الموضوع: الفيوز سخن

فيوز مروحة تبريد الرداتير يسخن لدرجة انة يسيح مع العلم ان المروحة جديدة فما الحل

المشاركة الأصلية كتبت بواسطة hm414

لا مش موضوع امبير اطلاقا

انا جربت بأمبير 5 وجربت بأمبير 35
الاتنين ساحو فنفس الوقت
الفيوز بيفضل سليم انما من السخونه خامة البلاستيك بتسيح

انا بعد بحث مضني لقيت ان اسباب السخونية في التوصيلات كذا حاجه اهمهم واشهرهم:
اولا ضعف في احدى الاقطاب في توصيل الكهرباء والحل هنا انك تشيك على كل وصله من توصيلات المروحه انها سليمه وماسكة كويس

ثانيا ان يكون الاسلاك مقاومتها عاليه ورفيعه وده بيؤدي لارتفاع درجة حرارة السلك وبالتالي بيسيح اضعف جزء بلاستيكي في الدائرة
حلها انك تستبدل التوصيلات بأسلاك اطخن شويه

ثالثا ان نفس خامة الفيوز تعبانه وبلاستيكها ضعيف وبتسيح من الهوا وبالذات لو الفيوز ده موجود في الحوض ومعرض للسخونه بتاعة الماتور


ده رأيي الشخصي بعد اما دورت وقريت شويه عن الموضوع

انا عندي راجعت عالتوصيلات ولقيت ان القطب الموجب تعبان وعملتله توصيله جديده من البطاريه علطول علشان ميبقاش عليه حمل
وغيرت الفيوز بواحد خامته نضيفه جدا اخدته من الكهربائي ومكتوب عليه انه ايطالي
ثانيا طولت السلك بتاع القطب الموجب وخليته سلك 3 ملم

المشكله عندي اتحلت لمدة يومين ومن ثم حصل حاجه تانيه
ان الكلبس اللي شابك في الفيوز هوا اللي ساح وده اكدلي ان خامات البلاستيك اللي بتتباع هنا ضايعه
والحل
لغيت اي حاجه بلاستيكيه من الدائره والاسلاك شبكتها بترامل ولفيت عليها شريط لحام بدل الكلبسات البلاستيك والحمد لله المشكله اتحلت تمام


اهم حاجه ان يكون زي مبتقول الفيوز بيسيح مش بيتحرق لانه لو بيتحرق يبقى فيه ماس...

تحياتي

كلام سليم
كنت عاوز اوضح حاجه بشكل ثانى احتراق او سيحان الفيوز للاسباب التاليه
1- عيب فى المروحه (شوف المروحه وهى شغاله لمده 5 دقائق لو سخنه يبقى بتسحب امبير عالى وهتلاقى السلوك الموصله لها سخنه برضو )
2- عيب فى الفيوز
3- السلك المتوصل لقاعده الفيوز مش متوصله كويس فبتشرز وتسخن وتسيح الفيوز ( شيك على السلك المتوصل للقاعده )