اقتراح لتحديد مكان لمقابلة الصقور الخامسة .. وياريت تفاعل .. ياما حنقفلكم قسم نيسان

**Magdy_press** · 01-06-2011 05:15 PM

أعتقد إن الأغلبية موافقين على إقتراح الأخ باسم بأن تكون المقابلة عند كارفور
وده إقتراح جميل لأن الطريق إليه سهل يوم الجمعة ومنطقة واسعة وقريبة من الجميع
وياسلام لو المقابلة يوم الجمعة 10 يونيو ... يبقى كدة بمشيئة الله ممكن احضر بنسبه 90%
وهذا بسبب ظروفي الصعبة يا أستاذ أحمد ، وإذا تمت الأمور في هذا الإطار فسأكون سعيد بأول لقاء لي مع صقور نيسان
عموما .. أتمنى أن تتجه الأراء إلى إقتراح الأخ باسم لأنه سيسهل حضوري الذي كان مستحيلا في المقابلات السابقة
ولأنني أكن لكم جميعا كل التقدير والإحترام والمودة ، فأتمني أن أسعد بلقائكم
أخيراً .. أرجو أن تضح الأمور مبكرا في مطلع الأسبوع القادم بعد أن يقوم أخونا الأستاذ أحمد بمعاينة الأماكن المرشحة
وذلك حتى يتثنى لي أن أقدم أجازة مبكرة لهذا اليوم لأنه سيكون بالنسبة لي يوم عمل عادي ويستوجب تقديم أجازة بإجراءات صعبة لأكون بينكم ... وربنا يوفقكم جميعاً

**basemsaeed** · 01-06-2011 05:33 PM

المشاركة الأصلية كتبت بواسطة walidadel

التجمع الخامس ياحمد اخر شارع التسعين يعتبر قبل ال auc كده
شوفت مخرج مدينة نصر اللي عن مسجد السلام اللي بين الترب مش دخلنا شمال و بعدين كملنا علطول لحد ماقطعنا الدائري هو دا شارع التسعين مدخل التجمع الرخامس الرئيس اقعد بقي امشي في الشارع ده علطول لحد ماخير الله ماجعله خير كده العمار يقرب يخلص هتلاقيها علي الشمال
انا شايف انها مشوار للي في القاهره اصلا و بعدين كده هاتقل علي باسم حافظ في غدي وواجب بقي لاننا جايين في بيته يعتبر و جايين من سفر بقي و حووووارررررررررررر يعني
زائد ان اسعارها نسبيا مرتفعه مقارنة بليموزين مثلا

انا شايف اننا نجمع الناس علشان نعرف مين اللي هييجي من بره القاهره و نحدد المكان علي اساسهم علشان هما اللي هاييجوا من مشوار بعيد لكن اللي داخل القاهره اي مكان هايبقي كويس لكله حتي لو اتقابلنا في منطقه وسط جمعنا نفسنا يعني و توجهنا للمكان
فاول حاجه نشوف مين جاي من بره القاهر بس الاول و المكان بعد كده سهل

مظبوط شرحك يا وليد
بس ممكن تروحه من الدائري علطول
و قبل ما تنزل النفق,اطلع من فوقيه و خش يمين ,هو ده شارع التسعين و تفضل ماشي لحد ما تقابل ال meeting point
على فكرة كله من الدائري

**Ahmed.TV** · 01-06-2011 06:04 PM

صعب اروح اكتشف الاماكن يوم الجمعة الجاية واعلن المقابلة بعدها باسبوع

دايما المقابلات بيتم الاعلان عنها قبلها على الاقل باسبوعين وممكن يوصل الى 3 اسابيع او شهر
عشان نضمن ان اكبر عدد يجى ويحضر المقابلة

وكمان احنا جربنا نحاول نعمل مقابلة سريعة والاعلان عنها قلبها باسبوع وفشلت

وكمان انا عارف ان فى ناس عندنا كتير بتشتغل , بس اكيد فى شباب , والناس حتكون مشغولة فى الامتحانات لغاية 10/6

