الموضوع: لوك الحزام

السلام عليكم و رحمه الله و بركاته

انا يا جماعه عندي مشكلة
انا استلمت اللوجان من حوالي 3 اسابيع كان فيها مشكله ماخدتش بالي منها غير لما استلمتها و مشيت بيها
ان لوك الحزام اللي بيدخل فيه الحزام مش موجود اصلا
فأتصلت بالتوكيل اشوفه موجود ولا لأ الراجل قالي لأ موش موجود و بيجي بالطلب
فروحت لمحل العربيات اللي اشتريت منه و بقاله اسبوعين عمال يلعب بيا
يقولي تعالي كمان يومين احنا اتفقنا مع التوكيل و كل مره اروحله يقولي موش موجود لسه
وهو فعلا مش موجود في التوكيل لأني سألت بس مش عارف هايجي اصلا بعد كده ولا لأ
فكنت عايز اعرف هل اللوك ده متوافر في حته تانيه اعرف اجيبه منها و بأي سعر لأني مش هادفع ولا مليم اصلا
الموزع اللي اشتريت منه هو اللي هايدفع
فياريت لو حد يعرف اي مكان يقوله لأني سألت في شارع دمشق و قالي مش هاتلاقيه في حته لأن نادرا ما حد يطلبه و بصراحه عنده حق


حاجة كمان
انا بكره ان شاء الله ناوي اركب فرش داخلي للعربيه
فهل لو ركبت الفرش و روحت بعد كده عشان اركب اللوك ده هاضطر اشيل الفرش تاني ولا مش لازم
لأني شايف ان اللوك نفسه جزء من الكرسي مش منفصل


شكرا مقدما