كويس انك نقلتلنا تجربتك لان العرض مغرى
انا عملت زيك وكنت فاكر انى اختار اى حاجة طلع لا لازم تاخد العرض كامل متكامل يعنى الخط ابو 50 فى الشهر ومعاه الفلاشة ومعاه اشتراك adsl وطبعا دلخت فى حسبه 200 جنيه فى الشهر وانا عندى كل الكلام دة فنفضت
احكيلك على موقف حصلى انا بقى
كان عندى خط وشغال الله ينور ولسة شحنوا ومتكلم منوا لقيت الخط قطع مرة واحدة يهديك يرضيك ما فيش كلمت خدمة العملاء تقولى الخط مش متسجل
مش متسجل ايه يا استاذة دة العقد فى جيبى , تقولى حضرتك تشرفنا فى اى مركز خدمة وهو هيظبطك
طلعت على مركز الخدمة يقولى نفس الكلام الخط مش متسجل يا عم انت اهبل ولا ايه بقولك العقد فى ايدك
تخيلوا بقى يقولى ايه , حضرتك تروح للمكان الى اشتريتوا منوا علشان هو هناك معرفش عندوا ايه يظبطهولك
قولتلوا ازاى يعنى امال انتوا فايدتكم ايه ؟ يقولى احنا شغالين فى الخطوط الى بيبعها عندنا فى العرف وبس
روحت مكلم مدير الفرع وقولتلوا لو سمحت غير اليافطة على الفرع دى , فقالى ليه بس حضرتك , قولتلوا اكتبوا عليها فرع فودافون للارقام دى وبس وحط الارقام الى بتبعوها
المهم بعد لف وحوارات واروح للفرع الى اشتريت منوا يقولى الخط اتوقف!!!
نعم يا حلتها اتوقف ازاى ؟؟ يقولى حضرتك مش مسجل البيانات وبقالك 3 شهور مش بتستخدموا و حضرتك الخط اتباع لعميل تانى قولتلوا انت باين عليك مش فاهم انت بتقول ايه
يا عم الحج انا لسة شاحن الخط ومتكلم منوا قبل ما يقطع كدة ومعايا العقد فى جيبى يبقى مش متسجا ازى
ادينى حد كبير اكلموا ,مدير الفرع ييقولى حضرتك اختار اى رقم واحنا تحت امر حضرتك
قولتلوا انا عايز رقمى ( كنت بتنح علشان اطلع برقم مميز) طب حضرتك الرقم ومعاه معرفش كام دقيقة وكلام بقى جر الناعم
وفى الاخر طلعوا بقر والشريحة هى الى كانت بايظة وكل المعلومات بتاعتهم فى البطاطه