الموضوع: سؤال بخصوص السيفيك

على فكرة الكورولا اوطى من السيفيك بس الكورولا قاعدة عجلاتها 2.550 بعكس السيفيك اللى بتبقى 2700 مم

ماشي المهم في الآخر السيفيك هيا اللي بتحك بغض النظر عن السبب. وده عيب كبير. دا غير قلة الأوبشنز اللي فيها

وبالنسبة للاوبشن عيب السيفيك الوحيد انها مافيهاش كمبيوتر معلومات غير كدة مافيش

يا باشا السيفيك لا كومبيوتر رحلات ولا مفتاح بصمة ولا حساسات نور ومطر ولا مرايات ضم. وكدة إحنا بنتكلم على ال vti أم 190 ألف جندي. و شنطتها ضيقة وبتحك في المطبات! طب على إيه! أنا مش داخل سباق عشان موضوع موتورها. ما المازدا موتورها كويس وفيها كل الأوبشنز اللي في الحياه و بميه حاجة وخمسين ألف.

اية المشكلة دلوقتى انا مش معترض ولا على المازدا ولا على الكورولا كل عربية فى الدنيا ليها مميزات وعيوب الكمال لله وحدة

وكل واحد محتاج عربية ترضى متطلباتة سواء بقى مازدا سيفيك كورولا

انا عن نفسى لازم تكون العربية ماتورها قوى + ثابتة جدا + شكلها رياضى + منخفضة

عادى ياباشا كلها فى الاخر عربيات

متفق معاك. مفيش عربية فيها كل حاجة (إلا الحاجات الغالية أوي) فا كل واحد بيشوف أولوياته. أنا بالنسبالي أول أولوياتي الأوبشن عشان كدة باميل للمازدا.