اقتراح لتحديد مكان لمقابلة الصقور الخامسة .. وياريت تفاعل .. ياما حنقفلكم قسم نيسان

**A.Saad** · 31-05-2011 08:48 AM

دار الامن المركزى
شرحه وبرحه

محدش يضرب
بهزر

ممكن نادى الرماية فى اخر الهرم

**احمد المصرى** · 31-05-2011 10:00 AM

انا برضوا بقترح كارفور مصر اسكندريه الصحراوى وفى بجواره طريق القريه الذكيه بيكون شبه فاضى يوم الجمعه لاى حد عايز يجرب عربيته مثلا

**Ali_Abo_Amr** · 31-05-2011 10:30 AM

انا موافق على كاروفور اسكندرية علشان كانت اول مقابلة للصقور يعملها احمد مصطفى كانت هناك وكانت تحفة فعلا ...
وبرضه ممكن لو مكان جديد زى الرحاب مثلا ...

**احمد المصرى** · 31-05-2011 10:53 AM

انتم تقصدو كارفور اسكندريه ولا كارفور ال بجوار القريه الذكيه ..... لابد من التوضيح حتى لا يحدث لبس عند الاعضاء

**mff_629** · 31-05-2011 02:19 PM

السلام عليكم
أنا أؤيد إنها تبقى في مكان قريب من طريق مصر اسكندرية عشان المرة اللي فاتت كانت قريبة من طريق مصر السويس و اللي بعدها مصر الفيوم و هكذا
في الـ Meeting Point اللي عند الشيخ زايد
أو كارفور برده مافيش مشكلة

**Ahmed.TV** · 31-05-2011 03:33 PM

فين دى يا محمد , مكانها فين فى زايد

انا عاوز اقتراحات واسامى بعناوين , او صور لاى كافية قريب من اى حد يصورهولنا

لان يوم الجمعة الجاية حروح واتفقد الموضوع ده

هو مبدئيا لغاية دولوقتى بخصوص الكافيهات اللى عند كارفور مصر اسكندرية انا عارفها كويس وعملنا فيها اول مقابلة للصقور

لو حد يعرف حاجة جديدة واسعارها مناسبة , وموقعها مناسب , وفيها ساحة للركن كبيرة يبقا تمام

**mff_629** · 31-05-2011 04:31 PM

[QUOTE=ahmed.tv;3873539301]فين دى يا محمد , مكانها فين فى زايد

تمشي طريق الشيخ زايد من محور 26 يوليو و تدخل الحارة البطيئة زي ما تكون رايح الشيخ زايد بالضبط من عند البوابة اللي جنب هايبر وان بس متدخلش من البوابة دي عديها و ادخل أول يمين بعديها على طول قبل كريزي ووتر على طوول
بالنسبة للكافيهات اللي هناك هما زي بتوع عامر جروب على ما أتذكر

**م/محمد** · 31-05-2011 06:13 PM

انا اسف يا ابوحميد ومع احترامي لكافه اقتراحات الصقور
انت عايز تتنازل عن اول شرط اللي هو مكان يسهل الوصول اليه
لا يوجد انسب من ليموزين -مدينه نصر ليكون سهل الوصول اليه سواء من داخل البلد او من الدائري وبه مكان للركنه
انا بقترح انها تبقي الخميس او السبت لتلافي زحمه سوق الجمعه
علي فكره يا جماعه انا مش من سكان مدينه نصر انا من سكان اخر المعادي يعني بالنسبالي مشوار كبير ولكنه مناسب لاغلب الناس
بس حرام اطلع علي الصحراوي وعندنا مكان كويس جدا