سؤااال في السريع!!!

**aborawan** · 27-05-2011 11:30 PM

السلام عليكم
دي اول مشاركه ليا في القسم وارجو المساعده
اولا العربيه لانسر بوما 1300
لما بشغل التكييف على السلانسيه العربيه بترج جامد اوي والار بي ام بينزل ل 400
علما بان
:الار بي ام على السلانسيه والعربيه بارده بيكون 400 ولما بتسخن بيكون 900

برجاء محاولة توضيح سبب الرجه والضبط الامثل للار بي ام

**أبو إياد** · 27-05-2011 11:35 PM

تنظيف البوابه والحساس بمنظف انجكشن او كاربراتير
ده بالنسبه لتظبيط rbm
ولو الرجه فضلت موجوده بعد ظبط rbm يبقا احتمال تلف قاعده مو قواعد الموتور

**أبو إياد** · 28-05-2011 12:28 AM

المشاركة الأصلية كتبت بواسطة أبو إياد

1- هاتشيلوا ماسوره علبه الهواء
فك الفلتر وفك الجزء الخلفى من العلبه وهو المسمار الموجود فى اخر الماسوره بمفك صليبه او مفتاح 10

2- هاتبداء برش الاسبراى فى البوابه بدون ماتشغل الموتور وممكن تفتح البوابه بالواير الموجود بالخارج بتاع الاكسراتير

3- هاتشغل الموتور وترش الاسبراى وانت بتزود علشان البوابه تفتح والعربيه ماتبطلش منك

4- هاتفك الحساس الموجود فى الصوره واللى مكانه تحت مدخل البوابه عباره عن 3 صواميل بمفتاح 7 وبعد كده تفك الفيشه

5- ترش الباقى من الاسبراى على الحساس ومكان تركيب الحساس وتعيد التركيب تانى

6- بعد ماتركب كل حاجه وتتاكد ان كله تمام افصل كابل البطاريه لمده 10 دقائق وبعد كده ركبه وشغل الموتور وابدا بتزويد البنزين عدت مرات متتاليه وتدريجيه مع زياده فى الدوسه اللى بعدها لغايه ما الار بى ام يفصل معاك

..