المكنة اللي حيلتي باظت

**KhaledMoawad** · 26-05-2011 12:53 AM

يا رجالة .. الموتور باظ .... الزيت قعد يقل ... الميكانيكي قاللي رحت اغسل العربية من تحت وتعالى.. غسلت ورحتله بعد فترة .. مالقيناش حاجة بتسرب ... المهم .. اللي دوس بنزين جامد كده .. وراح بص عالشكمان .. لقى دخانة بيضة بسيطة جدا .. أنا شفتها .. بسيطة جدا .. قاللي ده كده طقم شنابر .. المهم .. فتحنا القتيل... المهم بعد شوية .. قاللي السبايك ضعيفة ... وراهالي ... هي كأنها متخربشة كده .. قاللي الموتور ده هيعيش بتاع سنة كده (حسيت إنه مريض وعنده مرض نادر) .. وبعد كده هيبقى فيه عمرى أو نسقط موتور... أنا متضايق جدا ... بس قررت اسقط موتور 2000 سي سي إن شاء الله ... بس ده بعد أما اجيب آخر الموتور اللي معايا ده ... هو قاللي كله كده بالصلاة عالنبي كده بتاع 4000 جند ... أنا كده عالشتاء الجي هابقى اسقط واحد .. أنا قلت أشارك احزاني مع العصابة ... وتفتكره الموتور هيعيش معايا للسنة الجاية ولا لأ... أنا العربية بتفكر بس تقول أي .. بصلح وقتي ... وبرده الموتور باظ

**فادى محمد** · 26-05-2011 01:44 AM

سيبك من كلام الميكانيكي هو كان دكتور..الاعمار بيدي الله .

**thug** · 26-05-2011 04:26 AM

فيه ميكانيكي قالي الموتور ده خفيف
وميكانيكي تاني كان غيرلي جوان وش سلندر ( يعني فتح الموتور ) قالي الموتور حالته حلوه ....بيهرب كبس حاجه بسيطه اوى مش هتأثر معاك خالص
واخويا قالي الموتور تعبان وقالي اخره الشتاء الجاى .....مع العلم الكلام ده من 3 سنين
وميكانيكي تاني قالي الموتور كويس بس ديسك واسطوانه
اصدق مين فيهم !!!!
لما يجيلي فلوس ابقي ادور عالعيب بقه
عايز اقولك الموتور ده زي البطيخه .....محدش يعرف محتاج ايه غير لما يفتحه .....ولما يفتحه ....مايقدر يقول هيقعد سليم قد ايه

**mohamed92alex** · 26-05-2011 04:32 AM

لا حول ولا قوة إلا بالله قطعت قلبى أقعد أنت والمتور و أفتكر أيامكوا مع بعض و فرحه وهاتلوا كل اللى نفسه فيه أنا سمعت فى الحالة دى الحالة النفسية بتاثر و ربنا يخليهولك لحد ما يشوف أحفادك الأعمار بيد الله

[quot

[/quote]

**ashrafnoby** · 26-05-2011 09:19 AM

سيبك من كلام الميكانيكي هو يعنى عارف المستخبى انا من رائى انك تشوف ميكانيكى تانى يكون ثقه وشاطر وممكن اكتر من واحد علشان ممكن يكون عيب بسيط جدا وانت مش واخد بالك

**tarekzein** · 26-05-2011 10:34 AM

فكك من الكلام ده ياباشا

أول عربيه أوبل كنت شاريها عامله ميتيين ألف كيلو

أخت بتاعة طنانى كده

وقعدت معايا سنه والدكتور كان بيقوللى الموتور خفيف

وبايعها من سنتين تقريبا

وشغاله زى الفل

وبحاول أخدها من اللى بعتهاله مش راضى يفرط فيها أبدا

**ehabnagip** · 26-05-2011 11:24 AM

هو فى حل كنوع من الوقاية دلوقتى .. فى زيت اسمو ريسورس هتلاقة فى كارفور او عند الوكيل فى التوفيقية دة علة حوالى 50 مل ب 80 جنية على ما اتذكر بس انشاء الله هيحللك المشكلة دى بنسبة كبيرة انا جربتة فى عربيتيى و كذا عربية تانية و فعلا بيفرق بس كنوع من الوقاية متهيائلى في حالتك هتحتاج حوالى 3 علب مش علبة واحدة بيتحط علبة مت تغير الزيت و الفلتر و بعدين واحدة كل 100 كيلو يالنسبة للأتنين التانين .. على العموم انا هجبلك نمرة الوكيل و بردو ممكن تسألهم اية الى ينفع .ز بس انا زى مقولتلك انا جربتوا فى عربيتى ( علبة واحدة ) و حسيت بفرق كويس فى الاداء على العموم هما هيسئلوك شوية اسئلة عن العربلية و عاملة كام كيلو و حاجات من دى علشان يعرف يقولك هينفعك و لا لا و هتحتاج قد اية لو هينفع معاك .. النمرة 0173339869 دى نمرة واحد من الى شغالين هناك بس مش فاكر اسمة و دى مؤقتا عالى ملاقى نمرة المكتب بتاعهم
و دة فيديو عن الزيت

YouTube - ‪Car engine - how it works. RESURS‬&rlm;

YouTube - ‪Remetallizer RESURS Test Drive (ENG)‬&rlm;

**KhaledMoawad** · 26-05-2011 02:53 PM

ربنا يخليكم ليا يا رجالة ... واللهِ أنا شفت السبايك بـنفسي .. هي فعلا متجرحة ... بس أنا مكنتش حاسس بـأي مشكلة في العربية قبل متاكل زيت ... لاني كنت بكشف عالزيت كل فترة .. حوالي مرتين في ال 5000 كم .. لحد مغاير زيت يعني ... وعمري ماشفت تسريب بالكمية دي... قبل كده كان فيه تسريب بسب اويل سيل .. واتعمل على طول ... بعد كده قعدِت بتاع 20000 كم مفيش تسريب ... المرة دي ... غيرت زيت .. وبعد 3000 كم قلت اكشف كل عادة ... لقيته ناقص جدا .. وكنت حاسس بـمشاكل في السحب شوية بس مش قوي ... فـمش متخيل إنه ممكن الحوار يوصل لمرحلة إن الموتور قرب ينتهي ... أنا حاسس إنه عادي يعني مش هيحصل حاجة طول ما أنا باحافظ عليه .. . وربنا يستر إن شاء الله

**tananybasha** · 26-05-2011 03:38 PM

حط ايدك فى زور الشكمان
لقيت زيت او هباب مزيت يبقى طقم شنبر
طلع البوجيهات شفها معرقة زيت و لا لأ
السبيكه طالما فورت خد الكرنك وش نضافه و هات طقم سبيكه و ركبه و طقم شنبر لو عايز و قفل موتورك يا بيه

الموضوع: المكنة اللي حيلتي باظت

LinkBack

أدوات الموضوع

عرض

المكنة اللي حيلتي باظت - انشر الموضوع فى :

-

-

-

-

-

المواضيع المتشابهه

البازوكا اللي حيلتي باظت

أغيثوني ..... المكنه اللي حيلتي باظت

البطاريه اللي حيلتي باظت

العربيه اللي حيلتي باظت

الكلمات الدلالية لهذا الموضوع

المفضلات

المفضلات

ضوابط المشاركة