول الاحترام فى المقام الاول وهو بصراحة ما احترمنيش بالمرة وقلت لو العربية خربت وقدام ورشته هبيع العربية او ارميها ولا انى ادخل عنده ابدا وعلى فكرة المحل الى جنبة بتاعه بتاعه بتاعه ولازم يشغله .

فى النهاية لان انا دمى بيتحرق كل ما افتكر الراجل ده كان بيمطوحنى ازاى ويبيع ويشترى فيا ازاى ويجري وراه الناس فى الشارع ازاى بتجنن .

ومرة تانية انا بقول تجربتى معاه ده للامانة علشان ما نحطوش فى القائمة وحد يروحله ويرجع يزعل مننا .

انا عندى شخوله فى الدركسيون وانا بحود شمال وروحت ل عفشجى اى كلام من بتوع الحرفين قالى اغير القطمه بتاعت الدركسيون كلها ومن كلامو عرفت انو عشفجى مساعدين وبس واى حاجه تانيه تتغير اسهل
يا ريت يا اخوانى الى يعرف عفشجى كويس فى عين شمس ( جسر السويس ) يقولى لحسن انا تعبت من الاشتغالات بتاعت الصنيعيه

يا باشا توكل على الله وروحله وقلة على الى انت عايزة وقبل ما يشتغل يا سيدى ابقى اعرف هياخد منك اية لو معجبكش خلاص حبايب لو مناسب يبقى خير وبركة .
وبعدين انا فى العربية تحديدا دايما مؤمن بمبدأ :

الى بيقول الغالى فيها رخيص فى كل حاجة فى قطعه غيار فى صنعة كويسة ومضمونة

لان انا جربت ميكانيكي مش متخصص وربنا الاعلم اتسبب فى اية فى العربية وبس فروح واتفق وشوف الشغل لو الاتفاق ما جبكش خلاص

وعلى فكرة يا باشا الزعيم عغشجي ما فيش اخوه

وبكده يا جماعه يبقى هسنتبعد ورشة سيد عبده الى بعد كبرى التجنيد لانه مش على المستوى ويا ريت يا جماعه اننا واحنا بنرفع بيانات حد نكون واثقين فيه ومجربينه فى كل النواحي او البنود المذكورة فى اول الموضوع مش مجرد انى لازم اشارك فى الموضوع واحط بيانات الميكانيكي الى انا اعرفه وخلاص حتى لو كنت انا من داخلى مش مقتنع بيه ودة فيه مصلحة لينا كلنا تخيل كده لو عندك مشكلة فى عربية لا قدر الله وروحت لميكانيكا وحسيت كده انه المرة ده مش تمام معاك هتكون مبسوط جدا وانت عارف ان فية غيرة اتنين وتلاته كمان اكتر من واحد متفق عليهم وساعدتها مش هتحس ان انت حد جبرك على حاجة او بيستغلك لانك عندك اكتر من اختيار مضمونين باذن الله

يا رجالة لو حد حب يروح لمحمد الزعيم يقولة انه عرفه عن طريق منتدى السيارات الى على الانترنت وانه من طرف حسين الصواف الى معاه الايبيزا البيضا وهو هيعمل معاه الصح ، اه وفى معلومة تانية محمد الزعيم من النوع الى بيحب يصلح الحاجة من جزورها مش يرقع الموضوع علشان تيجيله تانى لأ علشان كده انا بحترمة جدا جدا لان حلوله قطعيه ومش هترجعله بالعيب ده تانى ان شاء الله ولو كده ممكن انا اكلمهولكم لما توصلوا عنده وتليفونى ممكن لليحب تاخدوه على الخاص .

عايزين نشد حيلنا يا رجالة و كل واحد يبلغ صديقة فى المنتدى او لكل واحد صاحب ايبيزا يعرفه ويعرف بيتعامل مع مين حتى لو مش عضو معانا فى المنتدى وياخد هو منه تفاصيل الراجل بتاعه وينشرها فى الموضوع والتفاصيل موجودة فى الصفحة الاولى فى الموضوع .

انا بصراحه مجربتش محمد الزعيم بس الواضح انه راجل زى الفل بس انا نفسى تجربه رضا الى فى الحرفيين
لانى لفيت كتير قوى والى سمعته عن رضا انه اول واحد اشتغل فى الجولف فى الحرفيين وانا مجربه اكتر من مره ياريت الناس تجربه لانه بجد ميكانيكى محترم وشغله فوق الممتاز ولو حد جرب محمد الزعيم ورضا هو الى هيقدر يفيدنا اكتر