الفرق بين اللوجان المغربى واللوجان أتحاد أوروبى؟

**خالد** · 30-05-2011 09:06 PM

والله التوكيل ده بيهرج !
الأخوة سألوه قاللهم مفيش حاجة أسمها رومانى كل اللى بنستورده مغربى
خلانى نفضت للراجل بتاع معرض محمد زكى المعادى
أمبارح قلت أستطلع بنفسى من التوكيل أتصلت بيهم قاللولى أيوة فيه دفعة جاية وحضرتك بتحجز بـــ 10000 جنيه وبتستلم بعد شهر بس السعر أقل 1000 جنيه يعنى بــ 76000 جنيه للفول أوبشن ( محمد زكى عنده بــ 77000) ، وعندهم فى التوكيل الهاف برضه حجز وتستلم بعد شهر بــ 73000
طيب ماكان من الأول !!!
ولا يمكن محمد زكى هوة الأساس اللى كان هيستورد ولما هما عرفوا من كتر الناس اللى عمالة تسأل ظبطوا نفسهم وهيجيبوا دفعة برضه ؟ جايز !

**msafa** · 30-05-2011 10:21 PM

محمد زكي على حسب ما اسمع بيسلم بسرعة و دي ميزة
كنت سالته على بلد الصنع و هل الضمان تبع الشركة هنا ولا تصنف خليجي او اوروبي بلغة اللوجان
استخير ربنا و قرر

**dondark** · 31-05-2011 06:17 AM

يعنى انا كنت فى التوكيل من اسبوعين او 3 وقالولى انها ب70 الفول اوبشن
دلوقتى مبقاش فى من ام 70 خلاص ههههههههههههه وغليت كلها بس زودوا الاوبشن؟؟ولا بقة اية الوضع لانى لسة خارج من حادثة وعربيتى القديمة خلاص ذهبت من الريح وفى كل الاحوال كنت بفكر فى لوجان
بس لو كلها زادت كدا فـ هى بقت اقرب لل نيسان مثلا ولية غلوها كدا اصلا

**ZOTYE** · 31-05-2011 06:19 PM

اولا كلام حضراتكم مظبوط 100% فى لوجان تقفيل رومانى تزيد عن المغربى ان فيها 2 اير باج و نظام فرامل abs مانع للأنزلاق انما المغربى فيها اير باج واحدة للسائق و مفيهاش abs و العربية فعلا ب 77000 جنيه و نازلة تبع اتفاقية اغادير برضه و لكن دة عرض ترويجلى لفترة معينة لأن اللوجان المغربى مفيش منها فى السوق خالص بسبب تعطيل حركة الجمارك فقالوا نستورد من الرومان و ندخلها تبع اتفاقية اغادير خلال هذه الفترة فقط ...
بس بعد هذه الدفعة الكبيرة اللى جاية من رومانيا متخلص هينزلوا تقفيل مغربى زى الأول و الكلام دة مش بقوله فى الهواء بالعكس انا نزلت و سألت المهندس الطارق اسماعيل - كارفور بالأسكندرية .......

**engahmedamin** · 31-05-2011 09:19 PM

بس يا جماعة اللى انا اعرفه انه اتفاقية اغادير دى اتفاقية "سوق عربية مشتركة" و متوقعة بين اربع دول مصر و المغرب و تونس و الاردن
و الشرط فيها انه عشان سلعة تدخل من دولة لدولة تانية من اللى ماضيين الاتفاقيه انه يكون المكون المحلى فى المنتج ده على الاقل 40%
يعنى اللوجان اللى معانا دى 40% منها متصنع فى المغرب و الباقى من فرنسا
يبقى ازاى رومانيا تدخل هى كمان فى الاتفاقية ؟؟
هى بقت من الدول العربية وانا معرفش ؟؟:d:d
و حتى لو دخلت فى الاتفاقية .. هتدخل فيها بدفعه واحدة بس و بعدين تخرج تانى ؟
عموما انا مش شايف انها هتفرق مغربى من رومانى
طالما كله تحت اشراف رينو .. يبقى كله مستوى واحد

**zkralla** · 31-05-2011 09:57 PM

المشاركة الأصلية كتبت بواسطة خالد

و
ولا يمكن محمد زكى هوة الأساس اللى كان هيستورد ولما هما عرفوا من كتر الناس اللى عمالة تسأل ظبطوا نفسهم وهيجيبوا دفعة برضه ؟ جايز !

مينفعش يا باشا
وكيل العربية فى مصر هى Eim ومحمد ذكى موزع معتمد من الوكيل ده يعنى شغال من خلاله وتوكيل رينو هو الى بيدلوا العربيات

**zkralla** · 31-05-2011 10:00 PM

سمعت والله اعلم انه الرومانى جايه عشان الى بنستوردوا من المغرب مش مكفى الطلب الى على العربية .

**خالد** · 31-05-2011 10:34 PM

المشاركة الأصلية كتبت بواسطة zkralla

مينفعش يا باشا
وكيل العربية فى مصر هى eim ومحمد ذكى موزع معتمد من الوكيل ده يعنى شغال من خلاله وتوكيل رينو هو الى بيدلوا العربيات

كلامك مظبوط مية فى المية
بس اللى كان مجننى أن محمد زكى هوة اللى كان بيسوق العربية والناس بتحجز عنده والزملاء سألوا التوكيل ومكنش عنده فكرة نهائى عن الموضوع !! مش غريبة برضه الموضوع ده !!

**zkralla** · 01-06-2011 12:49 AM

المشاركة الأصلية كتبت بواسطة خالد

كلامك مظبوط مية فى المية
بس اللى كان مجننى أن محمد زكى هوة اللى كان بيسوق العربية والناس بتحجز عنده والزملاء سألوا التوكيل ومكنش عنده فكرة نهائى عن الموضوع !! مش غريبة برضه الموضوع ده !!

لو الى سأل اتصل بال call center فغالبا بيكونوا فى الضياع واخر من يعلم

**dondark** · 02-06-2011 04:42 PM

قفلت مع التوكيل من شوية
فرع مصر الجديدة
الموضوع انه نزل 25 عربية بسعر77 وفيهم abs وايرباج ودول تم حجزهم كلهم خلاص
والى نازل هو العادى الى ب70 الف العادى(ال يعنى الرخيص بتاع الغلابة)...ودا تحجز والاستلام على اخر7 او اول8 كدا,,,وهم مش عارفين لسة هينزل تانى الى ب77 ولا لا...وقالى شوية واكلمك اقولك هنستورد منه تانى عشان تحجز ولا لا..وطنش غالبا مش هيكلمنى خلاص..

الموضوع: الفرق بين اللوجان المغربى واللوجان أتحاد أوروبى؟

LinkBack

أدوات الموضوع

عرض

-

-

-

-

-

-

المواضيع المتشابهه

الفرق بين الستيب واى واللوجان؟؟؟

حد عند فكره عن الفرق بين اللوجان الاوروبى واللوجان المغربى

الفرق بين الكليو واللوجان

مرايا اللوجان المغربى الكهربا تشبه اللوجان الرومانى موديل 2010

الى مالكى اللوجان المغربى

الكلمات الدلالية لهذا الموضوع

المفضلات

المفضلات

ضوابط المشاركة