الموضوع: أشعر بالذنب والخجل من نفسى.

المشاركة الأصلية كتبت بواسطة mahmoud5777

انا برضو منزلتش لسبب بسيط انى مكنتش فى القاهرة كنت فى الصعيد
وانا حتى هذه اللحظة مستاء من كل التعليقات اللى اتكتبت على الصعيد على القطارات وحجات تانية كتير
انا مثلا من اسيوط وعمرى حاجة وتلاتين سنة مافتكرش ان فى مرة حطيت اسيوط او اي بلد من الصعيد بمقابلها فى الوجه البحرى وخدت حقها فى الاعلام هاهاها ده حتى فترة قريبة مكانوش بيجيبوا درجة الحرارة بتاعتها فى النشرة بينطوا من فوقيها كأنها موش موجودة مافيش فى مرة فرحونا بافتتاح حاجة مثلا فى التليفزيون
ولما كنت اقابل حد من القاهرة ويعرف انى من اسيوط بشوف فى عينه نظرة غريبة مبفهمش ايه هيه ولما اسأله مالك يقلى ابدا هاهاهاها
ومع الوقت بتتعود انك عايش فى عالم والناس التانية فى عالم تانى وتبطل تقرا جرايد علشان اللى فيها ميخصكش وبرضو متشوفش النشرة ولا الحوارات برضو علشان اللى فيها ميخصكش ودلوقت بعد الثورة الحمد لله جامعات مصر ثبتت المؤقتين والحياه اتغيرت وبقت حلوة واحنا فى اسيوط لسه فى اجراءات التثبيت زى ما بيقولوا ومعاهم كمان لشهر سبعة يعنى زى ماحنا

بقولها من كل قلبى انا بعشق صعيد مصر بناسه وبألامه المنسية
معلش صدعت دماغكم

انا كمان من الصعيد بس عايش من القاهرة

بس بالعكس انا بحس ان الناس لما بيعرفوا انى من الصعيد بيفرحوا بيا جدا،،، الصعيد اه مظلوم جدا بس فيه خير كتير جدا،،، للاسف معظم رجال اعمال الصعيد بيتجهوا إما الى القاهرة او الاسكندرية وبينسوا بلادهم تماما

المشاركة الأصلية كتبت بواسطة زينة الله

هون عليك يا أخى الكريم

أنا زيك كان نفسى أنزل المظاهرات لكنى لم استطع فكنت دائمة الصلاة و الدعاء لهم و متابعة الأخبار لدرجة إن وزنى نزل حوالى 5 كجم فى أسبوع الثورة

و بعدين الجايات أكتر من الرايحات زى ما بيقولوا و مصر محتاجة منا الكتيييييييييييييييييييير
إن ما كنش فى ميدان التحرير و الثورة يبقى فى ميدان العمل والانتاج والتصحيح والعمل التطوعى كمان


عندما كان يعود الرسول (ص) من الغزوات كان يقول " رجعنا من الجهاد الأصغر إلى الجهاد الأكبر " :: جهاد النفس فى كل أمور الحياة ،،

وعندك كمان أعظم الجهاد " كلمة حق فى وجه سلطان جائر " و أكم من سلطوين جائرين فى مناحى حياتنا

و ربنا يرزقنا جميعا الشهادة والمرد غير المخزى وحسن الخاتمة

اختى فى الله،،، جزاكى الله خير الجزاء فى الدنيا والاخرة على ردك الطيب الكريم

المشاركة الأصلية كتبت بواسطة shaddadfalcon1

عادي جاد ومش معقول ال 80 مليون هينزلو
انا منزلتش وكان نفسي انزل بس اهلي وقفولي ولما حتي كنت بنزل الشغل كان كل شويه اتصالات وطبعا سهر بالليل عشان البلطجه

طبعا زعلان اني منزلتش بس مش هموت نفسي يعني
غير ان مووضع المظاهرات بيختلف من شخص للتاني في ناس لما تسمع علي مظاهره بتطير عليها وفي ناس بتخاف وفي ناس مش بتحب الحاجات دي اصلا

اليوم ده يساوى كل الايام اللى عشتها بحياتى،،، ده اليوم اللى التاريخ اتكلم وهيتكلم عليه،،، ده اليوم اللى كل لحظة فيه وكل موقف سيتم تدرسيه للتلاميذ والطلبة

يوم لا يقل أهمية عن ثورة 1919

المشاركة الأصلية كتبت بواسطة shaddadfalcon1

يعني حضرتك كان نفسك تنزل عشان عيالك يبقو فخورين بيك انك شاركت في الثوره.؟

أكيد كانت هتبقى حاجة كويسة انى ان شاء الله لما اتجوز اولادى يبقوا فخورين بيا لانى شاركت فى الثورة

هل ده السب اللي مخليك زعلان؟

لا مش هو ده السبب،، السبب انى كان نفسى اشارك فعلا فى حاجة مفيدة لمصر حاجة اخدم بيها بلدى

انا مش شايف اي سبب يخلي اي حد يزعل انه مشاركش في الثوره

بتختلف من شخص لشخص

طيب مانا والدي وجدي مشاركوش في 73 وعادي
وفي ناس اهلها شاركو في 73 واستشهدو كمان ايه بقي اللي خدوه ؟ ولو اهلهم عايشين هيفضلو كل شويه يقولو احنا حاربنا؟

الناس اللى استشهدت فى الحرب كسبت الجنة،،، ويكفى شرف الشهادة،،، واهلهم هيقولوا ان ابنى استشهد فى حرب 73 ونال شرف الشهادة

هي الناس بتحارب عشان يتقال عليها حاربت وتتفشخر قدام عيالها ولا عشان تحرر بلدها من الظلم والأستعمار وانها تنول الشهاده؟

بس والله انا مش بتفشخر ولا حاجة،،، انا متاسف جدا لحضرتك لو كنت حبيت انى اتكلم مع ناس غاليين عليا هم أعضاء المنتدى