الموضوع: موضوع مهم لكل الايبيزاوية ويا ريت الكل يشارك

المشاركة الأصلية كتبت بواسطة ashoub

الصنايعيه الى عنده حوالى 5 او 6 مش فاكر بالضبط وكلهم بسم الله ماشاء الله اقل واحد فيهم تقريبا شغال بقاله 4 سنين هما شباب فى رنج 25 سنه بس صنايعيه صح وكفايه احترامهم ويخافو على قرشك يعنى لو جايب حاجه بسعر غالى يخليك ترجعها ويجى معاك يجبهالك بارخص سعر وده لانى برده معاملتى معاهم كويسه
لكن رضا لازم العربيه تعدى عليه الاول هو الى يقرر العربيه فيها ايه ويقول للصنايعيه يفكوها ولما تجيب قطعه الغيار هو الى بيبص عليها ويشوفها سليمه ولا لا ويقول للناس يركبوها او ساعات هو الى بيركبها بس هو الى متابع الشغل كله وسعره معقول مش بيدبح واهم حاجه فيه مبيعملش عليك شغل بمعنى لو الحاجه ده هتجبها استيراد وهتبوظ تانى بيقولك هتها جديده احسن ولو شايف الاستيراد احسن هيقولك هات استيراد بمعنى اصح بتاخد العربيبه من عنده ومترحلوش تانى

طب مش عارف انا اغير سيد ولا لا انا عن نفسي مستريح بس ازعيم اقربلي و بعدين عنده كهربائي

بس فعلا عند سيد الناس بيعاملوني بذوق حتى الصنايعيه ... و دا يمكن عشان الاكراميات او انهم عارفني من فتره

دا غير ان في صنايعي عنده شغال اكتر من 7 سنين فاكر اخويا لما كان بيجيبوا بالبيتلز ... انا عن نفسي مريحني بصراحه

مفيش غير مره اللهم بس جبت بوجيهات من عنده و طلعت مرطبه ... و دي ما اقدرش الومه فيها ... و بعدين انا عملت

شغل في العربيه عندنا في المنطقه بس عشان العربيه ما كنتش راضيه تدور اصلا ... الزعيم كله بيشكر فيه بس

يا ترى هيكون بكفائه سيد و بيفتح لغايه كام ... و الكهربائي اللي جنبه مثلا في مستوى رشاد ولا اقل ... او كهربائي

بلدي يعني مش بتاع الماني ... انا بالنسبالي رشاد نص نص برده كان في مشكله في الكهربا هوا فسرها غلط

رحت لكهربائي عادي بس هوا راجل قديم و دقرم حبتين حلها علطول ... فبصراحه مشوار الحرفين والتجنيد

تعبوني دا غير الزحمه اللي عند سيد اصلا ... لو الزعيم كويس و الكهربائي نضيف اعتقد مفيش مانع نجربه

منتظرين معلومات اكتر يا رجالة عن ميكانيكية الايبيزا

ممكن اعرف ايه هى المشكله الى رشاد مقدرش يحلها لانى بحب اوى اعرف اعطال العربيه وعلاجها

يا باشا لو تحب تروح للزعيم تجربه مش هتخسر حاجة وكمان هو عنده جهاز كشف اعطال وزي ما قلتلك قبل كده اتفق على الشغل لو انت قلقان من المصنعية وقله انك جاى من طرف منتدى السيارات الى على الانترنت نايل موتورز ومن طرف حسين الصواف بتاع الايبيزا البيضا وهو هيعمل معاك الواجب وابقى كلمنى من هناك لو تحب وانا اوصيه لكن هو هيعمل معاك الصح لما تقله انك من طرفي ان شاء الله وابقى قولنا علمت اية

المشكله اللي رشاد ما عرفش يشخصها بسيطه جدا النور بيفصل مع المطبات و يرجع تاني

رحتله ثبت الفيوز وشيك على اللمض بس ...شويه ورجعت المشكله تاني .... الكهربائي التاني قاللي الكتاوت مش متثبته

بس كده ثبتها و كله تمام ... هيا مش مشكله كبيره لكن في حجات فعلا ما ينفعش يعملها غير رشاد

بس بحس انه غالي على واحد معاه بولو 95 ممكن يكون مناسب لواحد معاه عربيه حديثه انما كمصنعيه بالنسباللي بصراحه

انا حاسس انه حراق حبتين

هههههههههههههههه
والله وانا لسه بقرا العيب قولت ده كتاوت قبل معرف الكهربائى التانى عمل ايه وعلى فكره رشاد بيشتغل فى الموديلات القديمه
وبعدين رشاد سيبك انه كهربائى هنقول فى كهربائيه كتير
بس رشاد الوحيد الى فاهم كونترول العربيه وعارف كل سلك طالع منين ورايح فين ده غير انه بيضبط الماتور والكربراتير وده مش اى حد بيعرف يعملها بدليل كنت عند سيد عبده الى فى جسر السويس وبقوله شوفلى كربراتير العربيه ده قالى رشاد الى بيظبط العربيه مش انا وده كان صنايعى عنده راجل كبير مش فاكر اسمه وبالنسبه للمصناعيه محدش بقى رخيص دلوقتى الدنيا كلها غليت المصناعيات مش هتغلى فى مش خساره بصراحه لانه بينجز فى الشغل وبيجيب من الاخر

شبابا انا عملت القائمة وضمت عدد 3 ورش الى الناس اجمعوا على انهم من افضل الناس فى الميكانكيا بالنسبة للأيبيزا بناءاً عن تجاربهم معاهم
بس انا كنت عايز اعرف ارفع الصور بتاعه القائمة ازاى هل يوجد على المنتدى هنا مركز لرفع الصور ولا ارفعه على منتدى خارجى واحط الروابط هنا عادى ولا هيكون فيه مشكلة مع الادارة لان الرفع على منتدى اخر وهو غير متخصص فى السايرات ممكن يسبب مشكلة او يكون ممنوع فمنتظركم علشان ارفع الملف وان شاء الله هيعجبكم وربنا يسهل ويكبر عن كده والناس تخسن وتحط بيانات عن ناس تانية كويسة