الموضوع: القاء القبض على تشكيل من شركة كيا

يارب يكون الخبر صحيح وكل واحد يلاقى عربيته ومش مشكله دلوقتى التوكيل اكيد هوه كمان "" لو الخبر صحيح وان شاء الله يكون صحيح "" اكيد ها ياخد اجراء شديد لانها فى وشه ومسئوليته ضمان سريه المتعاملين معاه

المشاركة الأصلية كتبت بواسطة beeso

يا جماعة أنا لسة مكلم مكتب مكافحة سرقة السيارة حالا على نفس الرقم اللي مكتوب واللي احنا معندناش أي معلومات ومفيش أي حاجة واللي أكلم القسم اللي أنا عمل فيه المحضر.
قال لي مفيش عربيات ولا حاجة معرفش هو بيقول كده عشان ده الحقيقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

واضح من محل اقامة حضرتك (التجمع التالت زي حالاتي) ان حضرتك كلمت مكتب مكافحة سرقة السيارات في مديرية امن حلوان (الأمين مصطفى)..
انا كلمته من امبارح وفعلا معندهمش اي معلومات لسه ولا القسم عند النقيب عمرو مخلوف لسه عندهم اي معلومات
انا كلمت مكتب مكافحة سرقة السيارات التابع لمديرية امن القاهرة مش حلوان ...وهما اللي قالولي بالحرف الكلام اللي كتبته في المشاركة اللي فاتت
رقمهم 20225119999
خير ان شاء الله وربنا يكملها على خير

5/29/2011 11:31:00 am
شمال سيناء - اشرف سويلم

شنت أجهزة الأمن بالعريش، صباح الاحد، ولأول مرة بعد الثورة، حملة امنية مكبرة مشتركة بين قوات الشرطة والجيش، لضبط الخارجين عن القانون، وعودة الأمن والامان وحفظ النظام.

وهدفت الحملة إلى تمشيط شوارع مدينة العريش، التى تشهد انفلاتا امنيا غير عاديا، ولضبط الخارجين عن القانون، والتصدى للبلطجة، والقبض على المطلوبين، وإزالة التعديات السكنية الغير مرخصة، وتشارك فى الحملة مباحث التموين وشرطة المرافق وضباط من المباحث الجنائية وافراد شرطة سريين وقوات كبيرة من الامن المركزي.

وضمت الحملة الامنية المكبرة قيادات من القوات المسلحة وعناصر من القوات الخاصة، وخرجت اكبر حملة امنية مكبرة صباح اليوم على هيئة كول امنى كبير مكون من عشرة سيارات مصفحة تضم مجاميع قتالية كبيرة، وثلاثة مدرعات من قوات الأمن المركزي، وثلاثة مدرعات تابعة لمديرية أمن شمال سيناء وثلاثة مدرعات من قوات الجيش وسيارات شرطة وجيش.

المشاركة الأصلية كتبت بواسطة beeso

أنا فعلا ساكن في التجمع بس الاول ناحية الرحاب كده مش التالت بس أنا مش قصدي اكدب خالص والله بس أنا كلمت مكتب القاهرة مش حلوان عشان أنا عربيتي اتسرقت من مدينة نصر وهوا اللي رد واللي ان مفيش حاجة بس هو كان عمل يزعق في حد من الموظفين اللي عنده وهوا بيكلمني يمكن بقى مش عاوز الخبر ينتشر لاحد ميخلصو تحقيق الله أعلم.

شكرا على ردك وربنا يرد لكل واحد ضالته سالمة

انا والله ما قلتش خالص ان حضرتك لا سمح الله بتكدب ...اسف ان كنت فهمت كلامي غلط
وواضح فعلا ان عدد الناس اللي بتتصل بيهم لما زاد ابتدوا يكتموا ع الموضوع
عموما مفيش مشكلة كلها يومين وهيبان
الحمد لله على كل شيء وكل اللي يجيبه ربنا كويس
تحياتي لحضرتك

من اليوم السابع:::
سقوط عصابة سرقة السيارات بمدينة نصر


أمر نبيل عباس، مدير نيابة أول مدينة نصر، بإشراف أحمد دعبس، رئيس النيابة، بحبس 3 متهمين 4 أيام على ذمة التحقيق وسرعة ضبط وإحضار 2 آخرين كونوا تشكيلا عصابيا وتخصصوا فى سرقة سيارات "كيا سيراتو".

كشفت تحقيقات النيابة التى باشرها محمد عدلى الشناوى بسكرتارية ماجد بهيج أن المتهمين كونوا تشكيلا عصابيا وتخصصوا فى سرقة سيارات " كيا سيراتو"، حيث اعترف المتهمون أمام النيابة بسرقتهم للسيارات من هذا الموديل فقط لسهولة سرقتها وأنهم كانوا يبيعون السيارة بمبلغ 25 ألف جنيه فى منطقة العريش وغزة المصرية، حيث كشفت التحقيقات أن المتهمين كانوا يتعاملون مع بدو العرب الذين يقومون بتهريب السيارات خارج البلاد مقابل 25 ألف جنيه للسيارة المسروقة.

تعددت البلاغات من المواطنين عن تعرضهم لسرقة سياراتهم الأمر الذى جعلهم يقيمون وقفة احتجاجية أمام التوكيل الخاص بموديل هذه السيارات.

أمر مدير أمن القاهرة بتشكيل فريق بحث لكشف ملابسات الحادث وبعد التحريات والتحقيقات تبين أن وراء ارتكاب وقائع السرقات تشكيل عصابى مكون من 5 متهمين يقوموا ببيع السيارات المسروقة بمنطقة العريش وغزة لبدو العرب بأثمان منخفضة فتم القبض على المتهمين وإحالتهم إلى النيابة التى أمرت بحبسهم وسرعة ضبط وإحضار المتهمين الهاربين.