هوندا سيفيك2007 سوداء للبيع ..

**ahmedtoma** · 06-09-2008 03:40 PM

ممكن تقولى الهوندا سيفيك بصفة عامة ادائها اية ؟ وكماليتها عملا اية وهل هى من السيارات التى تعتبر من سيارات الخدمة الشاقة ؟ برجاء افادتى عن الاتى ( السحب-التكيف-مساحة الصالون الداخلية -اسعار قطع الغيار ) وكمان انا سمعت انها واطية شوية عن بقية السيارات الاخر والواحد بيخاف من المطبات برجاء سرعة الرد والافادة نظرا لاننى ارغب فى شرائها زيرو .
وشكرا...

**wolverine1987** · 27-01-2009 12:00 AM

اضم استفساري الى استفسار الاستاذ احمد توما, انا برده عندي نفس الاسئله اللي سالها الاستاذ احمد و كان نفسي اسالها لحد فعلا جرب الهوندا سيفيك و عاش معاها فتره عشان اجابته تكون دقيقه.. انا برده عايز اعرف اداء العربيه عامل ازاي السحب و العفشه في طرق مصر الجميله اللي احنا نعرفها و اذا كانت سياره تستحمل العمل الشاق ولا لأ, و كمان انا سمعت ان الدهان بتاع العربيه "خفيف" بمعنى انه سهل انه يتخربش بسهوله مش زي مثلا المرسيدس الدهان عليها تحس انه كثيف و مش سهل انك تلاقي خرابيش عليها! و ايضا اسعار قطع الغيار عامله ازاي.. وهل خضرتك تفضلها ولا تفضل هيونداي الانترا الجديده؟..

**م. تيمور** · 27-01-2009 12:44 AM

اهلا بحضرتك
حجاوب على اسالتك كنقاط
1 - العربيه من اروع مابمكن كتسارع و تصميم ورحابه داخليه
2 - عيبها منخفضه جدا لا تناسب شوارع مصر اللي كلها مطبات وزحمه ,,
3 - الدهان زي اي سياره يابانيه حتنتظر ايه غير الجوده لكن موضوع الخرابيش ده فعلا كثير عليها
4 - سعر اعادة البيع معقول
قطع الغيار ماجربتش يبصراحه