فصعب جداا جدا اننا تكون فى 10/6

المشكلة فى اليوم لانه اتظبطت واتحدد وفقا الى ظروف كل الاعضاء , وان شاء الله حنختار معاد كويس باذن الله يناسب الكل
وكمان عشان نلحق نتجمع , ونعمل بعدها المقابلة العائلية فى اول شهر 7 باذن الله

فغالبا مقابلتنا حتكون فى نص 6 باذن الله

المشكلة فى المكان دلوقتى , وربنا يقدر ونختار مكان مناسب وشيك ,وتكاليفه تكون مناسبة للكل , سواء المشروبات او الاكل

لان فى معانا صقور لو مش اكلت تتقلب ديناصورات

وان شاء الله نتجمع على خير

**Ahmed.TV** · 01-06-2011 06:05 PM

نتقابل اكثر من 20 فرد جوة البلد بزحمتها وقرفها حيكون صعب
ده غير مش حلاقى ركنة لكل الناس دى

حنخلى مقابلتنا على اطراف القاهرة زى اكتوبر او التجمع

انا بس عاوز اعرف فى حد قعد قبل كدا فى meeting point يحكلنا يقولنا ايه الوضع والدنيا هناك اخبارها ايه
فى الاكل والشرب والمكان ولا ايه يا شباب

**م/محمد** · 01-06-2011 07:40 PM

المشاركة الأصلية كتبت بواسطة peaceman

اعتــــــــــــــــــــــ ــــــرض

احنا ممكن نعمل استطلاع في موضوع منفصل علي الميعاد علي يوم 10-6 و يوم 17-06 و نشوف كده رأي الناس ايه لأن يا احمد ممكن يكون اصلا الناس معندهاش امتحانات و علي اساسه نكون حددنا الميعاد اللي بيرضي كل الناس

و كمان يكون في الاستطلاع نفسه نرتب كذا مكان و برده نشوف رأي الناس في المكان

حول ....

طول عمرك برنس يا بيشو
احمد
اعمل 2 استطلاع في المواضيع المثبته
الاول عن المعاد
التاني عن المكان و لاتفتح مجالا للردود منعا لتوهان الموضوع اظن اللي عنده اقتراح قاله في الموضوع ده
حط كل الاقتراحات يا احمد بما فيها جراند ليموزين
علي فكره الاستطلاع ده سياسه المنتدي في المقابلات منذ قديم الازل مش هينفع كده الحوار مش هيتلم

**Ahmed.TV** · 01-06-2011 08:29 PM

احنا اى مقابلة يابيشوى عندنا بتعتمد على انها مقابلة عاملة مش بتقتصر على الاعضاء فى القسم , وفى ناس كتير اعرفهم ويعرفونا خارج القسم من عندنا وبيحضروا ومش بيحبوا يفوتوا مقابلة لينا واغلبهم عندهم امتحانات والكل حيخلص اول شهر 6

وانا عندى كمان امتحانات فى رسالة الدكتوارة وحتخلص يوم 12 , ويوم 10 ده فى دروس مع مدرسين

عشان كدا عارف موضوع الامتحانات ده

وبالنسبة للمكان يا محمد

يوم الجمعة اروح اشوف الاماكن الاول وبعد كدا ربنا يسهل , لسبب , لان ممكن نعمل استطلاع على اماكن وتطلع مش مناسبة

لكن لما اروح واشوف بعينى وارتب سواء لجراند او بوينت التجمع , او حتى اى كافيه تانى فى دماغى او فى ماغكم من هنا ليوم الجمعة حنعرف وقتها ويمكن اصوره ونعمل استطلاع للاماكن المناسبة ,لما حقولكم على اللى شوفته

وموضوع جراند ليموزين ده انساه نهائى , لان طريق الحى العاشر يوم الجمعة لعنة لعنة فعلا , والدنيا زحمة

