ايه الفرق بين بنتو و جراند بنتو ؟!

**theking2690** · 15-05-2008 12:32 AM

المشاركة الأصلية كتبت بواسطة NaderNabil

يااااه...العربية دي روحت اتفرجت عليها ايام ما كنت بدور من شهرين....بس معجبتيش خالص....و تسوي 50000 بالكتير قوي :)

اتصدق يا نادر انا برضه اتفرجت على العربيه ديه لما كنت بدور على عربيه و فى الاخر رسيت انى اشتريت زيرو بس فعلا العربيه ديه طالما قعدت الوقت ده كلو يبقى فيها مشكله

**NaderNabil** · 15-05-2008 12:42 AM

المشاركة الأصلية كتبت بواسطة theking2690

اتصدق يا نادر انا برضه اتفرجت على العربيه ديه لما كنت بدور على عربيه و فى الاخر رسيت انى اشتريت زيرو بس فعلا العربيه ديه طالما قعدت الوقت ده كلو يبقى فيها مشكله

هو كان كاتب و قايل في التليفون انها دهان مصنع روحنا لاقينا الجنبين اللي ورا مرشوشين

....و صوت الموتور كان عالي و فيه تكتكه غريبة....ده غير تنجيد السقف كان مبهدل..

**tutankhamoun** · 15-05-2008 01:50 PM

العربية اللي في الصورة دي يا جماعة متسواش أكتر من 45 ألف و ممكن الرقم ده ينزل لو كلام حضراتكم مظبوط إن فيها شُغل كتير

و الأستاذ ميدو عثمان كان بيسأل على موضوع فرق السعر
أولا زي ما الأخوة وضحوا و قالوا إن الموتور القديم أقوى من الجديد في السحب
ثانيا
الفيات أسعارها أعلى من السكودا في المستعمل و ده راجع لعدم انتشار قطع غيارها و عدم انتشار السيارة نفسها و بعض الاشاعات التي خرجت عليها

أما البونتو
عربية غير مكلفة ... تكلفة تشغيلها رخيصة نسبيا
لا تستهلك بنزين
قطع غيارها معمرة جدا لو بتحافظ عليها
أداء كويس
شكل جميل .....
قطع غيار منتشرة ......... و ثمنها معقول و نوعيات مختلفة ( ايطالي و الماني و تركي و صيني و تايواني )
و أفضلهم الأيطالي طبعا علشان هو الأصلي بتاع العربية و ده صعب تلاقيه خارج التوكيل
و بره التوكيل بتلاقي الألماني و الإنجليزي كمان و بقية الأنواع

فيه حاجة نسيت أضيفها
البونتو اللي تعدي الخمسين
أولا عدادها بيكون قليل
مش محتاجة مصاريف
حالتها الداخلية و الخارجية حلوة