لا خاب من استشار و ابغى استشارة

**MOUSTAFA_SAAD** · 11-06-2011 06:12 PM

فكر فى اللوجان مش وحشه
يعنى حطها فى الاختيار برده

**mohamed_1** · 11-06-2011 06:16 PM

شكرا يا باشا
بس هى عيوب الافيو تنطبق على التقفيل الكورى
يعنى الكورى فيه عيوب و لا العيوب فى المصرى بس
و ازاى اعرف الافيو الكورى - التقفيل - من الافيو التقفيل المصرى

**mohamed_1** · 11-06-2011 06:21 PM

المشاركة الأصلية كتبت بواسطة aftam

شوف يا باش
حيث اننى امتلمت هذه السيارة لمدة 6 شهور لكن الكورى اقوللك رأيى
اولا فرق السماء من الارض بين الكورى والمصرى فى التقفيل والأعطال
ثانيا الافيو هى موتور لانوس بشكل اجمل من الداخل والخارج مع سحب انعم وقيادة اسهل وتكيييف قوى
وعفشة انشف وارتفاع اعلى
مشكلة ال rpm اللى الناس بتتكلم عليها موجودة فعلا ولكن علاجها مش فى التوكيل، علاجها انك تسخن العربية قبل ما تمشى بس وللأسف التوكيل مش عارف كدا بس دا اللى انا اكتشفته بعد فترة حيث ان العربية مع الحاجة دلوقتى
قطع الغيار متوفرة خارج التوكيل يعنى تيل الفرامل مثلا نوبيرا
على فكرة انا غيرتلها طنابير بعد 5000 كيلو بس فى الضمان
هى عربية حلوة جدا فى نظرى احسن من اللانوس بس مشكلتها فى الrpm وحلها تسخن
انا رأيى بقى ماتتعاملش مع شيفروليه علشان هو اسوأ توكيل فى مصر ممكن تعتبره كشك اصلا مش توكيل لكن لو مصمم خليك فى الافيو الكورى ولو فلوسك أد المصرى هات لانوس..
ممكن تفكر فى بدائل زى الجيتز عربية ممتازة على فكرة وابعد عن الفيرنا علشان كتقفيل وحشة اوى بالنسبة للانوس او افيو
ومبروك مقدما

[overline]الله يبارك فيك يا باشا و الله ما قصرت
بس ازاى اعرف الافيو الكورى من المصرى
لحسن انا بشك و الى اتلسع من الشوربة ينفخ فى الزبادى
ممكن واحد ابن حلال يبيعلى المصرى على اساس انها تقفيل كورى[/overline]

**Ahmed.Fahmy** · 11-06-2011 06:52 PM

لو شفت كورى مع اى حد هتعرف المصرىبلاستيك تعبان
المصرى فيها مرايات كهرباء والكورى مانيوال بس
وكمان ورق الافراج الجمركى برقم الشاسيه ممكن تكشف عليه

موضوع الrpm موجود فى الكورى بس انت سخن قبل ما تمشى وخلاص
الطنابير انا غيرتها بعد 5000 كم بس فى الضمان والعربية من 6 - 2008 الى اليوم كويسة

**Ahmed.Fahmy** · 11-06-2011 06:55 PM

وممكن لما تيجى تشترى كلمنى لو انا موجود فى القاهرة هاجى معاك واوديك لمعرض بنتعامل معاه انا ووالدى

**Ahmed.Fahmy** · 11-06-2011 10:30 PM

المشاركة الأصلية كتبت بواسطة mohamed_1

و الله تسلم عل ذوقك
المشكلة انى ماشى فى اجراءات مع المتحدة للسيارات
و معندوش افيو كورى
ايه نظام التقسيط مع المعرض الى بتتعامل معاه
و لو سمحت ايه اجراءات ترخيص العربية بعد ما بتاخدها من المعرض
و لازم تخلص كل اجراءات الترخيص ف يوم واحد
مع جزيل الشكر

هو عندو شركات وبنوك بس انا مش فاكر الاسامى
بالنسبة للترخيص فالشركة اللى بتقسطلك هيبعتوا واحد معاك المرور يرخصلك فى نفس اليوم علشان العربية زيرو مفيش مخالفات مثلا يعنى خلال ساعتين تلاتة والترخيص سنة بسنة علشان عليها اقساط
بعد ما تاخد الرخصة هتاخد الضمان بتاع العربية
لو مش افيو كورى خليك فى الانوس
وما قولتليش ايه رأيك فى الجيتز؟

**mohamed_1** · 12-06-2011 03:08 AM

سؤال ضرورى لو سمحت
هو لو حبيت اكيش العربية بعد أول سنة
بتتشال فعلا من عليها الفوايد
يعنى المبلغ الى فاضل على بدفعه من غير فوايد زى ما فالى
و لا ضحك عل الدقون
مع العلم بأن المعرض بيتعامل مع بنك ناصر