الموضوع: القاء القبض على تشكيل من شركة كيا

المشاركة الأصلية كتبت بواسطة medo_sirion

كل دة ولسة متعرفش دة حقيقى ولا واقع

أنا عرف إنو حقيقي و الكلام ده بس إلي مستغربلو إن ازاي سرقوا العربيات الي فيها سمارت كي و ازاي جابو الأرقام الشفرة لكل عربية و عرفو إن الكود ده بتاع العربية كذا موجودة في التجمع و التانية موجود في مدينة نصر أو شبرا أو أو ... ده شغل على مايا بيضة و الناس ده فاهمة هي بتعمل إيه

المشاركة الأصلية كتبت بواسطة ahmed000

ومن فضلك بعد ماتضيف بيانات عربيتك ما تنساش
اختار file
وبعدين save
ارجو الاهتمام ونشرها بقدر الامكان

أنا عملت خلاص بياناتي بس أنا كنت عاوز اعرف بس البيانات ده حتعمل بيها إيه بس يعني رايحه شكوى فين ولا قضية ولا إيه بظبط وربنا معانا جميعا وياااارب ترجع كل حاجة مسروقة

أنا عجبني قوي موضوع ال shared excel file على google ده جامد قوي

المشاركة الأصلية كتبت بواسطة ahmed000

عليه العوض ومنه العوض..

شرت نيابة مدينة نصر أول تحقيقاتها فى سرقة السيارات ماركة «كيا سيراتو» من مدينة نصر ومصر الجديدة والنزهة، أفادت التحقيقات التى أجراها محمد عدلى، وكيل أول النيابة، بأن المتهمين الأربعة المضبوطين يشاركهم 4 آخرون من عرب سيناء، واتفقوا على سرقة السيارات منذ 28 يناير الماضى مستغلين الانفلات الأمنى واقتحام البلطجية أقسام الشرطة،

وقررت النيابة حبس المتهمين 4 أيام على ذمة التحقيقات ووجهت لهم التزوير والسرقة وحيازة سلاح نارى، وقررت ضبط وإحضار باقى المتهمين الهاربين.

وكشفت التحقيقات، التى جرت برئاسة أحمد دعبس، أن المتهم طارق سعد «ميكانيكى» متخصص فى إصلاح سيارات «كيا» يعلم أن هناك منطقة ضعيفة فى عجلة القيادة وكان يقوم بكسرها باستخدام «شنيور» صغير، ويقوم بتشغيل السيارة وسرقتها بمساعدة المتهمين هيثم محمد وإشرف حنفى، الذى كان دورهما نقل السيارات إلى باقى المتهمين الهاربين فى الإسماعلية وشمال سيناء ورفح، وأن دور المتهمة هند أحمد تزوير توكيلات وأوراق بيع السيارات إلى المتهمين وإنهم كانوا يقومون ببيع السيارة بمبلغ 25 ألف جنيه.

وأشارت التحقيقات، التى جرت بإشراف المستشار مصطفى خاطر، المحامى العام الأول لنيابات شرق القاهرة، إلى أن بداية احتراف المتهمين نشاطهم الإجرامى يوم جمعة الغضب عند قيام مجهولين باقتحام اقسام الشرطة ووحدات المرور، وقام المتهمون باستغلال هذا الانفلات وسرقة السيارات المحرزة وبيعها ثم استكملوا نشاطهم الإجرامى بسرقة السيارات فى مناطق مصر الجديدة والنزهة.

وأوضحت التحقيقات أن السيارات ليست بها عيوب تصنيع أو وجود مفتاح «ماستر» مسروق وإنما السرقة نتجت عن كسر جزء من عجلة القيادة ، وتبين أن باقى المتهمين فى سيناء كان دورهم تهريب هذه السيارات عبر أنفاق إلى غزة. وأفاد محضر التحريات، الذى حرره الرائد محمد الصعيدى، معاون مباحث قسم أول مدينة نصر، بأن حصيلة السيارات المهربة عبر الأنفاق وصلت إلى مائة سيارة.

ودلت التحريات، التى جرت بإشراف اللواء أسامة الصغير، مدير الإدارة العامة لمباحث العاصمة، أن المتهمين يحملون الأسلحة النارية لمقاومة الشرطة عند ضبطهم، وقد تم العثور على توكيلات مزورة معهم عند ضبطهم، بالإضافة إلى أسلحة نارية وطلقات.

شكرا على المعلومة بس ممكن بس تكتب المصدر عشان بس الواحد حتى يعرف يتابع الأخبار يمكن ربنا يكرم والاقي عربيتي مع إن شكلها كده خلاص راحت ومش جاية تاني

انا قريت الخبر ده فى المصرى اليوم النهارده ... بس طبعا مش فاهم ايه الحته اللى فى الدركسيون لما تتكسر العربيه تمشى بسهوله ... هل مثلا كان بيفور السينسور بتاع الايموبيليزر ولا ايه؟

لو فى حد من اللى عربياتهم اتسرقت لقا العربيه يطمننا