الموضوع: انا محتار بجد انزل يوم الجمعة لا منزلش

انا عن نفسي استقريت اني منزلش ومرتاح نفسيا للرأي ده ....

مافيش أي داعي للحيرة
أنت مبسوط من أداء المجلس و حاسس إن الثورة ماشية في طريقها السليم،،،، ماتنزلش
حاسس إن اللي بيحصل غير جيد و إدارة البلد سيئة ،،،، إنزل
إنما إن احنا كشعب نرجع نسكت تاني و نتجاهل أوضاع البلد،،،يبقى فرقنا إيه عن أيام حسني مبارك
ده قرارك أنت لوحدك

لو انت موافق او متوافق مع كل او اغلب إللي بيحصل يبقى ماتنزلش...لو مش عاجبك او مش فاهم او حاسس بإنحراف عن مسار الثورة يبقى انزل..
ماتصدقش الكلام الغلط بتاع دول علمانيين وملحدين ولا الكلام الفارغ بتاع التسخين على الجيش
انا نازل إن شاء الله..علشان حاسس إن الحزب الوطني ربى دقنة ومسك سبحة ووقف على المنبر تحت حماية النظام الجديد..لا اطالب بالدستور اولا احتراما للأغلبية..ولكن من أجل التأكيد على دستور توافقي لا مغالبة فيه..من اجل القائمة النسبية..من اجل حق المصريين في الخارج..من اجل خروج الأمن من الحالة الرخوة...وغيره وغيره

"الله على توقيعك يا ابوجوجو"

لو انت شايف ان البلد اتحسنت و فيه تقدم بعد الثوره و كرامتك متصانه فى الشارع و حقوقك الأدميه بتاخدها من التخين سواء وزير او ظابط او اى حد ...يبقى ماتنزلش

لو مافيش حاجه من اللى انا قولته اتحققت يبقى لازم ننزل كلنا مسلم او مسيحى ..... اخوانى او سلفى ..... ارثوذوكسى او بروتوستانتى

انا عندى كلام كتير قوى وتغير فى المواقف كتير اوى لكن بعد التفكير بعمق فى الموضوع باطلب منك تنزل
لو نزلنا كلنا حاجات كتير هاتتغير
لو نزلنا كلنا هانقول ان البلد فيها ناس كتير بتفهم وتقدر تغير من غير مساعدة الاخوان
لو نزلنا كلنا هانقول للمجلس العسكرى احنا مانضحكش علينا
لازم ننزل لو احنا عايزين ثورة بجد يبقى لازم ننزل
الى الان هى نصف ثورة وشبه انقلاب ولكى نعيدها ثورة كاملة ولكى نستعيدها من براثن العديد من التيارات ونبرهن للجيش اننا نستحق ان نثور فيجب ان نحزم امرنا وننزل ونشارك فى صنع الثورة الحقيقية - الثورة الكاملة
تقبل مرورى