الموضوع: عقيد شرطة محترم زيادة عن اللزومطبعا موقف يستحق الاشادة ولكن على الوجه الاخر ساحكى قصة

المشاركة الأصلية كتبت بواسطة som3a2

ياجماعه انتوا واخدين الموضوع بحساسيه شوية .. اكيد العميد ده يقصد من كلامه ان وجود الشرطه مهم جداً وان البلطجيه لازم ياخدوا بالجزمه واكتر من الجزمه كمان ... انت وانا و اي بني ادم محترم ملتزم ماشي صح مستحيل ينضرب بالجزمه

وانا كل اصحابي شرطه و الدفعه دي متخرج خمسه اصحابي .. وكلمتهم في الموضوع ده قالولي انهم واخدين اوامر بضرب النار ع اي حد بلطجي لكن المحترم يتشال ع الراس ...

الاول كان المحترم او غير المحترم بينضرب بالجزمه لكن دلوقتي لأ .. وعن تجارب كتير بعد الثورة ومعايا انا كمان

و دلوقتي كمان مرتبات الظباط بقت كويسه جداً ف مفيش داعي دلوقتي لرشاوي و اكراميات والكلام الفاضي دلوقتي

بس المشكله بقا ان المحترم بعد الثورة يتنطط ع الظابط و يكلمه بأسلوب وحش ساعتها يستحق انه ينضرب بالحزمه اياً كان حتي لو انا ..
بلاش نحكم ع كلام الناس بالطريقه دي ونحلل الموضوع الاول ونفهم قصد كلامه

واخيراً
مصر الحضاره ... مصر التاريخ ... مصر المقاصه :p
و الجيش والاهلي ايد واحده ههههههههههههههههههه معلش طولت عليكما

عزيزى سمعة اعتقد ان تطبيق القانون هو الحل بدون قلة ادب وبدون كلام وهرتلة كتير مالهاش لازمة
بصراحة احنا شعب لسانه زالف والحكومة عودتنا على كدة
تلاقى واحد بيقول كلام يعاقب عايه القانون وبعد ماكل واحد يقول اللى فى نفسه كله ولاد الحلال يتدخلو ويقولو معلش يا جماعة المسامح كريم .. والله ده شيطان ... خلاص بقى حقكوا علية انا ... يللا بوسوا راس بعض
اصبحت الحلول العرفية هى الحل لعدة اسباب
اولا الغلطان هايلاقى اللى يدافع عنه
ثانيا المغلوط فيه عارف بنسبة كبيرة انه مش هاياخد حقه بالقانون واحتمال يتبهدل كمان عشان فكر فى كلمة بالقانون دى
ثالثا الناس فى مصر لذيذة جدا معظمهم بيشتغل مطيباتى والنوع ده كافى ان الحقوق تروح على اديه وده طبعا بدافع عينة الكلام اللى مكتوب فوق
تعودنا على المجالس العرفية وحق العرب وضاعت الحقوق وضاعت معها الواجبات واصبحنا لا نعلم علم اليقين ماهو الذى لنا وماهو الذى علينا

معظم دول العالم حلت المشكله اللى عمالين نغنى عليها

كل الناس سواسيه بلطجيه او دكاتره

القانون يطبق على الجميع

ممنوع الاعتداء على مواطن بكلام قذر حتى لو هو اعتدى على الشرطى

فيه قانون يطبق علي المعتدى و على الشرطى لو تطاول بالكلام حتى لو على بلطجى - لازم ياخد حقه


الشرطه تلجأ للعنف اذا كان فيه تهديد على الشرطى و لازم تحقيق محترم اذا حدث افراط فى القوه

النيابه سلطه مراقبه على الشرطه (مش زى البيه بتاع الداخليه اللى بيقول لن يقبل بتدخل القضاء فى عمل الشرطه) اللى هو من ضمن اختصاص القضاء مراقبة اعمال الشرطه و التعامل مع المواطن اصلا

احنا محتاجين ناس بتفهم و مخلصه النيه مش محتاجين بلطجيه ملبسنهم نجمه و كاب