اقتراح لتحديد مكان لمقابلة الصقور الخامسة .. وياريت تفاعل .. ياما حنقفلكم قسم نيسان

**BassamHafez** · 04-06-2011 01:08 PM

انتوا خلاص استقريتو على الصحراوي ؟

يعني ما اجبش اسعار الميتينج بوينت ولا ايه

**Ahmed.TV** · 04-06-2011 02:56 PM

شكلها كدا سفارى يا بسام

**BassamHafez** · 04-06-2011 03:03 PM

المشاركة الأصلية كتبت بواسطة ahmed.tv

شكلها كدا سفارى يا بسام

ممم

هي بعيده بس مش مشكله

بس المهم الناس اللي اصلا المكان ده متحدد عشانهم ييجوا فعلا

**Ahmed.TV** · 04-06-2011 05:30 PM

الموضوع والاعلان عن المكان حتعرفوه النهاردة او بكرة بالكتير , حشوف مكان جميل يناسب الكل , ويكون شيك جدا يليق بمقابلات قسم نيسان والصقور

ونستقبل فيه اخونا العزيز اللى حينورنا كريم فرحات , اللى حيكون فاكهة مقابلتنا باذن الله

تحياتى

**WalidAdel** · 05-06-2011 09:43 PM

المشاركة الأصلية كتبت بواسطة bassamhafez

بس المهم الناس اللي اصلا المكان ده متحدد عشانهم ييجوا فعلا

لا ماهو اللي مش هاييجي عضويته هاتتشطب من علي المنتدي ووووووووووووووووووششششششش شش اصلا و احتمال افجر القسم باللي فيه
داحنا بنتبهدل ياجدعااااااااااااااااان علشان المقابلات دي و احمد مصطفي منزلنا في الحر في عربيه ليسه بتلين و اكلنا علي كبوت العربيه ييييييييييييييييييييييييي يييه حوارات حوارات حوارات عالله بقي ماحدش ييجي انا بقول اهو
وانت ياعم بسام (مغلطش في اسمك اهو) 20 سندوتش جبنه بالطماطم علي طرموصين تلاته شاي علشان القاعده هاتطول باين عليها لحد مانشوف اخرتها ايه مع المنتدي ده بقي

**Ahmed.TV** · 05-06-2011 11:44 PM

انا لو العدد من قسم نيسان مكنش كبير باعضائه المرة دى والمقابلة دى , انا بصراحة حنسحب من القسم نهائى

والكلام ده مش هزار , الكلام ده جد جدااااا

لان فعلا بنتعب عشان الناس جدا , وحق تعبنا اننا نشوفهم ونلتقى بيهم , لاننا بنعمل خدمات بدون مقابل من اى طرف سواء نيسان او الاعضاء ,

المقابل الاهم والكبير هى معرفة الناس , واذا كان الناس مش عايزة تعرفنا , يبقا كل مسيرة فى مصلحة الاعضاء حتقف ,

وفكروا لو الناس الاكتف فى القسم انسحبت منه تخيلوا ايه اللى حيكون !!

فبلاش تكبتونا , لان قدمنا كتير جدا من خدمات كبيرة , لان الحمد لله القسم ده بقا اسم كبير جدا فى التوكيلات وعلى ضوئه حنسعى فى خدمات كبيرة للاعضاء فى المستقبل

وفعلا انا حكتب ده فى الامضاء بتعتى , اللى مش حيحضر المقابلة الخامسة ,او مقدمش اعتذار وقدرنا فعلا حنسحب من القسم

وحنشوف وقت اعلان المقابلة ايه اللى حيكون وحنشوف تفاعل الناس

تحياتى

**WalidAdel** · 06-06-2011 01:38 AM

المشاركة الأصلية كتبت بواسطة basemsaeed

قصدك ايه يا عم وليد بعربية لسه بتليين

[/SIZE][/B]

باشا باشا باشا

و بعدين بسام ياعم باين عليه كده مش سهل انك تعرف تطلع حاجه منه دانا حنا بنجرب العربيه كنت حاسه عايز يفتح الباب و يدلقني منها لما توهنا جوه ورا القهوه كده فاحنا نطلع منه بالسندوشتات الجبنه البيضه امو طماطم احسن و علي راي المثلا اللي ييجه منه احسن منه ياعم باسم

و بعدين انا طالب منه عشرين يعني هاتشبع هاتشبع

**BassamHafez** · 06-06-2011 02:10 AM

شوف بقى يا عم وليد

عشان الكلام ده بقى انا هاجيب سندوتشات الجبنه ومش هاتاخد حاجه

ده حتى انا خليتك تجرب الايه بي اس

وبعدين انا العربيه بالنسبه ليا زي الجو بتاعي بالظبط

ده حتى المدام بتغير منها جدا

وبالرغم من ده كله سيبتك تركبها عشان تعرف انت غالي قد ايه