غير الكافيهات حتى لو جينا من طريق النحاس من ورا بتكون زحمة

لان اى واحد عاوز يرغى مع اى زبون عايز يبيع العربية بيقعدوا على الكافيهات دى

فجراند يوم الجمعة حيكون صعب جداااااااا

اهم شى عندنا مكان على الاطراف والوصول ليه سهل

وكمان بخصوص المعاد يكون بعيد عشان فى اعضاء غير الامتحانات تلحق تقرا الموضوع , ويعملوا حسابهم , لان فى اعضاء بردوا بتدخل كل 4 ايام , وفى منهم بيدخل كل اسبوع

فدايما بنعطى فرصة قبلها بقترة كبيرة

ممكن 17 او 24 /6 , لكن 10 ده حيكون صعب جداا للاسباب اللى وضحتها

فالوحبين تعملوا استطلاع على الوقت يبقا بين الاتنين دول

تحياتى

**Osama_I** · 01-06-2011 09:09 PM

السلام عليكم و رحمة الله و بركاته
يا ريت يا باشا مقابلة منهم تكون بين 5 ، 15-7
حسب الأجازة
و شاكر

**WalidAdel** · 02-06-2011 12:30 AM

المشاركة الأصلية كتبت بواسطة ahmed.tv

انا بس عاوز اعرف فى حد قعد قبل كدا فى meeting point يحكلنا يقولنا ايه الوضع والدنيا هناك اخبارها ايه
فى الاكل والشرب والمكان ولا ايه يا شباب

انا في رمضان اللي فات كانت قاعدتي فيها بعد الفطار خميس و جمعه لازم
هيا عباره عن مول كده في كذا كافيه و كذا مطعم مابين تشيليز او حاجه زيه مش فاكر و الكافيهات مستواها مستواها زي جراند كافيه الميرلاند لو كان حد راحه و في فوق بقي كافيه و دي اللي علي اسمها المكان اصلا بس دي فووووووووق و دا اللي مخاليها مميزه يعني الدور الخامس تقريبا يارابع مش فاكر حته في الهوا الطلق كده شيشه و مشاريب و اكل طبعا مافيش فيهم كلام بس الاسعار عاليه شويتين تلاته
يعني لو شيشة حجر و شربت عصير و شاي مثلا مثلا ممكن تدفع 40
و لو الموضوع تطور و دخلنا في اكل هايبقي 70 -80 و حسين ممكن يخش في 100
بس طبعا كل دا و الاكل تحفه و الشيشه تمام و المشاريب 100 100
نقدر نقول مستواها هايبقي قريب لسفاري مع الفارق لصالح ميتنج بوينت و بعيد كل البعد عن جراند ليموزين اعلي بحبه حولين يعني و دا غير القاعده في الهوا و افتكر يوم الجمعه هايبقي فيها حجز كمان مش هانروح كده من غير مانحجز
في كافيه كمان باصص علي الشارع فوق بردوا بس دا صغير
افتكر ميتنج بيونت هاتبقي صعبه لو عايز حاجه في مستوا جراند ليموزين فعموما لو عايز حاجه كده ابعد عن التجمع علشان صعب تلاقي حاجه كده في التجمع
من الاخر هاتروح التجمع و تاكل و تتبسط و تشرب عصير في شاي في عصير في شيشه اعمل حسابك في 100 مقفوله زادت 20 او قلت 20

في اقتراح لو ينفع نغير اليوم علشان نبعد عن يوم الجمعه في جراند ليموزين و نبقي محافظين علي المستوا و القاعده و الهوا و المكان الفاضي للركنه لاننا هاندوخ علشان نلاقي مكان بالمواصفات دي مع وضع في الاعتبار الاسعار كمان

-

-

الموضوع: اقتراح لتحديد مكان لمقابلة الصقور الخامسة .. وياريت تفاعل .. ياما حنقفلكم قسم نيسان

LinkBack

أدوات الموضوع

عرض

-

-

-

-

المواضيع المتشابهه

استفسار عن الـ GPS Tracker لتحديد مكان السيارة

أعضاء شيفروليه اللى هايستلموا الشماسات ... يرجى المشاركه لتحديد مكان وميعاد المقابله

اقتراحات البروتـونـــاويــه لتحديد -مكان وزمان- المقابله -ان شاء الله-

الكلمات الدلالية لهذا الموضوع

المفضلات

المفضلات

ضوابط المشاركة