الموضوع: شخص مصرى أصيل.....و بقاله 38 سنة منزلش مصر أجازة....شوفو بيقول أيه

المشاركة الأصلية كتبت بواسطة ahmed a.maksoud

السلام عليكم

أمبارح أسعدنى الحظ أنى أعرف واحد و قالى أن فيه حاجة هنا فى الإمارات أسمها النادى المصرى.....قولت لما أروح معاه و أشوف الدنيا فيها أيه.

رحت معاه و قابلت الحاج أحمد أبو الدهب......

بداية كده الحاج أحمد بقاله تقريباً 38 سنة فى الإمارات........راجل مصرى أصيل.....شوفته قبل ما أعرف أسمه مكنش باين الراجل ده فلاح و لا صعيدى و لا من بحرى........مسلم و لا مسيحى....مكنتش عارف.

الكلام جاب بعضه و عرفت أنه كان فى حرب 73......و خرج من الحرب على الإمارات.......و مرجعش مصر من ساعتها على حسب كلامه.

أقعدنا أتكلمنا شوية عن اللى بيحصل فى مصر.....و تطرقنا لموضوع ماسبيرو....الراجل البسيط ده قالى باللفظ......" أنا 4 من أصحابى فى فترة الجيش أستشهدوا.......3 منهم مسيحين...و واحد مسلم.....الدم كان سايح على بعضه....مسلم على مسيحى.....الناس دى حاربت زى ما حاربنا....و ماتو زى ما ناس تانية كتير ماتو علشان مصر........أنت عارف.....انا بقول على نفسى أنى مصرى مسلم قبطى......و اللى عاجبه عاجبه...و اللى مش عاجبه عنه ما عجبه"

ده كلام واحد من أبطال أكتوبر.....و باين على وشه اثار شظية من الحرب.........

أنا مش عارف أيه اللى وصلنا له ده ؟؟؟

طول عمرنا عايشين مع بعض مسلمين و مسيحيين.....مكنش فيه المشاكل دى إلا فى اخر عقد أو أتنين.........أيه اللى حصل ؟؟؟؟؟؟؟؟؟؟

بره الموضوع
ازاي جالو قلب يقعد 38 سنة ماشوفش بلده
ده أعجوبة من اعاجيب الزمن
ياراجل ده انا باروح اعمل عمره واقعد 10 ايام بارجع كأني عيل تايه عن امه ...... ومش باقدر اقعد في مكة والمدينة خير بقاع الارض اكتر من ايام معدودة وارجع جري على بلدي وابقى عاوز ابوس ترابها ..... باهلها بناسها بزبالتها بزحمتها بضوضاءها بكل قرفها ...... لكن باشتاقلها بشكل بشع
38 سنة ؟؟؟؟؟؟؟ ياااااااااااااااااااااااا اااااااااه